Salamo 105:1-45
-
O le faamaoni o Ieova i lona nuu
105 Ia faafetai atu iā Ieova,+ ia valaau atu i lona suafa,Ia faailoa atu ana galuega i nuu!+
2 Inā pepese atu ia iā te ia, ia usuina viiga* iā te ia,Ia manatunatu* i ana galuega ofoofogia uma.+
3 Ia mitamita i lona suafa paia.+
Ia olioli foʻi loto o i latou e saʻiliʻili iā Ieova.+
4 Inā saʻili atu ia iā Ieova+ ma lona malosi.
Ia saʻili atu pea iā te ia.
5 Ia manatua galuega ofoofogia na ia faia,O ana vavega ma iʻuga o faamasinoga na ia fetalai mai ai,+
6 O outou le fanau a* Aperaamo lana auauna,+O outou o atalii o Iakopo, o ē na ia filifilia.+
7 O ia o Ieova lo tatou Atua.+
E na te faamasinoina le lalolagi uma.+
8 E na te manatua lana feagaiga e faavavau,+Le folafolaga na ia faia* i le faitau afe o tupulaga,+
9 O le feagaiga na ia osia ma Aperaamo,+Ma le tautoga na ia tautō ai iā Isaako,+
10 Lea na ia faavaeina e avea o se tulafono iā IakopoMa o se feagaiga ma Isaraelu i aso uma lava,
11 E faapea, “Ou te tuuina atu iā te oe le laueleele o Kanana,+O lo outou tofi lea.”+
12 Na faia lenei mea ina o toʻaitiiti i latou,+Ioe, a o matuā toʻaitiiti lava, ma o tagata ese i latou i le nuu.+
13 Na latou fesavaliaʻi solo mai i lea atunuu i lea atunuu,Mai i le tasi foʻi malo i le isi malo.+
14 E na te leʻi faatagaina se tasi e faapuapuagatia i latou,+Ae na ia aʻoaʻia tupu ona o i latou,+
15 E faapea, “Aua neʻi fetagofi atu i ē ua ou faauuina,Aua foʻi neʻi faia se mea leaga i aʻu perofeta.”+
16 Na valaau o ia i le oge ina ia oo mai i le nuu;+Na ia taofia a latou mea‘ai.*
17 Na ia auina atu se tagata e muamua atu iā i latou,O Iosefa lea, o lē na faatauina atu e fai ma pologa.+
18 Na latou faamau* ona vae i filifili,+Na faamau lona ua i uʻamea;
19 Seʻia oo i le taimi na faataunuu ai lana afioga,+O le afioga a Ieova na faamamāina ai o ia.
20 Na auina atu le poloaʻiga a le tupu ina ia tatala o ia,+Na faasaʻoloto o ia e le pule o le nuu.
21 Na ia tofia o ia e fai ma matai i lona aigaMa ia pule i ana mea uma,+
22 Ina ia pule* i ona perenise e tusa ma lana faitaliaMa aʻoaʻo ona toeaina i le atamai.+
23 Ona ō atu lea o Isaraelu i Aikupito,+Ma ua aumau Iakopo o se tagata ese i le nuu o Hamo.
24 Na faatoʻateleina e le Atua lona nuu;+Na ia faia i latou ina ia malolosi atu i o latou fili,+
25 Na ia liua o latou loto ina ia feita i lona nuu,Ina ia faufau faasaga i ana auauna.+
26 Na ia auina atu lana auauna o Mose,+Ma Arona+ o lē na ia filifilia.
27 Na la faia ana faailoga iā i latou,O ana vavega i le nuu o Hamo.+
28 Na ia auina atu le pōuliuli ma ua pogisa ai le laueleele;+E la te leʻi fouvale foʻi i ana afioga.
29 Na ia liua o latou vai i le toto,Ma faamamate o latou iʻa.+
30 Na faatumulia lo latou nuu i rane,+E oo lava i totonu o potu o o latou tupu.
31 Na ia faatonuina lago taufeū ina ia osofa‘i,Ma namu i o latou vaipanoa uma.+
32 Na ia liua timuga i uatoʻa,Ma auina atu uila* i lo latou nuu.+
33 Na ia taia o latou vine ma o latou matiMa faatama‘ia laau o lo latou nuu.
34 Na ia fetalai e tatau ona osofa‘i sē akerise,Ona ō mai ai lea o le lē mafaitaulia o tama‘i sē akerise.+
35 Na latou ʻaina laau uma o le nuu,Na latou ʻaina foʻi fua o le laueleele.
36 Ona ia fasiotia lea o ulumatua uma i lo latou nuu,+O o latou ulumatua uma.
37 Na ia aumaia ona tagata faatasi ma siliva ma auro;+E leai foʻi se tasi o ona ituaiga na tautevateva.
38 Na fiafia Aikupito ina ua latou ō ese,Auā ua oo le mataʻu iā i latou ona o Isaraelu.*+
39 Na ia fofola le ao e fai ma pupuni mo i latou,+
Ma le afi e faamalamalama i le pō.+
40 Na latou talosaga atu, ona ia aumaia lea o salu;*+Na ia faamaoona pea i latou i le meaʻai mai i le lagi.+
41 Na ia vavae le papa ma tafe mai ai vai;+Ona tatafe atu ai lea e pei o se vaitafe i le toafa.+
42 Auā na ia manatua lana folafolaga paia i lana auauna o Aperaamo.+
43 Ona ia aumaia lea o lona nuu ma le olioli,+O ē na ia filifilia ma le alaga fiafia.
44 Na ia avatu iā i latou fanua o atunuu;+Na maua e i latou fua o galuega mamafa a isi tagata,+
45 Ina ia latou tausia ana poloaʻiga+Ma mulimuli i ana tulafono.
Ia vivii atu iā Ioa!*
Faamatalaga Pito i Lalo
^ Pe atonu “Ia taʻu atu e faatatau.”
^ Po o le “tā ma usuina pese.”
^ Po o “o ē e tupuga mai iā.”
^ Epe., “O le upu na ia poloaʻi mai ai.”
^ Epe., “gauia tootoo uma na tautau ai falaoa.” Atonu e faasino atu i tootoo na faaaogā e tautau ai falaoa lapotopoto.
^ Epe., “faatigā.”
^ Epe., “saisai.”
^ Po o “afi mumū.”
^ Epe., “i latou.”
^ O se tamaʻi manulele peti e tusa ma le 18 senitimita lona umi. E lelei mo le tausami.
^ Po o le “Aleluia!” O “Ioa” o le faapuupuuga o le suafa o Ieova.
