O se Valaaulia . . .

O Ai e Tatau Ona Pulea Mataupu Fai a le Lalolagi?

O MALA faalenatura, faamaʻi oti, faiga piʻopiʻo a tagata o i tulaga pule, osofaʻiga a tagata faatupu faalavelave, taua ma solitulafono. Ailoga ea seʻi ʻasa se aso ma lo tatou faalogo atu i se tala o nei mea! Pe na e tofo moni i aafiaga o nei faiga pe leai foʻi, ae mautinoa lo tatou tuufesili ai, po o fea a tua i ai le lalolagi ma nei mea, ae pe faamata ea e toe foʻi i se lelei tulaga o mea.

Mo le talanoaina o na atugaluga, o le a fofogaina ai e Molimau a Ieova o loo iai i le silia ma le 200 atunuu o le lalolagi, se lauga lautele ua matuā talafeagai lava. E faapenei lona faamatuaina, “O Ai e Tatau Ona Pulea Mataupu Fai a le Lalolagi?” O le a talanoaina ai fetalaiga ma folafolaga a le Atua, o loo i lana Afioga e lē masesē o le Tusi Paia, e faatatau i nei fesili tāua:

Po o naunau mai ea le Atua i mataupu fai a le lalolagi?

O ā ni ona lagona i le fanau a tagata?

Po o silasila alofa mai ea o ia mo sou lelei?

I le tele o vaipanoa, o le a faia ai lenei lauga i le Aso Sa, Aperila 30, 2006, i Maota o Molimau a Ieova. O le a faailoa atu e Molimau a Ieova o i lou vaipanoa, le taimi ma le nofoaga tonu e faia ai.

E valaaulia ma le māfana oe ia auai mai, seʻi e faafofoga i lenei lauga matagofie faale-Tusi Paia e aunoa ma se totogi, lea o le a e maua ai se tali faamalieloto i le fesili: O Ai e Tatau Ona Pulea Mataupu Fai a le Lalolagi?