ROSO 52
Uddiꞌneemmonna Seenseemmo Gara Layiꞌra Hasiissannonkehu Mayiraati?
Ninke baalunku hiittoo uddano uddiꞌneemmoronna ma garinni seenseemmoro doodha dandiineemmo. Qullaawu Maxaafiha xintu seera harunsineemmoha ikkiro, banxeemmo uddano doodha calla ikkikkinni Yihowano hagiirsiisa dandiineemmo. Hanni tenne xintu seerubba giddo mite laꞌno.
1. Uddiꞌneemmonna seenseemmo gara doodhineemmo woyite harunsa hasiissannonkehu xintu seeri hiikkoyeti?
“Bikkunninna wodanchatenni, kawajjaame uddano uddiꞌra” hasiissannonke; qoleno “Maganoho galloommore” ikkinoommoti leeltanno gede, woꞌmanka woyite xuru noonkekkire ikka hasiissannonke. (1 Ximootewoosi 2:9, 10, NW) Aane nooha shoole xintu seera wodanchi: (1) Uddanonke ‘bikkunnita’ ikka hasiissannose. Songote gambooshshinkewa laittonte gede, Yihowa magansidhannori addi addi gari uddano uddiꞌra dandiitanno; ikkirono uddiꞌneemmonna seenseemmo gari, magansiꞌneemmo Magano ayirrinseemmota leellishannoho. (2) “Kawajjaame uddano” uddiꞌneemmo yaa, uddanonke busha yorto kakkayissannota woy mannu baalu ninke laꞌꞌanno gede assitannota ikka dihasiissannose yaate. (3) Dagganno faashine baala harunsineemmoha ikkiro, “wodanchatenni” uddiꞌneemmoreeti yaa didandiineemmo. (4) Mannu halaalaancho Magano magansiꞌneemmore ikkinoommota bade afanno gede, uddiꞌneemmonna seenseemmo gari aye woyiteno “Maganoho galloommore” ikkinoommota leellishannoha ikka hasiissannosi.—1 Qorontoosi 10:31.
2. Uddano doodhineemmo woyite ammanate roduuwanke heda hasiissannonkehu mayiraati?
Hige hiittoo uddano uddiꞌneemmoro uminke doodha dandiineemmo. Ikkollana uddiꞌneemmo uddano wolu mannira guficho ikkitannokki gede qoropha hasiissannonke. Aye manchono koffi assa dihasiꞌneemmo; hatteentenni, manna “dhaawate danchanna hagiirsiisannonsa coye” assate sharrammeemmo.—Roomu Sokka 15:1, 2 nabbawi.
3. Uddiꞌneemmonna seenseemmo gari mannu halaalu minira daanno gede assara dandaannohu hiittoonniiti?
Woꞌmanka woyite amanyootunni uddiꞌrate sharrammeemmoha ikkirono, roorenkanni songote gambooshshe haꞌneemmo woyitenna soqqansho fulleemmo woyite uddiꞌneemmo gara seekkine hendeemmo. Uddiꞌneemmonna seenseemmo gari, mannu kullammora marroommo sokka agure ninke illachishanno gede assara dihasiꞌneemmo. Hatteentenni, uddiꞌnoommo gari mannu halaale afate quqquxamanno gedenna “Gatisaanchinke Maganu rosi . . . ayirranno gede” assara hasiꞌneemmo.—Tiito 2:10.
LEDDE XIINXALLI
Uddiꞌneemmonna seenseemmo gari addu Kiristaana ikkinoommota leellishanno gede assiꞌra dandiineemmohu hiittoonniitiro rosi.
Uddiꞌneemmonna seenseemmo gari, silxaane noonsare ayirrinseemmota woy ayirrinseemmokkita leellishara dandaanno. Yihowa wodaninketa afinoha ikkirono, iso ayirrinseemmota leellishanno garinni uddiꞌra hasiissannonke
4. Danchu garinni uddiꞌrankenna seesanke Yihowa ayirrinseemmota leellishshanno
Uddiꞌneemmonna seenseemmo gara layiꞌneemmo gede assannonkehu qaru coyi maati? Yohaannisi Ajuuja 4:11 nabbabbe; hakkiinni tenne xaꞌmuwa hasaabbe:
-
Yihowa suꞌminni woshshammeemmore ikkinoommota qaaganke, hiittoo uddano uddiꞌneemmo gede assitannonke?
