Codola căsătorime de țâra timpo camen ca lenghi fericirea te avel anda sea o timpo, cadea sar sas ando ghies cana cărde o abiav. Cadaia na-i iech suno. Le creștini căsătorime de but timpo jianen că cadaia daștil te avel ciaces, cana den sea penghi zor te phiraven-pe cadea sar phenel i Biblia.

1. So phenel le rromenghe i Biblia te cheren?

O Iehova mechlea ca o rrom te avel o șăro la familiaco. (Citisaren Efeseni 5:23.) O Iehova ajucărel lestar te lel decizii cai te anen miștimata la familiache. I Biblia phenel le rromenghe: „Continuin te iubin tumare rromnian”. (Efeseni 5:25) So însemnol cadaia? Iech rrom iubitorii phiravel-pe șucar pesca rromniaia vi chăre, tha vi cana sile mașcar aver manușa. Vo feril-la te na avel duchadi hai cherel sea so daștil te lel sama pe laco ilo hai te avel-la sea so trebul lache. (1 Timotei 5:8) Tha, mai but sar oriso, vo ajutil-la te avel-la iech amalimos chidino le Iehovaia. (Matei 4:4) Sar exemplo, vo daștil te manghel-pe hai te citil i Biblia ande iech than laia. Cana iech rrom lel sama pesca rromniatar pherdo iubirea, lesco amalimos le Iehovaia așel chidino. (Citisaren 1 Petru 3:7.)

2. So phenel le rromnianghe i Biblia te cheren?

O Cuvânto le Devlesco phenel că la rromnia trebul „te avel-la iech baro respecto anda laco rrom”. (Efeseni 5:33) Sar daștil voi te cherel cadaia? Voi daștil te gândil-pe so lașe buchia cherel laco rrom hai sar del peschi zor caște lel sama pesca familiatar. Mai but, voi sili pașa leste ande sea le decizii cai vo lel-le, del duma șucar leia hai del duma șucar vi anda leste, chiar cana vo ci silo co ciacimos.

3. Sar daștin iech rrom hai iech rromni te zuriaren penghi căsătoria?

I Biblia phenel codolenghe căsătorime: „Le dui va avena iech corcoro mas”. (Matei 19:5) Cadaia însemnol că von trebun te așen contra orisavi buchi cai camelas te duriarel-le iech averestar. Anda codoia, trebul te cheren penghe timpo ande fiesavo ghies iech anda aver, caște phenen penghe sincero hai pherde iubirea so gândin hai so silen ando ilo. Von ci trebun te mechen ca vareso sau varecon, avreal o Iehova, te avel mai importanto sar lengo phanglimos. Hai si zurales importanto te len sama ca na varesar te pașion mai but sar trebulas catar aver murș sau catar aver jiuvli.

 HACHIAR MAI MIȘTO

4. Rromale, iubin tumare rromnian hai len sama lendar

5. Rromniale, sicaven iubirea hai den pachiv tumare rromenghe

I Biblia phenel la rromniache te del pachiv pesche rromesche, chiar cana vo slujil sau nici le Iehovasche. Citisaren 1 Petru 3:1, 2 hai pala codoia den duma:

• Dacă chio rrom ci si iech Martoro le Iehovasco, cames anda sea o ilo ca vi vo te avel co ciacimos. So pachias că avelas mai mișto: Te des lesche duma sea o timpo andai Biblia sau te phiraves-tu șucar leia hai te des-les pachiv? Sostar?

Le rroma hai le rromnia daștin te len lașe decizii ande iech than. Cu sea cadala, poiechdata i rromni daștilas te na dichel le buchia cadea sar laco rrom. Cana si cadea, voi daștil te phenel lesche ande iech șucar modo so pachial, cadea încât te sicavel lesche pachiv hai te na bâstrel că  o Iehova mechlea les te alosarel so si mai mișto anda i familia. Voi trebul te del peschi zor te ajutil-les andi decizia cai lea-la. Cana cherel cadea, voi anel bucuria andi familia. Citisaren 1 Petru 3:3-5 hai pala codoia den duma:

• So si ando ilo le Iehovasco cana dichel că iech rromni sicavel respecto caring laco rrom?

6. Daștin te nachen părdal le pharimata andai căsnicia

 SO SICHILEAM

Iech rrom hai iech rromni daștin te aven fericime cana iubin-pe iech averes, den pachiv iech averesche hai cheren le buchia cadea sar phenel i Biblia.

So dichleam

• Sar daștil o rrom te cherel bucurime pesca rromnia?

• Sar daștil iech rromni te cherel bucurime pesche rromes?

• Dacă san căsătorime, so verseto biblico daștil te ajutil-tu te zuriares chi căsnicia?