1. Через сави новость важ и христианоря андо Коринфо, лошайля о Павло?

 АНДО 55 БЭРШ н. э. о апостоло Павло сас андо портово форо Троада, но гиндояс во пала Коринфо. Май англал андэ кадэва жэ бэрш о Павло ля пэрэжывать, важ кода кай и ԥрала андо Коринфо на поладисардэ ек аврэса. О Павло пистросардя лэнди письмо, кай сар дад тэ дэл помощь лэнди (1 Кор. 1:11; 4:15). Кадяжэ во бишалдя каринг лэндэ пэстирэ амалэс лэ Титос. Акана о Павло фартэ лэс аштярэлас андэ Троада, кай во тэ росԥэнэн, со котэ андо Коринфо. Но, о Тито нэ смоӷ тэ авэл и о Павло ля фартэ пэрэжывать. Со трэбуй сас тэ терэл о апостоло? Во по кораблё поплыл андэ Македония, кай сас радо тэ диқэл лэ Титос. Во росԥэндя, кай и ԥрала андо Коринфо прилинэ лэ Павлоско совето и камлэ тэ диқэнпэ лэса. Кала о Павло ашундя кадэя райкани новость, во лошайля инке май фартэ (2 Кор. 2:12, 13; 7:5—9).

2. а) Со о Павло пистросардя лэ коринфянонэнди пала вера и радость? б) Савэ вопросоря амэ роздиқаса?

² Ӥто о Павло пистросардя лэ коринфянонэнди дуйто письмо. Во ԥэндя лэнди: «Мэ на ԥэнав кай амэ хулая пэ тумари вера, но амэ тумэнца терас ек дила, поможысарас, кай тумэндэ тэ авэл радость, важ кода кай тумэ тердён блаӷодаря кодэлэсти, кай тумэндэ исин вера» (2 Кор. 1:24). Со камля тэ ԥэнэн о Павло? И сар и христиански старейшыноря трэбуй тэ диқэн пэ кадэла алава адес?

3. а) Со камля тэ ԥэнэн о Павло, кала пистросардя: «тумэ тердён блаӷодаря кодэлэсти, кай тумэндэ исин вера»? б) Сар андэ амарэ деса и старейшыноря терэн, сар о Павло?

³ О Павло ԥэндя пала дуй важни маменторя анда кода сар амэ тэлювас лэ Дэвлэсти, када вера и радость. Во пистросардя: «Мэ на ԥэнав кай амэ хулая пэ тумари вера... важ кода кай тумэ тердён блаӷодаря кодэлэсти, кай тумэндэ исин вера». Кадэлэ алавэнца о Павло сыкадя, кай прижанэн, кай и ԥрала андо Коринфо виритярэн о ԥаримос важ кода кай патян лэ Дэвлэсти, ай най через лэстэ или авэр мануша. Важ када о Павло на лэласпэ тэ диқэл пала лэ ԥралэндири вера и на камэлас када тэ терэл. Во патялас, кай вонэ сас верни христианоря и камэнас тэ терэн правильно (2 Кор. 2:3). Андэ амарэ деса и старейшыноря терэн, сар о Павло, вонэ патян, кай лэ ԥралэндэ исин вера и кода, васо вонэ служын лэ Дэвлэсти (2 Фес. 3:4). Вонэ на стон жестки правила андэ собрании, ай диқэн пэ библейски принцыпоря и пэ руковоцтво лэ Иеговастиря арӷанизацыятар. Ведь и старейшыноря най хулая пэ лэ ԥралэндири вера (1 Пет. 5:2, 3).

4. а) Со камля тэ ԥэнэн о Павло, кала пистросардя: «Амэ тумэнца терас ек дила, поможысарас, кай тумэндэ тэ авэл радость»? б) Сар и старейшыноря андэ амарэ деса терэн кадя жэ, сар о Павло?

⁴ О Павло кадяжэ ԥэндя: «Амэ тумэнца терас ек дила, поможысарас, кай тумэндэ тэ авэл радость». Во када ԥэндя пала пэстэ и пала кодэла каса терэлас и дила. Васо амэ кадя гиндосарас? Андэ кодэва жэ письмо о Павло ԥэнэн лэ коринфянонэнди пала дуй пэстирэ амала, во пистросардя: «Амэ, то есть мэ о Силуано и о Тимофеё, проповедовали тумэнди» (2 Кор. 1:19). Кадяжэ, андэ всаворэ ҭана, кай андэ лэ Павлостирэ письморя тердёл о алав «амала» и дума всегда жал пала кодэла, ко дэлас помощь лэсти тэ росԥэнэн важ о Дэл, например, када о Аполлосо, о Акила и Приска, о Тимофеё, о Тито и авэр (Рим. 16:3, 21; 1 Кор. 3:6—9; 2 Кор. 8:23). Вижал, кала о Павло ԥэндя: «Амэ тумэнца терас ек дила, поможысарас, кай тумэндэ тэ авэл радость», во сыкадя лэ коринфянонэнди, кай во и лэстирэ помошникоря камэн тэ терэн вся, со моӷут, кай лэ ԥралэндэ и лэ ԥэяндэ андэ собрания тэ авэл радость. Адес и христиански старейшыноря, камэн тэ терэн кадя жэ. Вонэ камэн тэ терэн вся, со па лэнго зор, кай тэ дэн помощь пэстирэ ԥралэнди тэ служын лэ Иеговасти радостяса (Пс. 100:2; Флп. 1:25).

