Ka ma ‘on famor huạg lelei ‘e te‘ ne rotu. Ia rog heg lelei po ‘e ‘Ạitu räe se famör ‘o ma iạ kokon‘ȧk te ne mou se irisa. Ia te kelea‘ehanisit, ‘e reko te mamas ne famör rotu a‘soko. (2 Korinita 4:3, 4; 11:13-​15) Ma te ne ‘ea ‘e rogrog ne fạ‘i, rot ‘e ‘on rerege re ag ne‘ne‘i, al ne sok ‘e lȧg pạisini, pelu, ma ag kok se lȧ‘riri‘i. Te ‘i a‘kokonoa famör ne huạg lelei ka pilif se ‘Ạitu!​—Hat Mataio 24:3-5, 11, 12.

 Rotut ne aire a‘kölör‘ạkia ‘Ạitu, ka rot a‘sioksiko kat a‘ofan ra iạ. Ia rak‘ạkia mua‘ạkiạg ne kat puạ ra ‘e Puk Ha‘ heta, ka tape‘ma rak‘ȧk te sioksiko hün se ‘Ạitu ma famör ala. Ka Jihova pa ‘es la famori la ‘inea‘ia aier ta hün se ia.​—Hat Isikeli 18:4; 1 Timoti 2:3-5.

 Te ne ‘ofat, ‘e reko ‘Ạitu kat pora la hoa‘ tuen ‘e rot ne ‘ea iris hanis ‘e iạ ka ‘on aire iris ‘oaf a‘ti‘ kikia se rȧn ‘on Satan ta. (Jemesa 4:4) Fäeag ‘on ‘Ạitu ‘ea ne rot a‘siosiok ‘atakoa ta a‘tạu‘ȧk se “Papilon Ti‘ Ta.” Papiloni iạ hanua nohot ‘e ‘on tạusa ne rot a‘sioksiko kamata e ‘e vạhiạg ne Hoi Ti‘ Ta ‘e av ‘on Noa. ‘Elemea avat ne ‘Ạitu täla ho‘amea ta a‘ofiạg a‘ferehitit se rot ne rosia ma a‘mamauen famori.​—Hat Kel‘ȧk Tē 17:1, 2, 5, 16, 17; 18:8.

 Ka ma ‘on rog lelei ma‘oi. Jihova kat mao‘ạkia ra famör huạg lelei ne forạsieris ‘e gasav ‘on rot a‘sioksiko ‘e rȧnte‘. Iạ ho‘am kạinag famör tape‘ ta, la teag‘esea ‘e rak‘ạkiạg ne se irisa aier ta.​—Hat Maika 4:2, 5.

 Jihova kokon‘ȧk famör ne ‘oaf se te aire ma te lelei. Ia fas‘ȧk se irisa la roua rot sioksiko. Famör ne hanis ‘e ‘Ạitu ‘oaf la re‘ia jenet la a‘ofan iạ.​—Hat Kel‘ȧk Tē 18:4.

 ‘E laloag ne senjuri mumue ta, ‘e avat ne famör huạg lelei a‘fại e se rog heg ta ‘e iris apostolo, tȧr ‘e huạg ‘ofa. Iris rakoa ta sal fo‘ou hün se mạuri ‘e Jihova, mȧür ‘oaf‘oaf airet ne ma ‘on ‘amnạkit ma ‘airöt‘ạkiget. Iris kel‘ạkia ta mạl lelei het se ‘isa ‘e terȧni te ‘i ‘e reko iris tȧr ‘e huạg ‘ofa ‘e ‘oris naag ne Jihova la muạ ‘e ‘oris mạuri.​—Hat 1 Tesalonaika 1:8, 9; 2:13.

 Jihova ‘oaf la tȧr famör ne roua rot a‘sioksiko la kạunohoag ma famör ne titi‘ȧk se iag. Kepoi ka ‘äe tạria ‘ih te ‘on Jihova, ma ‘äe la pola hạikạinagag ‘el ma iạ, kạunohoag fo‘out ka mäeav hanisit ne titi‘ȧk se Jihova, ma mȧür se ‘es gata‘aga.​—Hat Mareko 10:29, 30; 2 Korinita 6:17, 18.

 Puer a‘lel ne rot a‘sioksiko ne ta kankanam ‘og iạ rog leleit. Iạ täla ho‘am fumaria ‘se rȧnte‘ ‘atakoa ma mamaua ‘ofiena. Rot a‘sioksiko kal pora la hoa‘ sese ma re famori la huạg tutu hoi‘ȧk. Te‘ ne famör ‘atakoa ne la mạuri täla te age‘sea ‘e titi‘ạkiget ne re se ‘Ạit aier ‘esea ta.​—Hat Kel‘ȧk Tē 18:20, 21; 21:3, 4.