LECȚIA 25
Sar camel o Del te avel amari viața?
I Biblia phenel că i viața le manușeschi sili „harni hai pherdi ducha”. (Iov 14:1) Tha cadea camlea o Del te avel amari viața? Dacă ci camlea te avel cadea, so camel o Del anda amende? Va avela amari viața vroiechdata cadea sar vo camel? Mai dur, va avela te dichas so răspunsuri cai zuriaren amaro ilo del-ame i Biblia.
1. So camel o Iehova anda amende?
O Iehova camel te avel-ame iech viața zurales șucar. Cana cărdea le dintune manușen, le Adamos hai la Eva, o Del șiutea-le ande iech șucar paradiso: i bar le Edenoschi. Pala codoia, „o Del binecuvântisardea-le hai phendea lenghe: «Aven roditori, butiaon-tume hai pheren i phuv hai supunin-la»”. (Geneza 1:28) O Iehova camlea ca le manușen te aven-le șiave, te cheren sea i phuv iech paradiso hai te len sama catar le animalea. Vo camlea te aven-le iech sastimos perfecto hai te na meren niciechdata.
Chiar cana aghies amari viața na-i cadea, a o Del ci parudea-pe; vo camel te cherel anda amende sa codol buchia cai camlea-le catar o începuto. (Isaia 46:10, 11) O Del camel vi acana ca le manușa cai așunen lestar te train fericime anda sea o timpo, bi te aven-le ducha sau pharimata. (Citisaren Revelația 21:3, 4.)
2. Sar daștil te avel-ame iech viața fericime încă de acana?
Cana cărdea-ame, o Iehova șiutea ande amaro ilo i nevoia te prinjianas-les hai te anas lesche închinarea. (Citisaren Matei 5:3-6.) Vo camel te avel-ame iech amalimos chidino leia, ‘te phiras ande sea-l buchia pe lesche riga, te iubisaras-les hai te slujisaras-les sea amare ileia’. (Deuteronomo 10:12; Psalmo 25:14) Cana cheras cadea, daisaras te avas ciaces fericime, chiar cana nachas prin pharimata. Cana anas închinarea le Iehovasche hai traisaras cadea sar camel vo, simțosaras că amari viața na-i de ivea; atunci hachiaras sostar cărdea-ame o Del.
HACHIAR MAI MIȘTO
Va avela te diches sar sicadea o Iehova iech bari iubirea cana cărdea i phuv anda amende hai va avela te hachiares sar sicavel lesco Cuvânto sostar cărdea-ame o Del.
3. O Iehova camel sea so si mai lașio hai șucar anda amende
Dichen o MATERIALO VIDEO hai pala codoia den duma:
-
Sostar cărdea o Del amari șucar phuv?
Citisaren Eclesiasto 3:11 hai pala codoia den duma:
-
Tu so sichios catar anda o Iehova?
4. O Iehova ci parudea so vo camlea te cherel de mai anglal anda amende
Citisaren Psalmo 37:11, 29 hai Isaia 55:11 hai pala codoia den duma:
-
Catar jianas că o Iehova ci parudea so vo camlea te cherel de mai anglal anda amende?
Iech chăr mechlo corcoro cai rimosardea-pe, daștil te avel pale cărdo șucar. Sa cadea i phuv, cai le manușa rimosarde-la, va avela pale cărdi șucar catar o Del, anda codola cai iubisaren-les
5. Cana anas închinarea le Iehovasche hachiaras sostar samas cărde
Cana jianas so camel o Del anda amende sam ciaces fericime. Dichen o MATERIALO VIDEO hai pala codoia den duma:
-
Sar parudea-pe i viața la tărniachi Terumi cana hachiardea so camel o Del anda late?
Citisaren Eclesiasto 12:13 hai pala codoia den duma:
-
Anda codoia că o Iehova cărdea cadea de but șucar buchia anda amende, amen so trebul te cheras anda leste?
UNII DAȘTINAS TE PUȘEN-TU: „Sostar cărdea-ame o Del?”.
-
So pheneias lenghe?
SO SICHILEAM
O Iehova camel te bucurisaras-ame viațatar anda sea o timpo, cade pi phuv, bi te aven-ame ducha sau pharimata. Cana anas închinarea le Devlesche anda sea amaro ilo, jianas sostar cărdea-ame hai so camel vo anda amende încă de acanara.
So dichleam
-
So camlea o Iehova catar o începuto anda o Adam hai i Eva?
-
Catar jianas că so camlea o Del anda le manușa ci parudea-pe?
-
Sar daștil te avel-tu iech șucar viața?
RODE MAI BUT
Va avela te diches sostar daisaras te pachias că i bar le Edenoschi sas-li ciaces.
„I bar le Edenoschi – Paramici sau ciacimos?” (O Turno de veghe, 1 ianuaria 2011)
Va avela te hachiares sostar daisaras te pachias că i phuv va așela anda sea o timpo.
Va avela te diches sar daștil te ajutil-tu i Biblia te hachiares sostar cărdea-ame o Del.
Va avela te prinjianes ieche murșes cai pachiaia că siles sea so trebul-les, tha arachlea i mai importanto buchi andi viața.
a Andi lecția cai avel, va avela te sichios sostar acana amari viața na-i cadea sar camlea o Del.
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
