Kukhulupirika Kuna Mulungu
Kukhulupirika kuna Mulungu ninji?
Mas 18:23-25; 26:1, 2; 101:2-7; 119:1-3, 80
-
Pitsandzo pya m’Bhibhlya pyakuti pinatiphedza:
-
Lev 22:17-22—Yahova akhaphemba kuti cinyama cikhafuna kuperekwa ntsembe cikhafunika kukhala “cakusowa cilema,” peno cadidi, pontho cikhafunika kuperekwa camumphu. Mucihebheri fala yakuti “cakusowa cilema,” isabverana na fala yakuti “kukhulupirika.” Pyenepi pisapangiza kuti kukhala kwathu wakukhulupirika kusaphataniza kupereka umaso wathu onsene kuna Yahova peno kuntumikira na ntima onsene.
-
Yob 1:1, 4, 5, 8; 2:3—Citsandzo ca Yobe cisapangiza kuti, toera munthu aoniwe kuti ndi wakukhulupirika, iye asafunika kulemedza kakamwe Yahova, amulambire na ntima onsene, mbakhonda kucita pinthu pyakuipa.
-
Thangwi yanji tisafunika kupitiriza kukhala akukhulupirika kuna Mulungu?
Ninji cinafuna kutiphedza toera tipitirize kukhala akukhulupirika kuna Mulungu?
Pontho onani Mis 27:11; 1Ju 5:3.
Tinakhala tani, pontho tinapitiriza tani kukhala akukhulupirika kuna Mulungu?
Pontho onani Dhe 5:29; Iza 48:17, 18.
-
Pitsandzo pya m’Bhibhlya pyakuti pinatiphedza:
-
Yob 31:1-11, 16-33—Ntsiku zonsene, Yobe akhali wakukhulupirika kuna Mulungu, iye nee akhacita ulukwali, pontho ndzidzi onsene akhatsalakana anango mwakukoma ntima na mwacilemedzo. Iye nee akhaphatisira madzimunthu pakulambira Yahova, pontho nee akhafuna kakamwe mpfuma.
-
Dha 1:6-21—Maseze akhadazungulirwa na anthu akuti nee akhatumikira Yahova, Dhanyeli na axamwali ace atatu apitiriza kukhala akukhulupirika kuna Yahova, ngakhale pakusankhula cakudya.
-
Munthu angacita madawo mazinji makulu, kodi iye anakwanisa pontho kukhala wakukhulupirika kuna Mulungu?
-
Pitsandzo pya m’Bhibhlya pyakuti pinatiphedza:
-
1Am 9:2-5; Mas 78:70-72—Nakuti mambo Dhavidhi atcunyuka, Yahova amulekerera, mbamuona ninga munthu wakukhulupirika.
-
Iza 1:11-18—Yahova atonga mbumba yace, mbalonga kuti iwo akhali ampfakafaka, pontho akhali na madawo mazinji. Iye apikira kuti angatcunyuka, mbasiya kucita pyakuipa, mbadaalekerera.
-
Panango Munakomerwa Kudziwa Ipi
PFUNDZANI MBIRI ZA M’BHIBHLYA
Madawo a Mambo Dhavidhi
Cisankhulo cakuipa cisabweresa nyatwa zizinji.
PYA IFE
Phembani Toera Mucedzerwe
Cedzani pinalonga Bhibhlya, peno pfundzani pizinji thangwi ya Mboni za Yahova.
