මිනිසුන් දවසින් දවස විද්‍යාව අතින් දියුණු වෙනවා. ඒත් ඔවුන්ට පුළුවන් වෙයිද අනිත් අය ගැන සැලකිලිමත් මිනිසුන් ඉන්න සමාජයක් ගොඩනඟන්න? බැහැ. තණ්හාවෙන් පිරුණු, ආත්මාර්ථකාමී මිනිසුන්ගෙන් මේ ලෝකේ පිරිලා. ඒත් ඉදිරියේදී දෙවියන් ප්‍රීතිමත් කාලයක් ගේනවා.—2 පේතෘස් 3:13 කියවන්න.

බයිබලයේ කියනවා එකිනෙකාට ප්‍රේම කරන මිනිස් සමාජයක් අනාගතයේදී බිහි වෙනවා කියලා. එදාට කවුරුත් අනිත් අයට හානි කරන්නේ නැහැ. හැමෝම සුරක්ෂිතව ජීවත් වෙනවා.—මීකා 4:3, 4 කියවන්න.

දෙවියන් මුල් මිනිසාව නිර්මාණය කළේ ආත්මාර්ථකාමී හැඟීම් ඇතුව නෙවෙයි. ඒත් ඔහු දෙවියන්ට අකීකරු වෙලා පාපය උරුම කරගත්තා. ඔහුගෙන් අපිටත් ආත්මාර්ථකාමිකම වගේ ගුණාංග උරුම වුණා. ඒ වුණත් දෙවියන් යේසුස් මාර්ගයෙන් මිනිසුන්ව පාපයෙන් ගලවගන්නවා.—රෝම 7:21, 24, 25 කියවන්න.

මුල් මිනිසාගේ අකීකරුකම නිසා නරක ප්‍රතිඵල ඇති වුණත් මිනිසුන්ව බේරගන්න යේසුස් කැමැත්තෙන්ම දිවි පිදුවා. (රෝම 5:19) ඔහු ඒ විදිහට මිනිසුන්ට ලස්සන අනාගතයක් ලබා දෙන්න මාර්ගය විවර කළා. ඒ කාලයේදී ආත්මාර්ථකාමී හැඟීම් වගේ වැරදි හැඟීම් මිනිසුන් තුළ තියෙන්නේ නැහැ.—ගීතාවලිය 37:9-11 කියවන්න.