Ambeni zo apensé . . .

so ayeke futingo ti dunia so aga na lege ti mbeni bira so a sara ni na akota lê ti ngombe wala ayeke mbeni futingo so aga na lege ti ambeni ye tongana ngu so asuku amû ndo kue wala yengingo ti sese. Ka mo, mo tene ti mo nyen?

Ye so Bible afa

Harmaguédon ayeke “bira ti kota lâ ti Nzapa, Lo so ngangu ti lo ahon angangu kue,” so lo yeke tiri ande na azo ti sioni.​—Apocalypse 16:14, 16.

Ambeni ye so Bible afa na ndö ni

• Bira ti Harmaguédon so Nzapa ayeke ga na ni so ayeke ti futi sese ape, me a yeke ti futi gï azo so ayeke buba sese so.​—Apocalypse 11:18.

• Bira ti Harmaguédon so ayeke sara ande si abira kue ahunzi na ndö ti sese.​—Psaume 46:8, 9.

Kiringo tënë ti mo ayeke so wa?

• En

• Ên-ën

• Mbi hinga ape

Ye so Bible afa

“Azo mingi mingi” so alondo na popo ti amara kue ayeke sö ande kuâ “na yâ ti kota ye ti vundu,” so na nda ni a yeke hunzi na Harmaguédon.​—Apocalypse 7:9, 14.

Ambeni ye so Bible afa na ndö ni

• Nzapa aye si gbâ ti azo asö kuâ na ngoi ti bira ti Harmaguédon. Lo yeke futi azo ti sioni gï tongana mbeni ye nde ti sarango ni ayeke dä ape.​—Ézéchiel 18:32.

• Bible afa ye so zo adoit ti sara ti sö kuâ na ngoi ti Harmaguédon.​—Sophonie 2:3.