Mati 22, 2008 Se Aso e Ao Ona Manatua

O le aso 14 o Nisani i le tausaga e 33 T.A., na tufatufa atu ai e Iesu se ipu uaina ma se falaoa e lē faafefeteina i ona aposetolo. O le ā lana faatonuga? “Ia faia pea lenei mea e fai ma faamanatuga iā te aʻu.”—Luka 22:19.

I lenei tausaga, e amata Nisani 14 i le Aso Sa, Mati 22, pe a goto le lā. O le a potopoto Molimau a Ieova i le lalolagi aoao, e faamanatu le maliu o Iesu i le auala lea na faatonuina ai e Iesu. Ua valaaulia ma le faaaloalo lau susuga e tatou te auai faatasi i lenei sauniga i lenā afiafi. Faamolemole ia fesili atu i Molimau a Ieova o loo i lou vaipanoa i le taimi tonu ma le nofoaga e fai ai le sauniga.