8-14 Ka Abrili
AMAPSALMA 26-28
Lisimu 34 Ni Xikhongoto | Mazritu Ya Ku Pfula (1 min.)
1. Ndlela Leyi Davhida A Tiyisiki Ha Yone Xiboho Xake Xa Ku Yentxa Leswinene
(10 min.)
Davhida a kombele Yehovha akuva a mu pfuna ku va mhunu lwenene (Ps 26:1, 2; Sentinela 01/12/2004 p. 14 §§ 8-9)
Davhida a a fambela kule ni vanghanu va ku biha (Ps 26:4, 5; Sentinela 01/12/2004 p. 15 §§ 12-13)
Davhida a a swi zrandzra ku gandzrela Yehovha (Ps 26:8; Sentinela 01/12/2004 p. 16 §§ 17-18)
Davhida a a yentxa swihoxo, kambe a a ni ‘mbilu leyinene’. (1Th 9:4) Ku dumbeka ka Davhida a ku xiyeka hikusa a a mu zrandzra ngopfu Yehovha nakone a a mu tizrela hi mbilu hinkwayu.
2. Tindzralama Ta Moya
(10 min.)
-
Ps 27:10—Xana a tsralwa ledzri dzri nga hi txhavelela hi ndlela yini loko vanghanu va le kusuhi va hi tsrhika? (Sentinela 15/07/2006 p. 28 § 15)
-
He tini tindzralama ta moya leti u ti kumiki a ku dondzreni ka Bibele ka vhiki ledzri?
3. Ku Dondzra Bibele
(4 min.) Ps 27:1-14 (th dondzro 2)
4. Ku Sungula Mabulu
(2 min.) HI MUTI NI MUTI. Tizrisa xipapelana lexi nga ka Switizro Swa Ku Dondzrisa Ha Swone. (th dondzro 3)
5. Ku Hamba Timpinda
(4 min.) HI MUTI NI MUTI. Bulani hi xivutiso lexi nga ntsrhaku ka xipapelana lexi u nga mu siyela. Mu byele hi jw.org u va u mu komba timhaka ta ku nyonxisa leti nga kone ka pajina ledzri. (Zrandzra vhanu dondzro 9 mhaka 3)
6. Wukaneli
(5 min.) Zrandzra vhanu xiyengetelo A mhaka 3—Nhlokomhaka: A Misava Yi Ta Pfuxetiwa. (th dondzro 13)
Lisimu 128
7. Vampshwa Lava Tsrhamaka Na Va Dumbekile
(15 min.) Ku bulisana ni vayingiseti.
Vampshwa lava nga vakriste va fanela ku tikazretela ku fambela kule ni ku tikhoma hi ndlela ya ku biha hi swa tinkuku. A va hetisekanga nakone leswi va ha liki vampshwa a ku navela ka ku yentxa timhaka ta tinkuku i kukulu, nakone leswo swi nga ha yentxa swi va kazratela ku yentxa leswi nga swinene. (Ro 7:21; 1Ko 7:36) Va tlhela va lwisana ni ku kutxeteliwa ku hamba timhaka ta tinkuku ni vhanu vambeni nambi hi ku hamba ni vhanu va limbewu ledzri fanaka. (Ef 2:2) Hi nyonxa ngopfu hi vampshwa lava tikazratelaka ku tsrhama na va dumbekile ka Yehovha.
Txhaya VHIDIYU ledzri liki Vumpshwa Byanga—Ni Nga Wu Hlulisa Kuyini Nhlohlotelo Wa Ku Yentxa Swa Tinkuku Na Ni Nga Si Na Txhata? U gama u hamba swivutiso leswi landzrelaka ka vayingiseti:
-
He wini nhlohlotelo lowu Cory na Kamryn va lwisaniki na wone?
-
I yini lexi va pfuniki ku tsrhama na va dumbekile?
-
He yini minsinya ya milawu ya Bibele leyi nga ku pfunaka loko u kumana ni swikazratu leswi fanaka?
