Yukireenete waajjishanno oli kainku Arbe, Ammajje 24, 2023nni mitto diro ikkanno. Mite odoo yitanno gara ikkiro, konni olinni 300,000 ikkitannoti Yukireenetenna Ruusiyu olanto reyitino woy madidhino; qoleno 30,000 meddi yaannohu beebbaataamu manni reyino yine hendanni. Ikkollana reyino manni kiiro hakkiinni nafa saꞌara dandiitanno.

 Hige ma assinayi, kuni oli muli yannara uurrannoha dilawanno.

•   “Ruusiyu olanto Yukireene horritu barrinni kayise, kuni oli mulenni uurrannota leellishannori dino. Laꞌnayi woyite lamunku widi konne ola qeelannoha dilawanno; qoleno lamunku widi qarransa hasaawe tira dandaannoha dilawanno.”—NPR (National Public Radio), Ammajje 19, 2023.

 Batinyu manni kuni olinna woleno togoo gaance beebbaataamo manna gawajjitanni noo gara hedanno woyite dadillansa garankolla. Qullaawu Maxaafi tenne daafira kulanno hexxo no? Olu heeꞌrannokki yanna dagga ikka?

 Qullaawu Maxaafi manna shaannohu ikkikkinni gatisannohu mittu oli noota kulanno. Konne ola Armagedooni yinanni; Qullaawu Maxaafi konne ola ‘Woꞌmanka Dandaanno Maganihu batiꞌru barri ola’ yaanno. (Yohaannisi Ajuuja 16:14, 16) Maganu konni olinni, lowo manna gudannoha batinye ola kayissinore uullate mangistubba hunanno. Armagedooni oli geedanno keere abbanno gara ledde afate, aante noo birxichuwa nabbawi:

•   “Armagedooni Oli Maati?”

•   “Armagedooni Quqquxamme Agadhineemmo!”