Abakora mu busitani barimo baratunganya ubutaka bazateramo ibyatsi. Amazu y’amacumbi ya A na B agaragara inyuma.

Imbere y’inzu y’ibiro hari ikizenga cy’amazi. Icyo kizenga cy’amazi hamwe n’ibindi biri i Chelmsford biyungurura amazi. Ibyo bituma hahora amazi meza, bigafata amazi igihe habaye umwuzure kandi abantu n’inyamaswa bakamererwa neza.

Umugabo n’umugore we barimo barateranya imbaho zigabanya ibiro.

Mushiki wacu arimo ashyira icyapa ku muryango w’aho bazajya batunganyiriza imisatsi.

Umuvandimwe arimo arashyiraho ibyapa biyobora abagenzi. Ibyapa n’utuyira duhari bifasha abakora kuri Beteli n’abashyitsi kutayoba, mu gihe batembera aho hantu hangana na hegitari 34.

Uhagarariye abashinzwe kuzimya umuriro muri ako gace arimo agenzura niba amazi afite imbaraga zo kuzimya umuriro.

Umwe mu bagize komite y’ubwubatsi ayobora isomo ry’umunsi kugira ngo barebe uko ibikoresho bifasha abagize umuryango wa Beteli gukurikirana isomo ry’umunsi bikora. Iri somo ry’umunsi riri gukurikiranwa n’abo kuri Beteli y’i Londres hifashishijwe interineti.

Ushinzwe amashanyarazi ashyiraho amatara ayobora abagenzi.

Bashiki bacu batunganya insinga kugira ngo zizongere zikoreshwe.

Umuvandimwe utembereza abashyitsi arimo abasobanurira uko ikibanza kimeze. Abashyitsi basaga 95.000 bazaga gusura ikibanza igihe cyubakwaga.

Umwe mu bagize komite y’ibiro by’ishami byo mu Bwongereza atanga disikuru mu nama ya nyuma y’abubatsi yabaga buri kwezi mbere y’uko inzego z’imirimo zitangira kwita kuri izo nyubako. Abavoronteri barenga 11.000 batanze igihe cyabo n’imbaraga zabo kugira ngo bashyigikire uwo mushinga.

Abakora mu rwego rushinzwe gutunganya amajwi n’amashusho batozwa gukoresha sitidiyo nshya. Abenshi muri bo bambaye inkweto za purasitike kugira ngo batangiza ahamaze gutunganywa.

Abubatsi bari gutunganya inzira y’amapave, imodoka zizajya zinyuramo zerekeza ku nzu y’ibiro.

Umukanishi arimo akorera imodoka mu igaraji rishya. Kubera ko amacumbi ari hamwe n’ibiro, abagize umuryango wa Beteli ntibakeneye gukoresha imodoka baza ku kazi. Ubwo rero bashobora kuzigurisha. Inyuma turahabona akamodoka gakoreshwa n’abo mu rwego rushinzwe kwita ku nyubako n’ibikoresho.

Abavandimwe bari kwimura abagize umuryango wa Beteli. Kuva muri Mutarama kugeza muri Gashyantare ikipe y’abantu 27 yabafashije kwimuka. Guhera mu ntangiriro za Werurwe abagize umuryango wa Beteli bose, babaga kandi bagakorera ku biro bishya.

Ikipe ikora mu gikoni itegura sarade.

Amazu y’amacumbi yimukanwa barayagurishije. Abubatsi babaga muri ayo macumbi igihe bubakaga. Bakoresheje ayo mazu kugira ngo bagabanye imyuka ihumanya ikirere. Uko ayo mazu yari yubatswe byagaragaje ko yubakanywe ubuhanga. Ahagana inyuma turabona amazu mashya y’amacumbi.

Abagize urwego rushinzwe ubuhinduzi barimo batunganya sitidiyo ifatirwamo amajwi. Iyi sitidiyo si yo ihari yonyine. Mu biro by’abahinduzi na ho harimo ibindi byuma bifata amajwi. Nanone ibiro by’ishami byo mu Bwongereza, bigenzura umurimo w’abahinduzi bahindura mu Kinyayirilande n’Ikigayelike cyo muri Écosse, kandi na bo bafite ibikoresho bifata amajwi nk’ibyo.

Umuvandimwe ukora mu Rwego Rushinzwe Ubwubatsi n’Ibishushanyo Mbonera arimo aganira n’uhagarariye urwo rwego mu burasirazuba bw’u Bwongereza, bakoresheje ikoranabuhanga rya videwo. Abahagarariye urwo rwego bavugana kenshi n’abakora ku biro by’ishami ku birebana n’ubwubatsi bw’Amazu y’Ubwami n’uko yakwitabwaho. Hirya ye, abandi bakorana barimo baraganira uko Amazu y’Ubwami mashya n’ayavuguruwe yashyirwamo ibyuma bishyushya mu nzu n’ibitanga umuyaga.

Abaje gufasha kuri Beteli babanza kunyura aho bakirira abantu mbere yo kujya mu nama ibaha ikaze no guhabwa imirimo bari bukore. Igihe Beteli yo mu Bwongereza yatangiraga gukorera i Chelmsford, abakozi ba Beteli bakora bataha bagera kuri 500 bazaga gufasha ababa muri Beteli. Hirya yaho hari abavandimwe babiri bari gukora ekara zizafasha abashyitsi baje kureba imurika riri kuri Beteli.