Kodi Umambo wa Mulungu Ninji?
Mbamudalonga kuti ndi . . .
-
cinthu cinango ca muntima mwanu?
-
mafala akuphiphirisa?
-
utongi wakudzulu?
BHIBHLYA ISALONGANJI
“Mulungu wakudzulu anadzaikha umambo wakuti cipo unadzafudzwa.”
‘Mwana wamamuna tampaswa; pontho utongi unadzakhala paphewa pace.’
PYENEPI PISABVEKANJI KWA IMWE
-
Utongi wadidi wakuti unakwanisa kukuphindulisani mu umaso wanu.
—Izaiya 48:17, 18. -
Umaso wa ungumi wadidi na wakutsandzayisa, mu dziko ipswa inafuna kudza.
—Apokalipse 21:3, 4.
TINAKWANISADI KUKHULUPIRA PINALONGA BHIBHLYA?
Inde, pana mathangwi mawiri:
-
Yezu apangiza pinthu pyakuti pinadzakwaniriswa na Umambo wa Mulungu. Yezu apfundzisa atowereri ace kuphembera toera Umambo wa Mulungu udze, pontho toera cifuniro ca Mulungu cicitike pantsi pano. (Mateo 6:9, 10) Yezu apangiza kuti inadzatawirwa tani phembero ineyi.
Mbali pa dziko yapantsi, Yezu adyesa anthu anjala, awangisa anyakuduwala na kulamusa anyakufa! (Mateo 15:29-38; Jwau 11:38-44) Ninga Ntongi wa Umambo wa Mulungu ntsogolo, Yezu apangiza pinthu pyakufunika kakamwe pyakuti Umambo wa Mulungu unadzacita kwa ale anaungonjera.
—Apokalipse 11:15. -
Makhaliro a dziko asapangiza pakweca kuti Umambo wa Mulungu unafika cincino. Yezu alonga mwanyapantsi kuti Umambo wa Mulungu mbudzati kubweresa ntendere pa dziko yapantsi, mbizidaoneka nkhondo, njala na piteketeke pa dziko yonsene.
—Mateo 24:3, 7. Ife tisaona pakweca makhaliro anewa lero. Natenepa, tinakwanisa kunyindira kuti mwakukhonda dembuka, Umambo wa Mulungu unadzamalisa nyatwa zenezi zonsene.
NYEREZERANI
Kodi umaso unadzakhala tani pantsi pa utongi wa Umambo wa Mulungu?
Bhibhlya isatawira mbvundzo unoyu pa MASALMO 37:29 na IZAIYA 65:21-23.
Panango Munakomerwa Kudziwa Ipi
PIPFUNDZISO PYAKUFUNIKA PYA M’BHIBHLYA
Umambo wa Mulungu Ninji?
Mu ndzidzi ukhamwaza Yezu mphangwa, iye akhapfundzisa kakamwe pya Umambo wa Mulungu kupiringana pinthu pinango. Mu pyaka pizinji, atowereri ace asaphembera toera Umambo unoyu udze.
NCENJEZI
Umambo wa Mulungu Unadzacitanji?
Yezu akhadziwa kuti Umambo wa Mulungu ndiwo basi unafuna kumalisa nyatwa zonsene pa dziko yapantsi. Ninji pidacita Umambo wa Mulungu toera kuwangisa cinyindiro cathu?
PYA IFE
Thangwi yanji tisafunika kupfundza Bhibhlya?
Bhibhlya isatawira mibvundzo yakufunika kakamwe mu umaso, ya anthu azinji kakamwe pa dziko yonsene. Musafuna kukhala m’bodzi mwa anthu anewa?
