Indirimbo ya Salomo 2:1-17
2 Ndi ishurwe ryitwa habaseleti ryo mu kiyaya,ishurwe ry’ilisi ryo mu mwonga+.»
2 «Kurya kw’ishurwe ry’ilisi mu mahwa,ni ko umukunzi wanje ameze mu bandi bakobwa.»
3 «Kurya kw’igiti c’ipome mu biti vyo mw’ishamba,ni ko umukunzi wanje ameze mu bandi bahungu.
Ndipfuza cane kwicara mu gitutu ciwe,kandi icamwa ciwe kirandyohera.
4 Yanyinjije mu nzu iberamwo imisi mikuru*,kandi urukundo rwiwe rwari rumeze nk’akadarapo hejuru yanje.
5 Nimundabuze udukate tw’inzabibu zumye+,mumpembuze amapome,kuko ndwaye urukundo.
6 Ukubamfu kwiwe kunseguye umutwe,ukuryo kwiwe na kwo kuramfumbatiye+.
7 Yemwe bakobwa b’i Yeruzalemu, ndabarahijeingeregere+ n’impongokazi zo mw’ishamba:
ntimugerageze gukangura canke kuvyura urukundo muri jewe ntararwiyumvamwo+.
8 Umve ijwi ry’umukunzi wanje!
Ehe ng’uyo araje,aje araduga imisozi, asimba imirambi.
9 Umukunzi wanje ameze nk’ingeregere, nk’impongo ikiri nto+.
Ehe ng’uriya, ahagaze inyuma y’uruhome rwacu.Aguma arungurukira mu madirisha,acishije mu tuyungiro.
10 Umukunzi wanje aramvugisha, akambwira ati:
“Haguruka rukundo rwanje!Ingo tujane mwiza wanje!
11 Raba urushana* rwarenganye.
Imvura yahise kandi yaheze.
12 Amashurwe yabonetse mu gihugu+,igihe co gututura cageze+,kandi uturirimbo tw’inuma twatanguye kwumvikana mu gihugu cacu+.
13 Insukoni za mbere zamaze guhira ku biti+.Imizabibu yashuritse kandi iguma irekura akamoto kayo.
Haguruka uze rukundo rwanje!
Ingo tujane mwiza wanje!
14 Ewe numa yanje yibera mu myobo y’ibitandara+,mu tunogo tw’ahantu h’ibimanga,nshaka kukubona no kwumva akajwi kawe+,kuko akajwi kawe karyoshe kandi ukaba uteye igomwe+.”»
15 «Nimudufatire za mbwebwe,twa tubwebwe dutoduto twonona imirima y’imizabibu,kuko imirima yacu y’imizabibu yashuritse.»
16 «Umukunzi wanje ni uwanje, nanje nkaba uwiwe+.
Aragiye ibitungwa vyiwe+ mu mashurwe y’amalisi+.
17 Garuka ningoga, mukunzi wanje,akayaga kataratangura guhuhuta* n’ibitutu ngo bihunge!Nurengane imisozi idutandukanya* nk’ingeregere+ canke impongo ikiri nto+.
Utujambo tw'epfo
^ Mu giheburayo havuga ngo «mu nzu y’umuvinyu.»
^ Canke «igihe c’imvura.»
^ Mu giheburayo havuga ngo «umusi utaratangura guhuhuta.»
^ Canke «imisozi ya Beteri.» Insobanuro y’ijambo Beteri ntizwi neza.
