Lerini Genesi 25:29-34 toera kudziwa khala Ezau na Yakobe acita pisankhulo pyadidi.

Pfundzani na pinthu pinalongwa m’mavesi a nduli na a kutsogolo. Ninji pidacitika nduli? (Gen. 25:20-28) Ninji pidacitika ntsogolo?—Gen. 27:1-46.

Pfundzani na pinthu pinango pinalongwa m’mavesi anewa. Mu ndzidzi unoyu, mwana wakutoma kubalwa akhafunika kucitanji, pontho ndi ufulu upi ukhali na iye?—Gen. 18:18, 19; Sentinela 1/5/10 tsa. 13.

• Kodi basi ene ndi ana akutoma kubalwa akuti mbadakhala makholo a Mesiya? (Ncenjezi 02.18 tsa. 31-32)

Nyerezerani pinthu pidapfundza imwe, pontho piphatisireni. Thangwi yanji mwai wakukhala wakutoma kubalwa ukhali wakufunika kakamwe kuna Yakobe kupiringana Ezau? (Aheb. 12:16, 17; Sentinela 15/10/03 tsa. 28-29) Ninji pikhanyerezera Yahova thangwi ya Yakobe na Ezau, pontho thangwi yanji? (Mal. 1:2, 3) Kodi Ezau akhafunika kucitanji toera acite cisankhulo cadidi?

• Bvundzikani: ‘Ndinapangiza tani kuti kulambira Yahova ndi cinthu cakufunika kakamwe kuna ine pakuphatisira ndzidzi wanga na pakucita ndandanda yakulambira kwa banja?’