17 ӶЛАВА

Саво сыно Иисус Христос?

ВОСПРОИЗВЕСТИ

Кала уӷанас, сави дила терэлас о Иисусо и сости сытярэлас, лэл лэ одестар. Через када амэ май драго ласа тэ полас лэс и лэстирэ Дадэс лэ Иеговас. Саво сыно о Иисусо? И сар амэ можэм тэ терас сар во?

1. Соса о Иисусо шолпэ по пэско Дад?

По нэбо о Иисусо милиардоря бэрша сытёлас кай пэско Дад. Во диқэлас, сар во вся терэлас и сар во пэ дила сыкавэлас, кай любий. Важ када о Иисусо шолпэ по пэско Дад лэ гиндонэнца, ла диласа и кодэлэса, со лэстэ по ди. (Адиносар Иоанна 5:19.) О Иисусо сытеля пэстирэ Дадэстар, важ када во ԥэндя: «Ко диқля ман, диқля и мэрнэ Дадэс» (Иоанна 14:9). Сар лэса май бут тэ уӷанэс пала Иисусо, ту лэса май драго тэ ӷанэс лэ Иеговас. Кала ту лэса тэ адинос, сар о Иисусо любияс лэ манушэн, ту додиқэса, сар о Иегова любий тут.

2. Андар со дицол, кай о Иисусо любий лэ Иеговас?

О Иисусо ԥэндя: «Кай о миро тэ ӷанэн, кай мэ любисарав лэ Дадэс, мэ терав кадя, сар приԥэндя манди о Дад» (Иоанна 14:31). Во вся и время кандэлас пэстирэ Дадэс, дажэ кала сас фартэ ԥарэс. Анда када дицэля, пэ скати во лэс любий. О Иисусо кадяжэ любияс тэ дэл дума пала пэско Дад. Кадяжэ во росԥэнэнас лэ манушэнди, сар вонэ моӷут тэ авэн друӷоря лэ Дэвлэса (Иоанна 14:23).

3. Андар со дицол, кай о Иисусо любий лэ манушэн?

Андэ Библия пистромэ, кай и мануша сас фартэ куч лэ Иисусости (Притчи 8:31). О Иисусо любияс лэ манушэн и отдэлас вся пэско зор, кай тэ поможый лэ манушэнди, и лэнди сас драго лэса. Во терэлас чудеса най кати важ кода, кай лэстэ исин зор лэ Дэвлэстар, но и важ кода, кай лэсти сас жалко лэ манушэн и во камэлас лэнди тэ поможый (Марка 1:40—42). Во полэлас лэн и на гиндояс пала лэндэ найдраго. Лэ манушэн, савэ лэс ашунэнас анда вся оди, подритярэнас лэстирэ алава и мануша лэнас тэ патян, кай англэ авэла вся драго. О Иисусо кадя фартэ любияс лэ манушэн, кай ӷотово сас тэ отдэл пэстири жызня важ лэндэ. Но май фартэ лэсти сас куч кодэла, ко терэлас кадя, сар во сытярэлас. (Адиносар Иоанна 15:13, 14.)

УӶАНАМ МАЙ БУТ

Андэ кадэя ӷлава амэ подаса дума, саво сыно о Иисусо. И сар амэ можэм тэ сыкавас пэ дила, кай вся терас анда оди и кай любисарас.

4. О Иисусо любий пэстирэ Дадэс

Амэ можэм тэ сытювас лэ Иисусостар, сар во любияс лэ Дэвлэс. Адиносарам Луки 6:12 и Иоанна 15:10, 17:26 и посли кажно стихо подам дума пала вопросо, саво пистромэ май тэлэ.

Сар ту можэш кадя жэ, сар и о Иисусо, тэ сыкавэс лэ Иеговасти, кай любис лэс?

О Иисусо любияс пэстирэ небеснонэ Дадэс и часто мангэласпэ лэсти

5. О Иисусо любий лэ манушэн

О Иисусо май бут гиндояс пала мануша, чем пала пэстэ. Во поможыяс лэ манушэнди дажэ тоди, кала лэстэ сас фартэ бут дила или кала во сас цыено. Адиносарам Марка 6:30—44 и подам дума пала вопросоря, савэ май тэлэ.

Андар со дицол, кай о Иисусо заботияспэ пала мануша? (Диқам о стихо 31, 34, 41 и 42.)
Васо о Иисусо закамля тэ поможый лэ манушэнди? (Диқам о стихо 34.)
Через кода, кай о Иисусо фартэ шолпэ по пэско Дад, тоди со амэ уӷанас пала Иегова анда стихоря, пала савэ дас дума акана?
Сар амэ можэм тэ заботисавас пала мануша кадя жэ, сар о Иисусо?

6. О Иисусо вся терэлас анда оди

Хоть кай о Иисусо сас набут, но во делияспэ всаворэса, со лэстэ сас. И во сытярэл, кай амэ тожэ тэ дас аврэнди анда оди. Адиносарам Деяния 20:35 и подам дума пала вопросо, саво май тэлэ.

Со, сар ԥэндя о Иисусо, трэбуй манушэсти важ и бах?

Диқам о ВИДЕО и подам дума пала вопросо, саво посли видео.

ВИДЕО: «Май бари бах, кала дас» Набут анда видео (4:00)

Сар амэ можэм тэ делисавас аврэнца, если амэ найбарвалэ?

Ту ӷанглян?

Анда Библия амэ уӷанас, кай трэбуй тэ мангаспэ лэ Иеговасти через о Иисусо. (Адиносар Иоанна 16:23, 24.) Кала амэ мангаспэ через о Иисусо, кадэлэса сыкавас, кай полас, кай би лэско амэ на авелоп друӷоря лэ Иеговаса.

ТУТИ ВАРИКО МОЖЭТ ТЭ ԤЭНЭН: «Лэ Дэвлэсти най жы каринг амэндэ».

О Иисусо фартэ шолпэ по пэско Дад. Сар и дила, сави во терэлас, драго сыкавэл, кай о Иегова фартэ амэн любий?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о Иисусо любий лэ Иеговас и любий лэ манушэн. О Иисусо фартэ шолпэ по пэско Дад, важ када, сар амэ май драго уӷанас лэ Иисусос, амэ май драго уӷанас лэ Иеговас.