• හිතෝ 11:17—කරුණාවන්ත වෙන එකෙන් අපිට තියෙන ප්‍රයෝජන මොනවාද? (g20.1 11, කොටුව)

  ඔයාගේ උත්තරය

• මේ සතියේ බයිබල් කියවීමෙන් ඔයා හොයාගත්ත මැණික් මොනවාද?

  ඔයාගේ උත්තරය

අපි පව්කාරයන් නිසා අපේ කටින් වැරදි දේවල් පිට වෙනවා. (යාකො 3:8) ඒත් ඒ වගේ දෙයක් කියන එකෙන් වෙන හානිය ගැන හිතුවොත් පසුතැවෙන්න වෙන දෙයක් නොකිය ඉන්න අපිට උදව් වෙනවා. සභාවේ සාමය බිඳලා දාන්න පුළුවන් මොන වගේ කතාබහකටද?

• පම්පෝරි ගහන එක. එහෙම කරන්න ගියොත් අනිත් අය අපිත් එක්ක තරඟ කරන්න පෙලඹෙයි. එයාලාගේ හිතේ ඉරිසියාවකුත් ඇති වෙයි.—හිතෝ 27:2

• වංක කතාබහ. කෙළින්ම බොරු කියන එක විතරක් නෙවෙයි තව කෙනෙක්ව නොමඟ යවන්න හිතාමතාම කියන දේවලුත් මේකට ඇතුළත්. පොඩි බොරුවකට වුණත් පුළුවන් අපි ගැන තියෙන විශ්වාසය සහ අපේ හොඳ නම කුඩු කරලා දාන්න.—දේශ 10:1

• ඕපාදූප. අනිත් අය ගැන, එයාලා කරන කියන දේවල් ගැන එක දෙක කරලා කතා කරන එක නැත්නම් එයාලාගේ පෞද්ගලික දේවල් අනවශ්‍ය විදිහට කතා කරන එක. (1තිමෝ 5:13) ඒකෙන් රණ්ඩු සරුවල්, බෙදීම් ඇති වෙන්න පුළුවන්

• කේන්තියෙන් කතා කරන එක. තොරතෝංචියක් නැතුව කටට එන දේවල් අපිට වැරැද්දක් කරපු කෙනෙක්ට කියන එක. (එෆී 4:26) ඒකෙන් හිත් රිදෙන්න පුළුවන්.—හිතෝ 29:22

‘සාමයට බාධා වෙන දේවල් “අහක දාන්න” - කෙටි වීඩියෝව’ වීඩියෝ එක පෙන්වන්න. ඊටපස්සේ මෙහෙම අහන්න.

• අපි අතර තියෙන සාමය බිඳෙන්න පුළුවන් විදි ගැන ඔයා ඉගෙනගත්තේ මොනවාද?

  ඔයාගේ උත්තරය

නැති වුණ සාමය ආයේ ඇති කරගත්තේ කොහොමද කියලා දැනගන්න “සමාදානය සොයා එය ලුහුබඳින්න” කියන වීඩියෝ එක බලන්න.