Андэ Библия ԥэнэнпэ, кай важно тэ делисавас и тэ дарисарас анда вся оди. Кадя авэла радость най кати кодэлэстэ, касти дарин, но и кодэлэстэ, ко дарий (Притчи 11:25; Луки 6:38). О Иисус Христос ԥэндя: «Май бари бах, кала дас, чем кала лас» (Деяния 20:35).

•  Со лэ Дэвлэсти чалёл андо мануш, саво дарий?

•  Со лэ Дэвлэсти на чалёл андо мануш, саво дарий?

•  Библейски стихоря, кай анда оди тэ делисавас

 Лэ Дэвлэсти чалёл, кала кодэва, ко дарий, нисо пэсти важ када на аштярэл. Андэ Библия ԥэнэнпэ: «Мэк кажно терэл кадя, сар камэл андэ пэско ди. Най кай трэбуй тэ дэл и най важ кода кай варико тасавэл. Ай важ кода кай о Дэл любий кодэлэс, ко лошало тэ дэл анда вся оди» (2 Коринфянам 9:7).

 Делинпэ и дарин анда вся оди обычно кодэла мануша, савэ тэлён лэ Дэвлэсти андэ чачуни вера (Иакова 1:27). Можно тэ пэнас, кай о мануш, саво анда оди поможый аврэнди, — амал лэ Дэвлэса, и о Дэл гиндой, кай во андо вужылимос англа кацаво мануш (Притчи 19:17). Андэ Библия ԥэнэнпэ, кай о Дэл обязательно блаӷословия лэ манушэн, савэ анда оди делинпэ аврэнца (Луки 14:12—14).

 Если о мануш аштярэл варисо важ када. Например, во камэл:

•   тэ удивий аврэн (Матфеё 6:2);

•   тэ получий варисо взамен (Луки 14:12—14);

•   тэ получий спасения (Псалом 49:6, 7).

 Если о мануш кодэлэса, кай дэл анда оди, поможый андэ поведения или привычка, савэ на чалён лэ Дэвлэсти. Например, авелоп най драго тэ дас ловэ кодэлэсти, ко тратий лэн пэ азартни иӷры, цыӷарки или наркотикоря (1 Коринфянам 6:9, 10; 2 Коринфянам 7:1). Кадяжэ авелоп найдраго тэ подритярас ловэнца кодэлэс, ко можэт тэ затерэл важ пэстэ, но на камэл када тэ терэл (2 Фессалоникийцам 3:10).

 Если о мануш на терэл кода, со лэсти дя о Дэл. Андэ Библия ԥэнэнпэ, кай о хулай трэбуй тэ диқэл пала пэско ери (1 Тимофею 5:8). Во андярэл пэс нэправильно, если терэл май бут важ авэр, кала лэско ери нуждаеца. О Иисус Христос сындосардя лэ манушэн, савэ отԥэндён тэ диқэн пала ԥурэ родителя и ԥэнэн, кай всаворэ лэндирэ ловэ — када даро лэ Дэвлэсти (Марка 7:9—13).