Tongana a yeke tongaso ape, peut-être mo bâ ni awe wala na mbeni lege nde. E yeke mä ka tënë ti azo so a ke ala ndali ti kodro ti ala, mara ti ala wala ndali ti so ala yeke bungbi koli na koli wala wali na wali. Ye so asara si, mingi ti agouvernement ayeke lu andia nde nde ndali ti kengo zo.

Azo so ayeke bâ pasi ndali ti so a ke ala, ala nga kue ayeke ke ambeni zo. Mingi ti azo so a ke ala, ala yeke kiri na peko ti sioni so a sara na ala na bibe ti kengo zo ni ayeke ngbâ gï ti gue tongaso.

Peut-être a ke mo senge senge awe, a fâ ngbanga na ndö ti mo gï na bango mo, a he mo, a zonga mo nga a menacé mo. Me, mingi ni kengo zo ni ayeke ga mbeni ye nde. A peut ti sara sioni na mo, a pika mo, a buba aye ti mo, a fâ mo, wala a peut ti ga même génocide.

Mbeti so ayeke kiri tënë na ahunda so ayeke na gbe ni ge nga ayeke fa tongana nyen la zo apeut ti hon ndö ti bibe ti kengo zo:

• Ngbanga ti nyen la bibe ti kengo zo ahon ndö ni tongaso?

• Tongana nyen la mo peut ti hon ndö ti bibe ti kengo zo?

• Eskê mbeni lâ bibe ti kengo zo ayeke hunzi ande biani biani?