FAARSO 152
Suꞌmikki Ayirranno Gede Assanno Mine
(1 Mootoolla 8:27; 1 Duduwo 29:14)
1. Yihowa, gorduno baattono
Haadhe diaffannohe horo.
Zuufaanekki xeertidhurono,
Ayyaanikki ledonke no.
Woshshite abbootto mannikki
Gaamaarsanni no minekki.
Hagiirrunni soqqammeemmohe;
Mitteenni faarsiꞌneemmohe.
(BUUSA)
Noonkeri baalunku,
Atilla oottonkeho.
Uyineemmoheri baalu,
Wonanni ateho.
(AZIMAACHE)
Guweenyu iillohe, Annanke!
Wonshootto ati halchonke.
Konne mine oottonkehura,
Galatu iillo atera!
2. Wodaninke laala afootto;
Halchonke baala laootto.
Ate magansiꞌneemmo gede,
Biifado mine oottonke.
Manna baala amme yineemmo;
Minikkira woshshineemmo.
Ledonke ikko ayyaanikki,
Loonseemmo gede loosokki.
(BUUSA)
Kakkalonke haaꞌne
Albikkira shinqoommo.
Woxenkenna wolqanke
Atera uyineemmo.
(AZIMAACHE)
Guweenyu iillohe, Annanke!
Wonshootto ati halchonke.
Konne mine oottonkehura
Galatu iillo atera!
