YE TI MANDA 18
Aye so a yeke hinga na atâ Chrétien
Azo milliard mingi atene so ala yeke aChrétien. Me ala kue la amä na bê na a-oko ye ape, nga ala sara ye alingbi na a-oko ndia ape. Tongaso, tongana nyen la e peut ti hinga atâ Chrétien?
1. Chrétien ayeke zo wa?
A-Chrétien ayeke adisciple wala azo so amû peko ti Jésus Christ. (Diko Kusala 11:26.) Tongana nyen la ala fa so ala yeke adisciple ti Jésus? Lo tene: “Tongana ala ngbâ na yâ ti tënë ti mbi, ala yeke biani adisciple ti mbi.” (Jean 8:31). So aye ti tene so atâ Chrétien adoit ti sara ye alingbi na afango ye ti Jésus. Jésus ayeke fa lani lakue aye so Bible atene. Azo so ayeke biani adisciple ti lo ayeke sara nga tongaso.—Diko Luc 24:27.
2. Tongana nyen la atâ Chrétien ayeke fa so ala ye terê?
Jésus atene lani na adisciple ti lo, atene: “Ala ndoye terê na popo ti ala gï tongana ti so mbi ndoye ala.” (Jean 15:12). Tongana nyen la Jésus afa lani so lo ye adisciple ti lo? Lo mû lani ngoi ti duti na terê ti ala, lo kpengba ala nga lo mû maboko na ala. Lo kä même fini ti lo na kuâ ndali ti ala (1 Jean 3:16). Legeoko nga, atâ Chrétien ayeke tene gï na yanga ape so ala ye terê. Me ala yeke fa so ala ye terê na lege ti atënë nga na asarango ye ti ala.
3. Kua ti atâ Chrétien ayeke nyen?
Jésus amû lani mbeni kua na adisciple ti lo. “Lo tokua ala ti fa tënë ti Royaume ti Nzapa.” (Luc 9:2). Akozo Chrétien afa tënë lani gï na ando so ala yeke voro Nzapa dä ape, me ala fa tënë nga na ando so azo ayeke gue dä mingi nga na yanga-da ti ala. (Diko Kusala 5:42; 17:17.) Legeoko nga laso, atâ Chrétien ayeke fa atâ tënë ti Bible na azo na ndo kue so ala wara ala dä. Ala ye azo, tongaso ala yeke na ngia ti mû ngoi nga na ngangu ti ala ti fa na azo atënë ti beku nga na dengo bê so ayeke na yâ ti Bible.—Marc 12:31.
GI TI HINGA AYE MINGI
Gi ti bâ kangbi so ayeke na popo ti atâ Chrétien na azo so ayeke mû pëpe peko ti afango ye ti Jésus nga na tapande ti lo.
4. Ala gi ti hinga atâ tënë so ayeke na yâ ti Bible
Akozo Chrétien abâ lani Mbeti ti Nzapa na nene ni
A yeke azo kue so atene ala yeke aChrétien la ayeke sara ye alingbi na aye so Bible afa ape. Zia VIDEO ni, na pekoni kiri tënë na ahunda so:
-
Tongana nyen la ambeni eglize so atene ala yeke aChrétien akanga lege na azo ti hinga aye so Jésus afa?
Jésus afa lani na azo atâ tënë so ayeke na yâ ti Mbeti ti Nzapa. Diko Jean 18:37, na pekoni kiri tënë na hunda so:
-
Ti Jésus, tongana nyen la e lingbi ti hinga aChrétien so ayeke “na mbage ti tâ tënë”?
5. Ala fa atâ tënë so ayeke na yâ ti Bible
Akozo Chrétien afa tënë na azo
Kozo ti monté na yayu, Jésus amû na adisciple ti lo mbeni kua so a ngbâ ti sara ni juska laso. Diko Matthieu 28:19, 20 nga na Kusala 1:8, na pekoni kiri tënë na hunda so:
-
Kua ti fango tënë adoit ti gue juska na ndo wa?
6. Ala sara ye alingbi na aye so ala fa
Nyen la asara si mbeni koli so iri ti lo ayeke Tom ahinga biani so lo wara tâ lege ti vorongo Nzapa awe? Zia VIDEO ni, na pekoni kiri tënë na ahunda so:
-
Na yâ ti vidéo so, nyen la asara si Tom ake abungbi ti vorongo Nzapa?
-
Nyen la asara si lo hinga biani so lo wara tâ tënë awe?
Asarango ye ti azo afa ye mingi na ndö ti ala ahon tënë so ala tene. Diko Matthieu 7:21, na pekoni kiri tënë na hunda so:
-
Nyen la ayeke kota ye na lê ti Jésus: eskê a yeke aye so e tene e mä na bê na ni wala aye so e sara?
7. Ala ye terê na popo ti ala
Akozo Chrétien aye terê na popo ti ala
Eskê aChrétien azia biani fini ti ala na lê ti kuâ ndali ti amba ti ala aChrétien? Zia VIDÉO ni, na pekoni kiri tënë na ahunda so:
-
Na yâ ti vidéo so, nyen la apusu Lloyd ti zia fini ti lo na lê ti kuâ ndali ti Ita Johansson?
-
Mo pensé so lo sara ye lani tongana tâ Chrétien?
Diko Jean 13:34, 35, na pekoni kiri tënë na ahunda so:
-
Adisciple ti Jésus (so ti tene atâ Chrétien) ayeke sara ye na azo ti mbeni mara nde wala kodro nde tongana nyen?
-
Ala yeke sara ye na ala tongana nyen na ngoi ti bira?
AMBENI ZO ATENE: “So aChrétien asara aye ti sioni mingi so, bungbi ti ala apeut ti duti tâ bungbi ti vorongo Nzapa tongana nyen?”
-
Versê wa la mo peut ti diko na mbeni zo, so afa ye so a yeke hinga na atâ Chrétien?
NA NDURU TËNË
Atâ Chrétien ayeke sara ye alingbi na afango ye ti Bible, ala yeke na ndoye so agi ye gï ndali ti nzoni ti lo wani ape nga ala yeke fa atâ tënë ti Bible.
Dango bê
-
Nyen la ayeke na gunda ti aye so atâ Chrétien amä na bê na ni?
-
A hinga atâ Chrétien na nyen?
-
Kua wa la atâ Chrétien ayeke sara?
GI NDA TI YE
Gi ti hinga aye mingi na ndö ti mbeni groupe ti azo so asara kue ti mû peko ti tapande ti Jésus Christ nga na afango ye ti lo.
Bâ ye so ague na mbeni ngbene soeur ti wara “sewa ti aita so ayeke voro Nzapa na ndö ti sese mobimba.”
“Ala mû gi Bible si ala kiri tënë na ahunda ti mbi ni kue” (Tour ti Ba Ndo ti lango 1 ti avril 2014)
Gi ti hinga tongana nyen la atâ Chrétien afa so ala ye amba ti ala so ayeke na bezoin ti mungo maboko.
E mû maboko na aita ti e na peko ti mbeni kota kpale—Mbage ni (3:57)
Bâ tongana nyen la akozo Chrétien nga na atâ Chrétien laso asara aye so Jésus atene a yeke hinga na adisciple ti lo.
Bâ nga
ATËNË SO AZO AYEKE HUNDA KA
A-Témoin ti Jéhovah ayeke manda Bible na azo tongana nyen?
Mo peut ti sara kua na traduction ti Bible so mo ye na temps so a-Témoin ti Jéhovah ayeke manda Bible na mo senge senge. Mo peut ti tisa afami ti mo kue wala ambeni kamarade ti mo.
