O le ā Sou Manatu e Uiga i le Lumanaʻi?
Lo tatou lalolagi—po o le a . . .
-
tumau ai pea i le mea e tasi?
-
faasolo ina leaga?
-
faasolo ina lelei?
MANATU O LE TUSI PAIA
ʻE soloiesea foʻi e le Atua loimata uma i o latou mata, e lē toe iai se oti, po o se faanoanoa, po o se tagiauē, e lē toe iai foʻi se tigā. Auā ua mavae atu mea muamua.’—Faaaliga 21:3, 4, Faaliliuga a le Lalolagi Fou.
AOGĀ E TE MAUA MAI AI
Galuega aogā ma faamalieloto.—Isaia 65:21-23.
E lē toe iai se maʻi po o so o se ituaiga o puapuaga.—Isaia 25:8; 33:24.
Se olaga fiafia e lē uma, faatasi ma aiga ma uō.—Salamo 37:11, 29.
PE MAFAI ONA TATOU TALITONU MONI I LE TUSI PAIA?
Ioe, mo ni māfuaaga se lua:
-
E iā Ieova le mana e faataunuu ai ana folafolaga. I le Tusi Paia, o loo taʻua ai Ieova le Atua ua na o ia o “Lē e ona le malosi uma lava,” ona e lē gata mai lona malosi. (Faaaliga 15:3) O lea, e mafai ona ia faataunuu lana folafolaga e suia lo tatou lalolagi i se tulaga e sili ona lelei. E pei ona taʻua i le Tusi Paia, “e mafaia e le Atua mea uma lava.”—Mataio 19:26.
-
E naunau le Atua e faataunuu ana folafolaga. Mo se faaaʻoaʻoga, e “matuā naunau” Ieova e toe faafoʻisia le ola i ē ua maliliu.—Iopu 14:14, 15.
Ua taʻua foʻi i le Tusi Paia sa faamālōlō e le Alo o le Atua, o Iesu, ē na mamaʻi. Aiseā na ia faia ai faapea? Ona sa ia finagalo i ai. (Mareko 1:40, 41) I le pei o lona Tamā, sa naunau foʻi Iesu e fesoasoani i ē na manaʻomia se fesoasoani.—Ioane 5:19.
O lea, e tatou te mautinoa e finagalo Ieova ma Iesu e fesoasoani mai iā i tatou ia maua se olaga fiafia i le lumanaʻi!—Salamo 72:12-14; 145:16; 2 Peteru 3:9.
IA MAFAUFAU I AI
O le a faapefea ona suia e le Atua lo tatou lalolagi i se tulaga e sili ona lelei?
O loo taliina i le Tusi Paia lenā fesili i le MATAIO 6:9, 10 ma le TANIELU 2:44.
E te Ono Fiafia Foʻi
LE OLOMATAMATA
Le Upu Moni e Faatatau i le Lumanaʻi
Ia faamalosia lou faamoemoe i mau o le Tusi Paia e faatatau i le lumanaʻi o le lalolagi ma tagata o le a nonofo ai.
ISI MATAUPU
O se Faamoemoe Moni mo se Lumanaʻi Manuia
Aiseā e ese ai folafolaga o loo taʻua i le Tusi Paia mai i folafolaga e faia e tagata?
A'OA'OGA FAALE-TUSI PAIA
O le ā le Malo o le Atua?
I le faiva a Iesu i le lalolagi, e tele atu taimi na ia talanoa ai i le Malo o le Atua nai lo se isi lava mataupu. Ua tele senituri, o tatalo ona soo ina ia oo mai lenā Malo.
LE OLOMATAMATA
O le ā o le a Faataunuuina e le Malo o le Atua?
Na silafia lelei e Iesu e na o le Malo o le Atua le faigāmalo e mafai ona foʻia faafitauli o le lalolagi. O ā mea ua faataunuuina e lenā Malo lea e faamalosia ai lo tatou mautinoa?
MOLIMAU A IEOVA
Talosaga mo se Asiasiga
Ia talanoa se fesili faale-Tusi Paia, pe aʻoaʻo atili e faatatau i Molimau a Ieova.
