Esekielu 27:1-36
-
Se pese faanoanoa i le goto ifo o le vaa o Turo (1-36)
27 Ua toe oo mai le afioga a Ieova iā te aʻu e faapea:
2 “A o oe le atalii e o le tagata, ia usu se pese faanoanoa* e uiga iā Turo,+
3 ma fai atu iā Turo,‘O oe lenā o loo nofo i le mea e ui atu ai i le sami,O le faatauʻoa mo tagata o motu e tele,O le fetalaiga lenei a le Alii Pule Silisili Ese o Ieova:
“Turo e, ua e faapea ane, ‘Ua atoatoa loʻu lalelei.’+
4 Ua iai ou oganuu i le ogatotonu o le sami,Ma ua faaatoatoaina e ou tufuga lou lalelei.
5 Na latou faia ou laupapa uma mai i laau o le perosi mai i Senira,+Ma na latou aumaia se laau o le arasi mai i Lepanona e faia ai se fanā* mo oe.
6 Na latou faia ou foe mai i laau tetelē o Vasana,Ma na faia lou taumua mai i le laau o le paina ua teuteuina i nifo elefane mai i atumotu o Kitimo.+
7 O le ʻie lino felanulanuaʻi mai i Aikupito, na faia ai le ʻie o lou lā,Ma o filo lanu moana ma fulufulu mamoe lanu violē mai i atumotu o Elisa,+ na faia ai lou faapaologa.
8 Na fai tagata o Saitonu ma Arati+ ma ou alo vaa.
Turo e, na fai ou lava tagata atamamai ma ou ʻauvaa.+
9 Na avea tagata tomai* ma tagata atamamai o Kavali+ ma ē na pulutiina ou vaa ina neʻi mama.+
Na ō mai foʻi iā te oe vaa uma o le sami ma o latou tautai, ina ia fefaataua‘i oloa.
10 Na iai i au ʻautau o tagata o Peresia, o Luti ma Futu+ e fai ma au fitafita.
Na latou tautau a latou talipupuni ma puloutau iā te oe, ma na latou faamatagofieina oe.
11 Na iai i luga o ou pā i itu uma o tagata Arati na iai i lau ʻautau,Ma na iai foʻi tane totoa i ou ʻolo.
Na latou tautau talita lapotopoto i itu uma o ou pāMa na latou faaatoatoaina lou lalelei.
12 “ʻ“Na faia e Tasesa+ faiga faapisinisi ma oe ona o le tele o lou tamaoaiga.+ Na latou aumaia siliva, o uʻamea, o ʻapa ma le pulu,* ina ia faafesuia‘i ma au oloa.+
13 Na faia e Iavana, o Tupalu+ ma Meseko+ o fefaatauaʻiga ma oe. Na latou aumaia pologa+ ma mea e faia i le ʻapamemea, ina ia faafesuia‘i ma au oloa.
14 Na aumaia e le aiga o Tokaremo+ solofanua ma asini* ina ia faafesuia‘i ma au oloa.
15 Na faia e tagata o Titana+ fefaatauaʻiga ma oe; na e faafaigaluegaina tagata faatauʻoa i le tele o atumotu; na latou avatu iā te oe ni meaalofa o nifo elefane+ ma laau uliuli tāua.
16 Na faia e Etoma faiga faapisinisi ma oe ona o le tele o au oloa. Na latou aumaia maa o le nofeka, o fulufulu mamoe lanu violē, o ʻie felanulanuaʻi ua teuteuina, o ʻie lelei, o maa tāua,* ma salikea ina ia faafesuia‘i ma au oloa.
17 “ʻ“Na faia e Iuta ma Isaraelu fefaatauaʻiga ma oe. Na latou aumaia saito mai i Meniti,+ o meaʻai e sili ona lelei, o meli,+ o suāuu, ma le pasama+ ina ia faafesuia‘i ma au oloa.+
18 “ʻ“Na faia e Tamaseko+ faiga faapisinisi ma oe ona o le tele o au oloa ma lou tamaoaiga uma, ma na latou aumaia le uaina mai i Elepona, ma fulufulu mamoe mai i Saara.*
19 Na aumaia e Vetana ma Iavana mai i Usala o uʻamea ua faia ai teuteu, o le kesia* ma le tolo* e faafesuia‘i ma au oloa.
