ALA LANGO PËPE!
Na yâ ti ngu 2023, azo agi bê ti ala mingi: Bible atene nyen na ndö ni?
Aye so apassé na yâ ti dunia na ngu 2023, afa polele so e yeke vivre na yâ mbeni ngoi so Bible airi ni “la ti nda ni.” (2 Timothée 3:1). Bâ tongana nyen la aye so ayeke passé na yâ ti dunia laso ague oko na ye so Bible atene kozo awe so ayeke si na ngoi ti e.
Aye so Bible atene nga na aye so ayeke apassé na yâ ti dunia
“Abira so atï nduru na ala wala abira so atï yongoro na ala.”—Matthieu 24:6.
“Sarango ye ti ngangu na zo ayeke gue na li ni mingi na ando nde nde na yâ ti dunia.” a
Bâ a-article “Zo wa la a yeke sö ande asenge zo?” nga na “Nginza so a dépensé ndali ti aye ti bira na yâ ti dunia kue ahon 2 000 milliard ti dollars.”
“Sese ayeke yengi na ando nde nde na peko ti terê.”—Marc 13:8.
“Na yâ ti ngu 2023, sese ayengi ngangu fani 13 na yâ ti dunia kue. Wungo ni so ayeke mingi ahon ti angu so ahon kozo na ni depius na temps so akomanse ti diko wungo ni.” b
Bâ article “Sese ayengi ngangu na Turquie nga na Syrie.”
“Aye so amû mbeto na zo.”—Luc 21:11.
“E yeke na mbeni ngoi so ndo achauffé mingi ahon ti so ndo ayeke chauffé ka.”—António Guterres, secrétaire général ti Nations Unies. c
Bâ article “Na yâ ti ngu 2023, ndo achauffé mingi na yâ ti dunia kue.”
“Kota nzara.”—Matthieu 24:7.
“Ngu 2023 ayeke mbeni ngu so na yâ ni ayeke ngangu na azo ti wara kobe ndali ti azo ti sewa ti ala.” d
“Angoi ti akpale so ayeke ngangu na zo ti kanga bê na yâ ni.”—2 Timothée 3:1.
“Tongana amû azo miombe na yâ ti dunia, zo oko ayeke na kpale ti kobela ti li.” e
Nyen la ayeke passé ande na ngu 2024?
Zo oko apeut ti fa ape ye so ayeke si ande na ngu 2024. Me Bible afa so Royuame ti Nzapa so ayeke mbeni gouvernement so ayeke na yayu, a ga nduru awe ti mû place ti gouvernement ti azo nga ayeke zi aye kue so ayeke na gunda ti pasi na aye so asara si azo agi bê ti ala.—Daniel 2:44; Apocalypse 21:4.
Ti ku na ngoi ni so, tongana e yeke na agingo bê, e peut ti bâ ndo na mbage ti Nzapa ti tene lo aidé e. Bible atene:
“Na ngoi so mbeto asara mbi, mbi zia bê ti mbi na ndö ti mo.”—Psaume 56:3.
Tongana nyen la e peut ti fa so e sara confiance na Nzapa? E tisa mo ti gi ti hinga ye mingi na ndö ti mbeni nzoni gigi ti kekereke so pasi ayeke duti ande dä ape so Nzapa amû zendo ni. Gi ti manda Bible senge senge na lege ti site ti e ti bâ tongana nyen la mo na azo ti sewa ti mo apeut ti bâ nzoni na lege ti azendo so Nzapa amû so ayeke na yâ ti Bible.
a Foreign Affairs, “A World at War: What Is Behind the Global Explosion of Violent Conflict?” Emma Beals and Peter Salisbury, 30 octobre 2023.
b Earthquake News, “Year 2023: Number of Major Earthquakes on Course for Record,” mai 2023.
c Nations unies, “Secretary-General’s Opening Remarks at Press Conference on Climate,” 27 juillet 2023.
d Programme alimentaire mondial (PAM), “Une faim catastrophique”.
e Organisation mondiale de la santé, “Journée mondiale de la santé mentale”, 10 octobre 2023.
Bâ nga
AKOTA FANGO YE TI BIBLE
Royaume ti Nzapa ayeke nyen?
Na ngoi ti kusala ti Jésus kue, lo fa ye na ndö ti Royaume ti Nzapa mingi ahon tanga ti aye kue. Teti angu ngbangbo mingi, adisciple ti lo asambela ti tene Royaume so aga.
ZINGO NA LANGO!
Lege ti hon ndö ti gingo bê ti mo
Bâ ambeni wango so apeut ti aidé mo ti hon ndö ti agingo bê ti mo nzoni nga peut-être même ti diminué ni.
AVERSÊ TI BIBLE SO A FA NDA NI
A fa nda ti Apocalypse 21:4: “Lo yeke mbô ande ngu ti lê ti ala kue”
A yeke wara na yâ ti versê so mbeni pendere zendo ndali ti gigi ti kekereke.
ASANGO NA NDÖ TI E
Hunda ti tene a ga a bâ mo
Gi ti wara réponse na mbeni hunda na ndö ti Bible, wala gi ti hinga ye mingi na ndö ti aTémoin ti Jéhovah.
