‘Ạitu ‘ihia te‘ ne kạinag famori la ‘ut a‘el se ia ‘e ro‘ạitu. (Salamo 65:2) I, iạ kal a‘fại ra, ne tär ro‘ạit ‘atakoa. La fakse, ro‘ạit ‘on ta faat ne re a‘kelea‘ehanisia ‘on hạina. (1 Pita 3:⁠7) Tape‘ma, ‘e avat ne famör Isireli re ma kikia te raksa‘a, ‘Ạitu pa kat tȧr ra ‘oris ro‘ạitu. Iạ taf pạu, po ‘e ro‘ạitu iạ ạlạlum‘ạkiget. Ka ‘Ạitu la tȧr tape‘ma ro‘ạit ‘on famör ne re‘ia ta ag raksa‘ ti‘ut, kepoi ka iris huạha‘.​—Hat Aisea 1:15; 55:7.

 Ro‘ạitu ta väeag ne ‘os titi‘ạkiga, ma ‘is kop la ro‘ạit se iạ ‘esea ne Fup‘ȧk te, Jihova. (Mataio 4:10; 6:⁠9) Tape‘ma ‘e reko ‘is famör se ‘atakoa ma ‘is kop la ro‘ạit ‘e as ‘on Jisu po ‘e iạ ‘esea het al se ‘os ag raksa‘a. (Jone 14:⁠6) Jihova pa kat ‘es ra la ‘is la rạu hö‘ȧk hạisokoag ro‘ạit ‘eseat ne täe ‘e ‘os a‘häe, ne ro‘ạit ne fȧ‘i. Iạ pa ‘es la ‘is la ro‘ạit ‘e ‘os huga.​—Hat Mataio 6:7; Filipai 4:6, 7.

 Iạ ne Fup‘ạkia ‘is la pola a‘fại tape‘ma se ‘os ro‘ạit näe. (1 Samuela 1:12, 13) Iạ ‘ihia ‘is la ro‘ạit ‘e av het ma, ‘e kamatag heta ma ‘e a‘ofiạg ne terȧn ta, ne ‘e av ne ‘ate, ma ‘e av ne ‘is agtạu ma pefä‘e.​—Hat Salamo 55:22; Mataio 15:36.

 ‘Os la ‘ut a‘elet se ‘Ạitu ‘eake te vavhine, po ‘e ‘is noh ‘e gasav ‘on famör ne kat pilif ra se ‘Ạitu, ma iris ‘elves‘ạkia ‘on fäeag porạki hün se mȧür furmarie te rȧnte‘. (2 Timoti 3:1, 4; 2 Pita 3:3, 13) Ma ‘is kop la a‘ne‘ne‘ạkiget ne leum ‘e iris ne tete ag‘esea ma ‘is ‘e ‘os pilifi ma tape‘ma se iris.​—Hat Hiperiu 10:24, 25.

  ‘Os tete ag‘esea ma famör ne hanis ‘e ‘Ạitu, pola hạiasoagan ‘is la ‘ut a‘el se ‘Ạitu. Tạuna‘ ‘on Jihova Uetnes ta, pola na a‘ne‘ne‘ạkiga se ‘isa, ‘e reko ‘oris pilifi.​—Hat Roma 1:11, 12.

 ‘Äe la pola ‘ut a‘el se Jihova ‘e ‘ou noh masmasar se te ne ‘äe rak vạhiạ ‘e ‘on Fäega. Re a‘häe se te ne ‘äe la pola rak ‘e ‘on gargarue, ‘on muạ‘ạkiga, ma ‘on fäeag porạki. Ro‘ạitu ma ‘os noh masmasaro la pola hạisoagan ‘is la ‘inea ‘on ‘es‘av ne hanis ‘on ‘Ạitu ma ‘on poto.​—Hat Josua 1:8; Salamo 1:1-3.

 ‘Äe la pola ‘el se ‘Ạitu kepoi ka ‘äe tuạn‘ȧk, ma pilif se iag. Ka pilifi iạ fak se ta te mạurit ne kop la hag. ‘Äe kop la hag hạisokoag ‘ou pilifi ‘e ‘ou noh masarot se ‘on fuạg ne ‘ou pilifi.​—Hat Mataio 4:4; Hiperiu 11:1, 6.

 Jihova kokon‘ȧk iris ne hanis ‘e iag. Ia pola pärea iris ‘e te‘ ne tē ne la mane‘ạkia ‘oris pilifi ma ‘oris ‘ạiröt‘ạkiget se mȧür se ‘es tohiget. (Salamo 91:1, 2, 7-​10) Ia fakne‘ne‘ se ‘isa, kạinag mạurit ne mamạr se ‘isa ma ‘os noh ‘oaf‘ofa. Jihova rak‘ȧk se ‘isa sal pumuạ ne mạuri.​—Hat Salamo 73:27, 28; Jemesa 4:4, 8.