Mapisarema 106:1-48
106 Rumbidzai Jah!*
Ongai Jehovha, nekuti akanaka;+Rudo rwake rusingachinji runogara nekusingaperi.+
2 Ndiani anganyatsozivisa mabasa esimba aJehovhaKana kuzivisa mabasa ake ese akakodzera kurumbidzwa?+
3 Vanofara vaya vanotonga zvakarurama,Vanogara vachiita zvakarurama.+
4 Haiwa Jehovha ndirangarireiwo pamucharatidza vanhu venyu nyasha.*+
Ndichengeteiwo nemabasa enyu ekuponesa,
5 Kuti ndiwanewo zvakanaka zvamunoitira vanhu venyu vamakasarudza,+Kuti ndifare pamwe chete nerudzi rwenyu,Kuti ndidade nekukurumbidzai* pamwe chete nenhaka yenyu.
6 Takatadza sezvakangoita madzitateguru edu;+Takaita zvisina kururama; takaita zvakaipa.+
7 Madzitateguru edu aiva muIjipiti haana kukoshesa mabasa enyu anoshamisa.
Haana kurangarira rudo rwenyu rukuru rusingachinji,Asi akakupandukirai pagungwa, pedyo neGungwa Dzvuku.+
8 Asi iye akavaponesa nekuda kwezita rake,+Kuti aite kuti simba rake guru rizivikanwe.+
9 Akatuka Gungwa Dzvuku, rikapwa;Akavatungamirira nepakadzika paro sekunge vari kufamba mugwenga;*+
10 Akavaponesa paruoko rwemhandu yavo+Uye akavanunura paruoko rwemuvengi.+
11 Mvura yakafukidza mhandu dzavo;Hapana kana imwe chete yadzo yakapona.*+
12 Vakabva vatenda zvaakavimbisa;+Vakatanga kuimba vachimurumbidza.+
13 Asi vakakurumidza kukanganwa zvaakaita;+Havana kumirira zano rake.
14 Asi vakaratidza makaro avo murenje;+Vakaedza Mwari mugwenga.+
15 Akavapa zvavakakumbira,Asi akabva avarova nechirwere chakavaonza.*+
16 Vari mumusasa, vakanzwira Mozisi godoUye Aroni,+ mutsvene waJehovha.+
17 Nyika yakabva yavhurika, ikamedza Dhatani,Ikafukidza vakanga vakaungana naAbhiramu.+
18 Moto wakabvira pakati peboka ravo;Rimi remoto rakaparadza vakaipa.+
19 Vakagadzira mhuru kuHorebhiUye vakakotamira mufananidzo wesimbi;*+
20 Vakachinjanisa kubwinya kwanguNemufananidzo wemombe inodya uswa.+
21 Vakakanganwa Mwari+ Muponesi wavo,Uyo akaita zvinhu zvikuru muIjipiti,+
22 Mabasa anoshamisa munyika yaHamu,+Mabasa anoshamisa paGungwa Dzvuku.+
23 Akanga ava kuda kuvaparadza,Asi Mozisi munhu wake waakasarudza akazotaura naye achivakumbiriraKuti adzore hasha dzake dzinoparadza.+
24 Vakabva vashora nyika yakanaka;+Vakanga vasingatendi zvaakavimbisa.+
25 Vakaramba vachinyunyuta vari mumatende avo;+Havana kuteerera inzwi raJehovha.+
26 Saka akasimudza ruoko rwake achipika nezvavoKuti aizoita kuti vafire murenje;+
27 Aizoita kuti vazukuru vavo vafire pakati pemamwe marudzi,Uye aizovaparadzira nenyika.+
28 Vakabva vatanga kunamata Bhaari wePeori,*+Uye vakadya zvibayiro zvakapirwa kuvakafa.*
29 Vakamugumbura nezviito zvavo,+Denda rikatanga pakati pavo.+
30 Asi Finiyasi paakasimuka akapindira,Denda racho rakabva ramiswa.+
31 Uye akabva anzi akaruramaKwezvizvarwa zvese nekusingaperi.+
32 Vakamutsamwisa pamvura yeMeribha,*Uye zvakaipira Mozisi nemhaka yavo.+
33 Vakamushatirisa,Uye akataura nemuromo wake asina kufunga.+
34 Havana kuparadza marudzi,+Sezvavakanga vaudzwa naJehovha.+
35 Asi vakavhengana nemarudzi acho,+Vakadzidza mabasa awo.+
36 Vakaramba vachishumira zvidhori zvawo,+Zvikava musungo kwavari.+
37 Vaibayira vanakomana vavoNevanasikana vavo kumadhimoni.+
38 Vairamba vachideura ropa risina mhosva,+Ropa revanakomana vavo nevanasikana vavoVavaibayira kuzvidhori zveKenani;+Uye nyika yakasvibiswa nekudeurwa kweropa.
39 Vakasvibiswa nemabasa avo;Mabasa avo akaita kuti vaite unzenza hwekunamata.+
40 Saka Jehovha akatsamwira vanhu vake kwazvo,Uye akasvika pakusema nhaka yake.
41 Akaramba achivaisa mumaoko emamwe marudzi,+Kuti vaya vaivavenga vavatonge.+
42 Vavengi vavo vakavadzvinyirira,Uye vaiva pasi peruoko rwavo.
43 Aivanunura kakawanda,+Asi ivo vaipanduka uye vaisateerera,+Uye vaininipiswa nemhaka yekutadza kwavo.+
44 Asi aiona kutambudzika kwavo+Uye ainzwa kuchemera kwavo kubatsirwa.+
45 Aiyeuka sungano yake navo,Uye ainzwa tsitsi,* pamusana perudo rwake rukuru rusingachinji.+
46 Aiita kuti vanzwirwe tsitsiNevanhu vese vainge vakavatapa.+
47 Tiponesei, haiwa Jehovha Mwari wedu,+Uye tiunganidzei kubva kumarudzi+Kuti tionge zita renyu dzveneUye tikurumbidzei tichipembera nemufaro.+
48 Jehovha, Mwari waIsraeri, ngaarumbidzweNariini nariini.+
Uye vanhu vese ngavati, “Ameni!”*
Rumbidzai Jah!*
Mashoko Emuzasi
^ Kana kuti “Hareruya!” “Ya” kana kuti “Jah” kupfupikiswa kwezita rekuti Jehovha.
^ Kana kuti “pamuchaitira vanhu venyu zvakanaka.”
^ Kana kuti “ndidade nemi.”
^ Kana kuti “murenje.”
^ Kana kuti “yakasara.”
^ Kana kuti “chakaonza mweya yavo.”
^ Kana kuti “wesimbi yakanyungudutswa.”
^ Kana kuti “vakazvisunganidza naBhaari wePeori.”
^ Kureva, zvinhu zvakabayirwa kuvanhu vakafa kana kuti kuna vanamwari vasina upenyu.
^ Kureva kuti “Kupopota.”
^ Kana kuti “aizvidemba.”
^ Kana kuti “Ngazviitike.”
^ Kana kuti “Hareruya!” “Ya” kana kuti “Jah” kupfupikiswa kwezita rekuti Jehovha.
