A-Témoin ti Jéhovah ayeke fa na mo mbeni nzoni lege ti hinga ye so Bible afa. Kapa ti mandango Bible ni apeut ti aidé mo ti:

•   Duti na ngia na yâ ti gigi ti mo

•   Ga kamarade ti Nzapa

•   Hinga ye so Bible atene na ndö ti azendo ti kekereke

Na yâ ti article so e yeke bâ:

•  E yeke manda Bible na azo tongana nyen?

•  Eskê mbi yeke payé mandango Bible ni?

•  Mandango ye ni kue ayeke ninga ngoi oke?

•  Ti manda ye ni mbi yeke sara tongana nyen?

•  Eskê mbi peut ti manda gï ye ni ti bâ wala ayeke tongana nyen?

•  Tongana mbi yeda ti tene a manda Bible na mbi, eskê a yeke sara pression na ndö ti mbi ti tene mbi ga Témoin ti Jéhovah?

•  Mbi peut ti sara kua na Bible ti mbi wani?

•  Eskê mbi peut ti tisa ambeni zo ti duti dä na ngoi ti étude ni?

•  Tongana aTémoin ti Jéhovah amanda lani Bible na mbi, eskê mbi bezoin ti manda ni encore?

•  Eskê lege ayeke dä ti tene mbi manda Bible sân ti tene mbeni zo la afa ni na mbi?

 Zo so amanda Bible na mo ayeke sara kua na ali ti tënë nde nde ti aidé mo ti hinga ye na ndö ti Bible. Mandango Bible ni ayeke luti na ndö ti buku Ngbâ na fini lakue lakue! ti tene mo manda ye yeke yeke na ndö ti ye so Bible afa nga tongana nyen la apeut ti aidé mo. Ti hinga aye mingi na ndö ni, bâ vidéo so.

 Ên-ën. A-Témoin ti Jéhovah ayeke sara ye alingbi na tënë so Jésus atene lani na adisciple ti lo: “Ala wara ye senge senge, ala mû ni na azo senge senge.” (Matthieu 10:8). Na ndö ni, azo ayeke payé ape ambeti so e yeke mû ti manda na Bible na ala, andu nga Bible nga na buku Ngbâ na fini lakue lakue!

 Aye ti manda ni kue ayeke 60. Mo la mo yeke décidé tongana nyen la aye ti manda ni so kue ayeke hunzi, me mingi ti awamandango ye ni aye ti sara ye ti manda ni oko wala mingi na yâ ti semaine oko oko.

1.  1. Remplir mbeni formulaire na ndö ti Internet. E yeke sara kua na sango so mo mû ti kiri tënë na aye so mo remplir ni ti tene mbeni Témoin ti Jéhovah awara contact na mo.

2.  2. Mbeni wafango ye ayeke contacté ande mo. Wafango ye ni ayeke fa tongana nyen la ayeke manda Bible ni nga lo yeke kiri tënë na aquestion ti mo.

3.  3. Mo na wafango ye ni ayeke sara mbeni programme. Ala peut ti manda ye ni ndo oko, na lege ti téléphone, appel vidéo, lettre wala e-mail. Mingi ni, étude ni ayeke ninga l’heure oko, me apeut ti duti nduru wala aninga tongana ague oko na programme ti mo.

 En. Ti sara ni, remplir mbeni formulaire na ndö ti Internet. Tongana mbeni wafango ye ni acontacté mo, zia lo hinga so mo ye gï ti manda ye ni ti bâ wala ye ni ayeke tongana nyen. Lo yeke sara kua na brochure Ngbâ na fini lakue lakue! so ayeke na akozo ye ti manda ota, ti aidé mo ti bâ wala mandango ye ni ayeke nzere na mo.

 Ên-ën. A-Témoin ti Jéhovah aye ti fa ye na azo na ndö ti Bible, me e yeke sara pression lâ oko ape na ndö ti mbeni zo ti ga Témoin ti Jéhovah. Nde na ni, na nengo zo e yeke fa ye so Bible afa. E hinga so ayeke na zo oko oko ti soro ye so lo yeke mä na bê na ni.—1 Pierre 3:15.

 En, mo peut ti sara kua na traduction ti Bible so mo ye. Atâa so e ye mingi ti sara kua traduction ti Mbeti ti Nzapa ti fini dunia, so atënë ni ayeke polele nga ayeke na lege ni, e hinga so azo mingi aye ti sara kua na Bible so ala habitué na ni.

 En. Mo peut ti tisa afami ti mo kue wala ambeni kamarade ti mo.

 En. Ti vrai ni, mandango Bible ni apeut ti nzere na mo ahon ti kozo ndali ti so fini fason ti mandango ye ni alingbi na abezoin ti azo laso. Afoto na avidéo ayeke dä mingi nga mo yeke mä yâ ni nzoni mingi ahon aye so e yeke manda lani na azo.

 En. Atâa so mingi ti awamandango ye ni amanda ye nzoni grâce na mbeni wafango ye, ambeni aye ti tene ala wani la akomanse mandango ye ni. Rubrique “Aye ti mandango na Bible” afa molongo ti agbakuru so mo yeke sara kua na ni senge senge nga apeut ti aidé mo na yâ ti mandango Bible ni. Bâ ambeni na gbe ni ge:

•   Avidéo ti Bible. Anduru vidéo so afa akota fango ye ti Bible.

•   Bible atene ti lo nyen. A-article so akiri tënë na ahundango ndo ti azo na ndö ti Bible.

•   Aversê ti Bible so a fa nda ni. Gi ti hinga nda ti atënë ti aversê ti Bible so azo mingi ahinga ni.