-
Songote gambooshshe haꞌneemmo woyitenna soqqansho fulleemmo woyite uddiꞌneemmo uddano daafira qoropha hasiissannonkeha lawannohe? Mayira?
5. Hiittoo uddano uddiꞌneemmoronna ma garinni seenseemmoro doodhineemmo gede kaaꞌlannonkere
Uddiꞌnoommo uduunni lowo woxinni hirroonniha ikkirono ikkano hoogiro, xurinokkihanna heeꞌnoommo bayichira malinoha ikka hasiissannosi. Umi Qorontoosi 10:24 nna 1 Ximootewoosi 2:9, 10 nabbabbe. Hakkiinni konni woroonni kulloonnihu gedee uduunne uddiꞌra hasiissannonkekkihu mayiraatiro hasaabbe:
-
xurtinotanna beco baꞌino uddano
-
bisoho qaꞌmitannota, biso leellishshannota, woy busha yorto kakkayissanno uddano
Kiristaanu galannohu Muse Seerinni diꞌꞌikkino. Ikkirono konni Seerinni Yihowa hedo daafira lowore ronseemmo. Marro 22:5 nabbabbe; hakkiinni tenne xaꞌmo hasaabbe:
-
Labbaahu meyata lawanno gede woy meyati labbaaha labbanno gede assitanno uddano uddiꞌra hasiissannonkekkihu mayiraati?
Umi Qorontoosi 10:32, 33 hattono 1 Yohaannisi 2:15, 16 nabbabbe; hakkiinni tenne xaꞌmuwa hasaabbe:
-
Uddiꞌneemmonna seenseemmo gari, qooxeessinkera heeꞌranno manna woy songote giddo noo roduuwanke koffi assannokki gede qoropha hasiissannonkehu mayiraati?
-
Kiꞌne qooxeessira duuchu manni ma garinni uddiꞌranno?
-
Kuri giddo Kiristaanaho dimaltinote yaattoti no? Mayira?
Babbaxxino uduunne uddiꞌnummorono Yihowa hagiirsiisa dandiineemmo
MITU MANNI TOGO YAANNO: “Baxummo uddano uddiꞌra dandeemmo.”
-
Ati tennera sumuu yaatto? Mayira?
XAPHISHSHA
Amanyootunni uddiꞌneemmohanna seenseemmoha ikkiro, Yihowano mannano ayirrinseemmota leellinsheemmo.
Kageeshsha Rosoottore
-
Uddiꞌneemmonna seenseemmo gari Yihowa hagiirsiisara woy dadillisara dandaannohu hiittoonniiti?
-
Uddiꞌneemmonna seenseemmo gara doodhineemmo woyite harunsa hasiissannonkehu mitu xintu seeri hiikkoyeti?
-
Uddiꞌneemmonna seenseemmo gari mannu halaalu minira daanno gede woy daannokki gede assara dandaannohu hiittoonniiti?
EGENNO LEXXI
Uddiꞌneemmo uddano mannu ninke daafira maa hedanno gede assitanno?
“Uddiꞌreemmo Gari Hiittooti?” (Webisayitenkera fultino borro)
Biso naqqasiꞌrattora albaanni seekkite heda hasiissannohehu mayiraatiro wodanchi.
“Qullaawu Maxaafi Biso Naqqasiꞌrate Daafira Mayyaanno?” (Webisayitenkera fultino borro)
Gara ikkinore doodhineemmo gede kaaꞌlannonkeha wole xintu seerano rosi.
“Uddidhinanni Gari Maganoho Ayirrinye Abbannoho?” (Agarooshshu Shae, Wocawaaro 2016)
Mitte Magano hagiirsiisa hasidhanno manchora, wolootu uddidhannonna seessanno gari guficho ikkannosekki gede kaaꞌlinoseri maati?
“Wolu Manni Uddiꞌrannonna Seesanno Gari Guficho Ikke Keeshshinoe” (Baqqi Yiiyye!, Sadaasa 22, 2003)
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
