Mapisarema 113:1-9
113 Rumbidzai Jah!*
Murumbidzei, imi vashumiri vaJehovha,Rumbidzai zita raJehovha.
2 Zita raJehovha ngarirumbidzweKubva zvino zvichienda mberi uye nekusingaperi.+
3 Kubvira pakubuda kwezuva kusvikira pakuvira kwaro,Zita raJehovha ngarirumbidzwe.+
4 Jehovha ari pamusoro pemarudzi ese;+Kubwinya kwake kuri pamusoro pematenga.+
5 Ndiani akaita saJehovha Mwari wedu,+Iye anogara* pakakwirira?
6 Anokotama kuti atarise denga nenyika,+
7 Achisimudza munhu akaderera kubva muguruva.
Anosimudza murombo kubva mumurwi wemadota*+
8 Kuti aite kuti agare nevakuru vakuru,Nevakuru vakuru vevanhu vake.
9 Anopa mukadzi asingabereki mushaKuti ave amai vanofara vane vana.*+
Rumbidzai Jah!*
Mashoko Emuzasi
^ Kana kuti “Hareruya!” “Ya” kana kuti “Jah” kupfupikiswa kwezita rekuti Jehovha.
^ Kana kuti “anogara pachigaro cheumambo.”
^ Dzimwe shanduro dzinoti, “munorasirwa marara.”
^ ChiHeb., “vanakomana.”
^ Kana kuti “Hareruya!” “Ya” kana kuti “Jah” kupfupikiswa kwezita rekuti Jehovha.
