Sina Fesoasoani mo Saʻiliʻiliga
O ā Mea e Tatau Ona Suʻesuʻe Muamua?
E lē tele se taimi e tatou te maua e faia ai suʻesuʻega a le tagata lava ia. E faapefea ona tatou faaaogā tatau le taimi? Muamua, ia faaalu se taimi e manatunatu ai i mea o loo e faitauina. O le a tele aogā e te maua pe a suʻesuʻe ma le māeʻaeʻa ni nai faamatalaga, nai lo o le faatopelau ona faitau o le tele o faamatalaga.
Ona vaai lea po o ā mea e suʻesuʻe muamua. (Efe. 5:15, 16) O nisi nei o fautuaga:
Ia faitau le Tusi Paia i aso uma. (Sala. 1:2) Atonu e lelei pe a amata i le faasologa o le faitauga Tusi Paia i le vaiaso lea e faia i le sauniga amata o le vaiaso.
Ia sauniuni mo le Suʻesuʻega o le Olomatamata ma le sauniga amata o le vaiaso. Ia sauniuni e faia ni tali.—Sala. 22:22.
Ia taumafai foʻi e faitau ma matamata i isi sauniuniga faaleagaga, e pei o a tatou lomiga mo le lautele, vitiō, ma mataupu i le jw.org.
Ia faia ni au saʻiliʻiliga i se mataupu e te fiafia i ai. O se faataʻitaʻiga, o se luʻi o loo e fesagaʻia, o se fesili o loo e fia iloa le tali, po o se mataupu faale-Tusi Paia o loo e fia malamalama atili ai.