E Mafai Ona Manumalo Mai i le Feitagaʻi!
Pe na e aafia i se mea na tupu ona o le feitagaʻi?
Afai e leai, atonu la ua e mātauina ni mea e tutupu e māfua mai i le feitagaʻi. E masani ona tatou faalogo i lipoti i tagata ua faileagaina ona o le ese o a latou atunuu, lanu po o faiga faatauatane ma tauafafine. O le iʻuga, ua faia ai e le tele o malo tulafono e matuā faasala ai i latou e faia se soligatulafono, ona o le feita i se vaega patino o tagata.
E masani lava o i latou e itagia e feita foʻi i isi. O i latou e aafia i le feitagaʻi, e masani ona toe tali atu ma o le a faaauau ai le feitagaʻi.
Atonu ua e feagai ma le faailoga tagata, o tauemuga, o upu faatigā ma taufaamataʻuga. Peitaʻi, e masani ona faateteleina le feitagaʻi i ni gaoioiga e pei o le talepe fale, toso teine, e oo lava i le fasioti tagata.
O le a talanoaina i lenei mekasini fesili o loo mulimuli mai, ma faailoa mai le auala e mafai ona manumalo ai i le feitagaʻi:
Aiseā ua faatupulaʻia ai le feitagaʻi?
E faapefea ona taofia le feitagaʻi?
Po o le a iai se taimi o le a aveesea atoatoa ai le feitagaʻi?
E te Ono Fiafia Foʻi
LE OLOMATAMATA
Lalolagi e Aunoa ma le Faailogatagata—O Afea?
Ua faaalia i mea moni na tutupu, le fesoasoani a le Tusi Paia i tagata e aveesea lenei uiga o le faailogatagata. O afea o le a aveesea atoatoa ai?
A'OA'OGA FAALE-TUSI PAIA
Aiseā ua Lē Taofia ai e le Atua Mafatiaga?
E toʻatele o loo tuufesili pe aiseā ua faatumulia ai le lalolagi i feitagaʻi ma mafatiaga. Ua aumaia e le Tusi Paia tali faamalieloto ma faamāfanafanaina ai.
