Zaburi 55:1-23
Ku mukuru w’abaririmvyi: ikwiye guherekezwa n’ibicurarangisho vy’imirya. Ni indirimbo* ya Dawidi.
55 Ewe Mana, niwumvirize isengesho ryanje+.Ntiwirengagize ugutakamba kwanje ndagusaba imbabazi*+.
2 Nuntege ugutwi, unyishure+.
Amaganya yanje yampagaritse umutima+,kandi nataye umutwe cane,
3 kubera amajambo y’umwansin’agahahazo k’umubisha.
Baguma banteza ivyago,bakambikira inzigo n’ishavu n’akantu+.
4 Umutima wanje wuzuye amaganya+,narengewe n’ubwoba bw’urupfu+.
5 Natekewe n’ubwoba n’ukujugumira,ndiko ndahinda agashitsi.
6 Nguma mvuga nti: «Iyaba nari mfise amababa nk’inuma!
Nokwigurukiye nkaja kwibera ahantu hatekanye.
7 Emwe, nohungiye kure cane+.
Nogiye kwibera mu gahinga+. (Sela*)
8 Nokwirutse nkaja ahantu ninyegeza,kure y’ikivumbuzi, kure y’igihuhusi.»
9 Ewe Yehova, nutume bata umutwe, uburabuze imigambi yabo*+kuko nabonye ubukazi n’indyane mu gisagara.
10 Ijoro n’umurango, baguma* bakizunguruka bari ku mpome zaco,kandi muri co hari ububisha n’ivyago+.
11 Agatikizo kari hagati muri co.Agacinyizo n’ububeshi ntivyigera biva mu bibanza rusangi* vyaho+.
12 Kuko umwansi atari we ariko arantuka+,ahandiho nari kuvyihanganira.
Uwundwanya si we yampagurukiye,ahandiho nari kumwinyegeza.
13 Ariko ni wewe, umuntu nkanje+,umugenzi wanje nzi neza+.
14 Twahora twinovorera hamwe ubugenzi bwacu.Twahora tujana ku nzu y’Imana turi kumwe n’isinzi.
15 Ese botikira giturumbuka+!
Nibamanuke mu kuzimu ari bazima,kuko ikibi catse indaro iwabo no mu mitima yabo.
16 Ariko jewe nzotakambira Imana,kandi Yehova azonkiza+.
17 Ku mugoroba, mu gitondo no ku mutaga nguma niganyira kandi nkaniha*+,ariko Imana irumva ijwi ryanje+.
18 Izonkiza* abandwanya kandi impe amahoro,kuko abandwanya ari isinzi+.
19 Imana, yo yicaye ku ntebe y’ubwami kuva kera+,izonyumva kandi izobishura ivyo bakora+. (Sela)
Abantu badatinya Imanantibazokwemera guhinduka+.
20 Atera* uwo bari babanye amahoro+,akarenga kw’isezerano ryiwe+.
21 Amajambo yiwe arasosa*+,ariko umutima wiwe wuzuyemwo urwanko.
Amajambo yiwe aroroshe kuruta amavuta,ariko ameze nk’inkota zikarishe+.
22 Terera umuzigo wawe kuri Yehova+,na we azogushigikira+.
Ntazokwigera yemera ko umugororotsi atemba*+.
23 Ariko wewe ga Mana, uzobaterera mu cobo kirekire cane+.
Abantu b’abicanyi kandi b’ababeshi ntibazobaho n’igice c’imisi yabo+.
Mugabo jewe nzokwizigira wewe.
Utujambo tw'epfo
^ Mu giheburayo havuga ngo «masikili.» Raba Insiguro y’amajambo (Masikili).
^ Canke «ntiwinyegeze igihe ndagutabaza.»
^ Raba Insiguro y’amajambo.
^ Mu giheburayo havuga ngo «uyoberanye ururimi rwabo.»
^ Canke «biguma», ni ukuvuga ububisha n’indyane.
^ Raba Insiguro y’amajambo.
^ Canke «nkaboroga.»
^ Mu giheburayo havuga ngo «izoncungura.»
^ Uyo atera ni wa mugenzi avugwa ku murongo wa 13 na 14.
^ Mu giheburayo havuga ngo «anyerera kuruta amavuta y’inka.»
^ Canke «acumbagira (adandabagirana).»
