19 GICURASI 2022 | YAHUJWE N’IGIHE TARIKI YA 6 GASHYANTARE 2023
U BURUSIYA

AMAKURU MASHYA—BAHAMIJWE ICYAHA | Bagaragaje ukwizera mu rukiko rwa Lesozavodsk

FUNGURA

Ku itariki ya 3 Gashyantare 2023, urukiko rw’akarere ka Lesozavodskiy rwo mu gace ka Primorye rwahamije icyaha umuvandimwe Yevgeniy Grinenko na Sergey Kobelev na mushiki wacu Svetlana Yefremova. Yevgeniy na Sergey buri we se yakatiwe igifungo gisubitse cy’imyaka itandatu. Svetlana yakatiwe imyaka itatu isubitse. Ntibizaba ngombwa ko bajyanwa muri gereza.

Uko ibintu byakurikiranye

Ku itariki ya 12 Gicurasi 2020

Urubanza rwa Yevgeniy rwaratangiye bamuziza ko akora imirimo yo mu idini ry’intagondwa. Abaporisi batangiye gusaka inzu ya Yevgeniy n’iya Sergey. Abandi bagiye aho Sergey akorera maze baramufata. Bamaze amasaha ane bamuhata ibibazo maze baramufungura. Yevgeniy na we baramufashe bamufunga by’agateganyo
Ku itariki ya 14 Gicurasi 2020

Urukiko rwategetse ko Yevgeniy afungwa by’agateganyo
Ku itariki ya 29 Gicurasi, 2020

Abayobozi bimuriye umuvandimwe Yevgeniy mu kigo kitwa Spassk-Dalny
Ku itariki ya 8 Nyakanga 2020

Urukiko rwemeje ko Yevgeniy yava muri kasho maze afungishwa ijisho
Ku itariki ya 6 Werurwe 2021

Yevgeniy baretse kumufungira mu rugo ariko ntiyari yemerewe kuva mu gace atuyemo
Ku itariki ya 8 Werurwe 2021

Urubanza rwa Sergey rwaratangiye ku mugaragaro bamushinja ko akora ibikorwa by’umuryango w’intagondwa
Ku itariki ya 6 Mata 2021

Svetlana na we yashyizwe mu rubanza

Icyo twamuvugaho

Yevgeniy Grinenko

Igihe yavukiye: 1970 (Lesozavodsk)

Ibimuranga: Yakoze umurimo w’ububaji. Kuva mu mwaka wa 1994 kugeza igihe yafungiwe yakoreshaga imashini zumisha imbaho. Akunda kuroba no gushaka ibihumyo. Yatangiye kwiga Bibiliya mu mwaka wa 1997. Mu mwaka wa 1999 yarabatijwe aba Umuhamya wa Yehova

Ibyo yavuze

Ni iki cyagufashije gukomeza kugira ibyishimo igihe wari muri gereza?

Nageragezaga kwibuka imirongo yo muri Bibiliya kandi nkayishyira mu bikorwa nkurikije ubuzima nari ndimo kandi ibyo ni byo byatumye nkomeza kugira ibyishimo. Naje kubona ko nubwo nahuye n’ibigeragezo bikaze, ibyo byasohozaga ubuhanuzi. Nanone kwiyigisha byanyibutsaga ko abavandimwe benshi na bashiki bacu na bo bahanganye n’ibibazo nk’ibyanjye ariko bagakomeza kubera Yehova indahemuka. Ibyo byamfashije kumva ko nanjye nshobora kwihanganira ibigeragezo.

Ni iki cyagufashije kudacika intege?

Ibibera kuri iyi si bigaragaza neza ko iyi si mbi igiye kurimbuka. Ubwo rero ngomba kwihangana igihe gito kugeza igihe nzabonera irimbuka ry’iyi si..

Svetlana Yefremova

Igihe yavukiye: 1950 (Blagoveshchensk, mu gace ka Amur)

Ibimuranga: Yakoze mu ruganda rw’imyenda kugeza rufunzwe mu mwaka wa 1991. Mu mwaka wa 1996, yatangiye gukora imirimo ijyanye no kwita ku mibereho y’abaturage. Yagiye mu kiruhuko cy’izabukuru nyuma y’imyaka umunani. Yatangiye kwiga Bibiliya mu mwaka wa 1992. Yemeye ko Imana ari yo yaremye ibintu byose. Yabatijwe mu mwaka wa 1993

Ibyo yavuze

Ni iki cyagufashije gukomeza kurangwa n’ikizere igihe wari uhanganye n’ibitotezo?

Muri Matayo 10:18 Yesu yaravuze ati: “Bazabajyana imbere y’abategetsi n’abami babampora, kugira ngo bibabere ubuhamya, bibere n’ubuhamya abantu bo mu bindi bihugu.” Nishimira ko nafatanyije n’abandi gusohoza ubwo buhanuzi kandi nishimira ko nagize imigisha yo gakora uwo murimo.

Abavandimwe na bashiki bacu badusigiye urugero rwiza rugaragaza ko dushobora “kwinjira mu bwami bw’Imana tunyuze mu mibabaro myinshi.”—Ibyakozwe 14:22.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU