Salamo 48:1-14
O le Salamo. O le pese a le fanauga a Koru.+
48 E sili lava Ieova ma ua matuā alagatatau ona viia o iaI le aai a lo tatou Atua, i lona mauga paia.
2 E matagofie lona maualuga, o le fiafiaga o le lalolagi uma,+O le mauga o Siona i itu mamao o le itu i mātū,O le aai o le Tupu Sili.+
3 O ona ʻolo malolosi,Ua faailoa mai ai e le Atua o ia o le sulufa‘iga malupuipuia.*+
4 Faauta! ua faapotopoto tupu;*Ua latou ō atu faatasi foʻi.
5 Ina ua latou vāai i ai, ona latou taufaiofo lea.
Ua latou atuatuvale ma sosola i le fefefe.
6 Ua latou gatete ai i inā,Ma ua tigā ai e pei o se fafine o le a fanau.
7 Ua e lepetia vaa o Tasesa i le matagi mai i sasaʻe.
8 O mea na tatou faalogo i ai, ua tatou vāai ai lavaI le aai o Ieova o ʻau, i le aai a lo tatou Atua.
E matuā faatumauina ia e le Atua e oo i le faavavau.+ (Selā)
9 Le Atua e, ua matou mafaufau i lou alofa faamaoni+I totonu o lou malumalu.
10 Le Atua e, e pei o lou suafa, e faapea foʻi ona oo atuLou viiga i tuluʻiga o le lalolagi.+
Ua tumu lou aao taumatau i le amiotonu.+
11 Inā olioli ia le mauga o Siona,+Inā olioli ia tamaʻi aai o* Iuta, ona o au faamasinoga.+
12 Inā faataamilo ia i Siona; ma ia soo ai;Inā faitau foʻi ia ona ʻolo.+
13 Ia ua‘i o outou loto i ona pā puipui.+
Ia iloilo ona ʻolo malolosi,Ina ia mafai ona outou faamatala atu i tupulaga o loo fāi mai.
14 Auā o lenei Atua o lo tatou Atua+ e faavavau, faavavau lava.
E na te taʻitaʻiina i tatou seʻia oo i le faavavau.*+
Faamatalaga Pito i Lalo
^ Po o le “ʻolo malupuipuia.”
^ Po o le “ua filifili tupu e feiloaʻi.”
^ Epe., “le fanau teine a.”
^ Pe atonu “seʻia oo lava i le oti.”
