Sumana 26 ya Fevereiro–3 ya Março
MASALMO 11-15
Nyimbo 139 na Phembero | Mafala Akutoma (mph. 1)
1. Nyerezerani Kuti Muli mu Dziko Ipswa Yantendere
(mph. 10)
Kukhonda bvera mitemo kusacitisa dziko kukhala na uphanga uzinji unaona ife lero (Mas. 11:2, 3; Sentinela 15/5/06 tsa. 18 ndima 2)
Ife tinakwanisa kukhala na cinyindiro cakuti mwakukhonda dembuka Yahova anamalisa uphanga (Mas. 11:5; Sentinela 4.16 tsa. 11)
Kunyerezera mapikiro a Yahova kunatiphedza toera kudikhira dziko ipswa mwakupirira (Mas. 13:5, 6; Ncenjezi 08.17 tsa. 7 ndima 15)
YESERANI KUCITA IPI: Lerini Ezekiyeli 34:25, pontho nyerezerani dziko yantendere inalongwa pa vesi ineyi.—Umambo Wa Mulungu Ukutonga! tsa. 236 ndima 16.
2. Mpfuma Zauzimu:
(mph. 10)
-
Mas. 14:1—Akristu anakhuyiwa tani na mafala analongwa pa vesi ineyi? (Ncenjezi 1/9/13 tsa. 20 ndima 12)
-
Ndi mpfuma zipi zauzimu zidagumana imwe pakuleri Bhibhlya sumana ino?
3. Kuleri Bhibhlya
(mph. 4) Mas. 13:1–14:7 (th pfundziro 2)
4. Kutomesa Makani
(mph. 2) UMBONI WANTSUSUKANO. Phembani munthu toera agumanike pa Cikumbuso. (Funani Anthu nsolo 5 ndima 3)
5. Kutomesa Makani
(mph. 1) NYUMBA NA NYUMBA. Phembani munthu toera agumanike pa Cikumbuso. (Funani Anthu nsolo 3 ndima 4)
6. Kutomesa Makani
(mph. 3) NYUMBA NA NYUMBA. Munthu asafuna ncemero wa Cikumbuso. (Funani Anthu nsolo 7 khundu 4)
7. Kucita Anyakupfundza
(mph. 5) Tsandzayani na Umaso Kwenda na Kwenda! nsolo 13 tapfundzanji, mibvundzo yakubwereza na yeserani kucita ipi. Phatisirani nsolo ubodzi unagumanika pa khundu yakuti “Toera Kudziwa Pinango” kuti muphedze nyakupfundza wanu toera adziwe maonero a Mulungu thangwi ya uphemberi wauthambi. (th pfundziro 12)
Nyimbo 8
8. “Udziwisi Ndi Wadidi Kakamwe Kupiringana Pida Pya Nkhondo”
(mph. 10) Nkhani yakucedza.
Uphanga uli kuthimizirika pa dziko yonsene yapantsi. Yahova asadziwa kuti uphanga unaona ife lero unakwanisa kuticitisa kukhala akudzudzumika kakamwe. Iye asadziwambo kuti tisafunika citsidzikizo. Njira ibodzi inaphatisira iye toera kutitsidzikiza ndi Mafalace, Bhibhlya.—Mas. 12:5-7.
M’Bhibhlya muli na udziwisi “wadidi kakamwe kupiringana pida pya nkhondo.” (Ekle. 9:18) Onani kuti malemba anatowera anatiphedza tani toera kutsidzikizika m’makhaliro auphanga.
-
Ekle. 4:9, 10—Calirani kukhala mwekhene m’mbuto zakugopswa
-
Mis. 22:3—Ndzidzi onsene onani mwadidi pinacitika mungakhala pa mbuto iri na anthu azinji
-
Mis. 26:17—Lekani kupitira nthonga za anango
-
Mis. 17:14—Bulukani mwakucimbiza mungaona kuti pa mbuto iri na imwe panacitika pinthu pyakuipa. Khalani kutali na anthu anagumanyikana toera kucita uviyaviya
-
Luka 12:15—Lekani kuikha umaso wanu pangozwi toera kutsidzikiza pinthu pyanu
Pangizani VIDHYU ya nsolo wakuti Towezerani Anthu Akukhulupirika, Tayu Akukhonda Khulupirika—Enoki, Tayu Lameki. Buluka penepo citani mbvundzo uyu:
Citsandzo ca Enoki caphedza tani m’bale m’bodzi toera kucita cisankhulo cadidi mu ndzidzi ukhacitika uphanga ncisa cace?—Aheb. 11:5
Midzidzi inango, Nkristu panango anaona kuti asafunika kucita pinakwanisa iye toera kutsidzikizika peno kutsidzikiza pinthu pyace. Khala asafuna kucita pyenepi, asafunika kucalira kupha munthu.—Mas. 51:14; onani “Mibvundzo Inacitwa na Anyakuleri” mu Ncenjezi wa Julho wa 2017.
9. Kampanya Yakugawira Micemerero ya Cikumbuso Inatoma Nsabudu, Ntsiku 2 ya Março
(mph. 5) Nkhani yakucitwa na nkulu wa mpingo. Longani masasanyiro adacitwa toera kugawira micemerero, nkhani yakupambulika na Cikumbuso. Kumbusani amwazi mphangwa kuti anakwanisa kutumikira ninga apainiya akuphedza mbapereka maora 15 mwezi wa Março na Abril.