20 Na faia e Titana+ fefaatauaʻiga ma oe, ma na latou aumaia ʻie ua lalagaina mo nofoa e tuu i luga o manu.
21 Na e faafaigaluegaina tagata Arapi ma taʻitaʻi uma o Kitara,+ o tagata faatauʻoa ia na faatauina mai ma faatauina atu tamaʻi mamoe, o mamoe poʻa ma ʻoti.+
22 Na faia e faatauʻoa o Seepa ma Ragama+ fefaatauaʻiga ma oe; na latou aumaia mea manogi eseese e sili ona lelei, o maa tāua, ma auro e faafesuia‘i ma au oloa.+
23 Na faia e Karana,+ o Kane, o Etena,+ o faatauʻoa mai i Seepa,+ o Asura+ ma Kilemata fefaataua‘iga ma oe.
24 Na latou faia i ou maketi fefaatauaʻiga o ofu mananaia, o ofu talaloa e faia mai i ʻie lanu moana ma teuteu felanulanuaʻi, ma kapeta e lanu eseese, ua fusi mau foʻi nei mea uma i maea.
25 Na fai vaa o Tasesa+ ma mea e laʻu ai au oloa,Ina ia e mauoloa ma faatamaoaigaina* ai oe i totonu o le vasaloloa.
26 Ua avatu oe e ou tagata alo vaa i le moana sausau;Ua nutililiiina oe e le matagi mai i sasaʻe i totonu o le vasaloloa.
27 O lou tamaoaiga, o au oloa, o au mea mo fefaatauaʻiga, o ou tautai, o lau ʻauvaa,O ē e pulutiina ou vaa ina neʻi mama, o ē na faia fefaatauaʻiga ma oe,+ ma au ʻautau uma,+O le a faaumatia i latou uma,O le a goto ifo i latou uma i le ogatotonu o le vasaloloa i le aso o lou paʻū.+
28 Pe a alalaga mai lau ʻauvaa, o le a lūlūina ai fanua tū matafaga.
29 O i latou uma o ē e alo foe, o tautai, ma ʻauvaa o le sami,O le a ō ifo mai i o latou vaa ma tutū i le laueleele.
30 O le a latou leotetele ma fetagisi ma le lototigā ona o oe+A o latou asu aʻe le pefu i o latou ulu ma taafili i le lefulefu.
31 O le a latou sele mamā o latou ulu ma oofu i ʻie talatala;O le a latou fetagisi ma le lototigā ma le matuā tagiauē ona o oe.
32 O lo latou faanoanoa, o le a latou usuina ai se pese faanoanoa ma auē ona o oe:
‘O ai ea e pei o Turo, o lē ua faaumatia* i totonu o le sami?+
33 Ina ua aumaia au oloa mai i le vasaloloa, na e faamalieina ai le toʻatele o tagata.+
Na faatamaoaigaina tupu o le lalolagi i le tele o lou tamaoaiga, ma au oloa o fefaatauaʻiga.+
34 A o lenei ua nutililiia oe i le vasaloloa, i le loloto o le moana,+Ma ua goto ifo au oloa uma o fefaatauaʻiga ma ou tagata faatasi ma oe.+
35 O tagata uma e nonofo i atumotu, o le a sioa iā te oe ma le ofo tele,+Ma o le a gatete foʻi o latou tupu ona o le matataʻu.+ O le a foliga popole i latou.
36 O le a tuufaaili le ʻaufaatauʻoa mai i nuu ona o le mea ua tupu iā te oe.
O le a mataʻutia ma oo faafuaseʻi mai lou iʻuga,Ma o le a e lē toe iai i aso uma lava.’”’”+
Faamatalaga Pito i Lalo
^ Po o “se pese o auega.”
^ E faasino atu i se pou e faamau ai lā o le vaa.
^ Epe., “toeaina.”
^ O se uʻamea e vaivai toe faaʻefuʻefu lanu moana, e liusuāvaigofie.
^ O le upu Eperu e faasino atu i le tama a le asini poʻa ma le solofanua fafine.
^ Po o “ʻamu.” Tagaʻi i le Uiga o Upu.
^ Po o le “fulufulu mamoe ʻefuʻefu mūmū.”
^ Tagaʻi i le Uiga o Upu.
^ O se laau o le ū e manaia lona manogi.
^ Pe atonu “matuā mamalu.”
^ Epe., “saō.”
