Kota ye ni ayeke so, Bible adë bê ti e so Wasarango e, Jéhovah Nzapa, a acomprendre apensé ti e nga na asentiment ti e nzoni mingi ahon azo kue. Lo ye ti aidé e ti hon ndö ti akpale so e tingbi na ni. Na tapande, bâ ­aversê ti Bible use so adë bê:

“Jéhovah ayeke nduru na azo so mbeni ye amû vundu na ala ngangu; lo sö azo so bê ti ala awoko kue.”​—PSAUME 34:18.

“Mbi Jéhovah Nzapa ti mo, mbi yeke gbu maboko ti mo ti koli. Mbi la mbi tene na mo, mbi tene: ‘Sara mbeto pëpe. Mbi yeke mû maboko na mo.’”​—ÉSAÏE 41:13.

Tongana nyen la Jéhovah ayeke aidé e ti hon ndö ti akobela ti li? Na yâ ti a-article so ayeke ga na peko, mo yeke bâ so Jéhovah afa so lo bi bê na e na alege mingi.