Tiva nkongometo waku. Zranga hi ku kambela leswaku nkongometo wa wukaneli byaku hi wini. Xana i ku tivisa, ku kholwisa kumbe ku susumetela vayingiseti ke? Gama u twananisa mabekela yaku ni nkongometo wa kone. Kambela ha hombe leswaku tinhla hinkwatu ta lisima ta ku pfuna ku tlhasa lomu u djulaka kone.

Gongondzrela nhloko-mhaka ya wukaneli byaku. Loko wukaneli byaku byi ya byi famba gongondzrela nhloko-mhaka hi ku phindha mazritu ya lisima ya nhloko-mhaka ya kone kumbe hi ku tizrisa mazritu man’wana lama hlayaka ntxhumu wolowo wa wun’we.

Yentxa tinhla ta lisima ti khanya ti va ti twisiseka. Hlawula ntsena tinhla ta lisima leti yelanaka ni nhloko-mhaka yaku ni leti u nga kotaka ku tidondzrisa ha hombe ndzreni ka nkama lowu u nyikiwiki wone. Pumba nhlayu ya tinhla ta lisima. Hlaya yinhla yin’wana ni yin’wana ya lisima hi ku khanya, u yimanyana na u nga si na ya ka yin’wana, u gama u tlulela ha hombe ka leyi landzrelaka.