TOMESANI MAKANI
NSOLO 3
Longani Mwakukoma Ntima
Bhibhlya isalonga: “Ufuni ndi . . . wakukoma ntima.” —1 Akor. 13:4.
Yezu Acitanji?
1. Onani VIDHYU, peno lerini Juwau 9:1-7. Buluka penepo onani mibvundzo iyi:
-
Yezu acitanji pakutoma—awangisa munthu peno am’mwazira mphangwa?—Onani Juwau 9:35-38.
-
Thangwi yanji njira idaphatisira Yezu yaphedza mamuna toera akhale na cifuno cakubvesera mphangwa zadidi?
Tisapfundzanji na Pidacita Yezu?
2. Munthu anakhala na cifuno cakubvesera pinafuna ife kulonga angaona kuti tisantsalakana mwadidi.
Towezerani Yezu
3. Wangisirani toera kudziwa mabvero a munthu anacedza na imwe.
-
Bvundzikani: ‘Ndi pinthu pipi pyakuti panango iye asadzudzumika napyo? Kodi iye anakomerwa ndingampanganji?’ Kunyerezera pyenepi kunakuphedzani toera kulonga peno kucita pinthu mwakukoma ntima.
-
Munthu angalonga pinthu pinandzudzumisa, mbvesereni toera kupangiza kuti muli na citsalakano. Iye angakupangani mabvero ace peno nyatwa zinatamba iye, lekani kucinja makani.
4. Longani mwacilemedzo na mwakukoma ntima. Njira inalonga imwe inapangiza kuti musabvera ntsisi munthu, pontho mwandimomwene musafuna kum’phedza. Sankhulani mwadidi mafala anafuna imwe kulonga na njira yakulonga, pontho calirani kulonga mafala akuti anantsukwalisa.
5. Phedzani anango. Sakani miyai yakuthema toera kuphedza munthu munjira zakusiyana-siyana. Tingakhala akukoma ntima tinaphedza munthu toera kukhala na cifuno cakulonga na ife.
