aProverbe 20:1-30
20 Vin ayeke ye ti hengo zo,+ sämba ayeke ye ti kirikiri;+zo so agirisa lege ndali ni ayeke zo ti ndara pëpe.+
2 Kota mbeto so gbia azia na yâ ti zo ayeke tongana sukungo ti bamara.+
Zo so asara si ngonzo agbu gbia azia fini ti lo na lê ti kuâ.+
3 Zo so ake ti papa, a yeke ne lo,+me azo ti buba kue ayeke bi terê ti ala na yâ ti papa.+
4 Zo ti goigoi ake ti dë yaka na ngoi ti dê ti hiver;tongaso lo yeke iri ye na ngoi ti kongo lê ti kobe, na ngoi so lo yeke na ye oko pëpe.*+
5 Atënë ti yâ ti bê ti zo* ayeke tongana angu so alï mingi;me zo so abâ yâ ti aye nzoni agboto ni na gigi.
6 Azo mingi atene so ala yeke na tâ ndoye,me zo wa la alingbi ti wara zo so ayeke be-ta-zo zo wa?
7 Zo ti mbilimbili asara ye lakue mbilimbili.+
Ngia ayeke na amolenge ti lo* so aga na peko ti lo.+
8 Na ngoi so gbia aduti na ndö ti trône ti fâ ngbanga,+lo bâ aye kue nzoni, na lo zi ye ti sioni kue.+
9 Zo wa la apeut ti tene: “Mbi sara si bê ti mbi avuru awe;+siokpari ayeke na terê ti mbi encore ape”?+
10 Awen ti ndö ti kilo so ayeke mbilimbili pëpe nga na aye ti hakango na ye so ayeke na lege ni pëpe,*ni use kue ayeke sioni mingi na lê ti Jéhovah.+
11 Même mbeni molenge,* a yeke hinga lo na lege ti sarango ye ti lo,wala sarango ye ti lo ayeke nzoni nga na lege ni.+
12 Mê so zo ayeke mä na ndo nga lê so zo ayeke bâ na ndo,ni use kue Jéhovah la asara ni.+
13 Tongana mo ye lango mingi, mo yeke tï na yâ ti yere.+
Zi lê ti mo, mo bâ ndo; na mo yeke te mapa alingbi na mo.+
14 Zo ti vongo ye atene: “Ye ni akpa ape, ye ni akpa ape!”
Me tongana lo hon awe, lo pika kate ti lo.+
15 Lor ayeke dä, nga gbâ ti acorail* ayeke dä;me atënë ti yanga ti zo so ahinga ye ayeke ye ti ngangu ngere.+
16 Tongana mbeni zo amû zendo ti futa bon na place ti mbeni wande, mû bongo ti lo na place ni;+mû mbeni ye ti lo tongana lo mû zendo ti sara ni na place ti wali-wande.*+
17 Mapa so zo awara na lege ti handa anzere na yanga ti lo,me na pekoni agravier asi yanga ti lo.+
18 Tongana azo abungbi apika patara,* ye so ala leke ti sara ayeke ga nzoni;*+nga sara bira alingbi na nzoni kode ti fango lege.*+
19 Zo ti pango zo afono ti sigi na atënë so zo adoit ti mä ni kirikiri pëpe;+sara kamarade pëpe na zo so aye kpere-kpere.*
20 Zo so airi sioni na ndö ti babâ na mama ti lo,lampe ti lo ayeke mingo na ngoi so ndo avuko.+
21 Héritage so zo awara na tongo nda ni na lege ti kota bê,na nda ni lo yeke bâ nzoni dä pëpe.+
22 Tene pëpe: “Mbi yeke kiri peko ti sioni so a sara na mbi.”+
Ku Jéhovah,+ na lo yeke sö mo.+
23 Awen ti ndö ti kilo so ayeke mbilimbili pëpe* ayeke sioni mingi na lê ti Jéhovah,na asembe ti kilo so a yeke nzi zo na ni ayeke nzoni pëpe.
24 Jéhovah la ayeke fa lege na gere ti zo;+zo alingbi ti hinga lege ti lo wani* tongana nyen?
25 Tongana zo adö terê hio lo tene: “Mbi zia ye so nde na Nzapa awe!”+si na pekoni lo ga ti gbu li na ndö ti zendo so lo mû, a ga kûkû ndali ti lo awe.+
26 Gbia ti ndara azi azo ti sioni na popo ti azo ti lo,+nga lo sara si gere ti puse ahon na ndö ti ala.+
27 Pupu ti zo ayeke lampe ti Jéhovahti bâ na ye so ayeke na gbe ti bê ti zo ni.
28 Tâ ndoye nga na dutingo be-ta-zo ti mbeni gbia ayeke bata lo;+grâce na tâ ndoye, lo sara si trône ti lo angbâ ti luti.+
29 Gloire ti amaseka ayeke ngangu ti ala,+nga pendere ti ambakoro ayeke vuru kuä ti li ti ala.+
30 Place ti pika nga na kä azi sioni na terê ti zo;+nga apika so zo awara asukula lo juska na gbe ti bê ti lo kâ.
Akete tënë na terê ni
^ A lingbi nga ti tene “lo yeke bâ ndo na ngoi ti kongo lê ti kobe me lo yeke wara ye oko pëpe.”
^ Wala “Ye so bê ti zo aye ti sara.” Na Hébreu: “Wango.”
^ Na Hébreu: “amolenge ti lo ti koli.”
^ Wala “atênë nde nde use ti ndö ti kilo nga na adû ti sembe nde nde use ti hakango na ye.”
^ Wala “molenge ti koli.”
^ Bâ na kete bakari.
^ Wala “mbeni wande.”
^ Wala “Na lege ti wango.”
^ Wala “ayeke luti nzoni.”
^ Wala “atënë ti ndara.”
^ Wala “agi ti gboto zo na tënë ti yanga ti lo.”
^ Wala “atênë nde nde use ti ndö ti kilo.”
^ Wala “lege ti tene lo tambela dä.”
