Încalav le cuvintea mai importanto. Pala soste citisares iech verseto, încalav le cuvintea cai sile phanglimos directo soia cames te sicaves. Daștis te cheres cadaia cana mai phenes încă iech data codol cuvintea sau cana șios iech pușimos prin savo te cheres le manușen te hachiaren save si le cuvintea importanto.

Sicav i ideea cai cames te avel încărdi andi goghi. Dacă phendean sostar citisares iech verseto, sicav vi o phanglimos cai si mașcar le cuvintea importanto hai sar zuriaren cadala i ideea.

Cher aplicări simplo. Na de duma anda but buchia, numai anda codola cai cames te aven încărde andi goghi. Gândisar-tu so prinjianen deja codola cai așunen-tu anda o subiecto hai cadea va jianeia sode informații te phenes ca i aplicarea te avel simplo hai von te hachiaren-la.