5. Атветоря пэ савэ вопросоря амэ роздиқаса и пала со амэнди трэбуй тэ погиндосарас?

⁵ Най дэлмут дэсавэ ԥралэнди и ԥэянди, савэ жувэн андэ разни страны, задинэ кацаво вопросо: «Сави дила и алава, савэ терэн и ԥэнэн и старейшыноря, анэн тумэнди радость?» Кала тумэ лэна тэ роздиқэн лэндирэ атветоря, сыстон лэн кодэлэса, со тумэ ԥэндоп. Кадяжэ давайте погиндосараса пала кода, со всаворэ амэ можэм тэ терас, кай тэ авэл радость андэ пэстири собрания *.

6, 7. а) Со и старейшыноря моӷут тэ терэн, сар о Иисусо, о Павло и авэр лэ дэвлэстирэ служытеля? б) Васо, сар амэ ақарас лэ ԥралэн и лэ ԥэян па алавэстэ, када анэн лэнди радость?

⁶ Бут амарэ ԥрала и ԥэя ԥэнэн, кай лэнди приятно, кала и старейшыноря шон сама лэн лично. И када сыкавэл, кай и старейшыноря терэн кадя, сар о Давидо, Елиуё и о Иисусо. (Адиносар 2 Самуила 9:6; Иов 33:1; Луки 19:5.) Кажно анда кадэла верни лэ Иеговастирэ служытеля сыкадэ, кай анда оди интересуюца ла манушэса, кала ԥэнэнас лэс па алавэстэ. О Павло тожэ полэлас, кай важно тэ на бистрас амарэ ԥралэн и ԥэян и тэ ԥэнас лэн па алавэстэ. Андо ек пэско письмо о Павло в концэ пэрэчислил май бут чем 25 ԥралэн и ԥэян, савэнди пэрэдэлас привето. Машкар лэндэ во ԥэндя и пала Персида: «Пэрэдэн привето амаря кучутня Персидати» (Рим. 16:3—15).

⁷ Дэсавэ старейшынонэнди най вушэро тэ запомнят, сар ақарэн лэ ԥралэн и лэ ԥэян. Но если вонэ терэн вся важ када, тоди кадя вонэ сыкавэн лэ ԥралэнди и лэ ԥэянди, кай фартэ цэнин лэн (Исх. 33:17). И ԥрала и ԥэя канешно ради, сар и старейшыноря ақарэн лэн па алавэстэ, кала дэн тэ ԥэнэн каминтариё пэ «Сторожэво» или пэ авэр встреча. (Сыстон Иоанна 10:3.)

8. Со о Павло терэлас, сар о Иегова и о Иисусо?

⁸ О Павло шолас сама лэ ԥралэн и лэ ԥэян, во хвалияс лэн анда оди, и када тожэ анэнас лэнди радость. Андо кодэва жэ письмо, андо саво во ԥэнэнас, кай тэ авэл жылания тэ терэн дила важ и радость лэ ԥралэнди и лэ ԥэянди, о Павло ԥэндя, кай абурой лэнца (2 Кор. 7:4). Кадэла алава фартэ подритярдэ лэ ԥралэн андо Коринфо. О Павло хвалияс кадяжэ и авэр собрания (Рим. 1:8; Флп. 1:3—5; 1 Фес. 1:8). Кала о Павло ԥэндя пала Персида андо письмо лэ римлянонэнди, во кадяжэ ԥэндя, кай вой тердя бут дила важ о Дэл (Рим. 16:12). Наверно кадэла ԥьяти сас фартэ приятно тэ ашунэн кацави похвала! Кала о Павло хвалияс аврэн, во терэлас сар о Иегова и о Иисусо. (Адиносар Марка 1:9—11; Иоанна 1:47; Отк. 2:2, 13, 19.)

9. Васо кала хвалин, када анэн радость андэ собрания?

⁹ И старейшыноря адес кадяжэ полэн пэ скати дэ важно тэ блаӷодарин лэ ԥралэн и лэ ԥэян (Прит. 3:27; 15:23). Кала о старейшына терэл када, во сыкавэл, кай диқэл лэндири дила. И кацавэ алава, савэ сыкавэн амари любовь, трэбуй всаворэнди андэ собрания. Ек ԥэй, савяти май бут чем 50 бэрш, ԥэндя: «Пэ бути ман ридко хвалин. Котэ мало, ко шол сама ек еқэс и кажно камэл тэ сыкавэл, кай во май лашо аврэндар. Важ када, кала и старейшыноря хвалин ман пала варисо, со мэ стердэм важ и собрания, када фартэ дэл зор и подритярэл! Тоди мэ чуствую, кай мэрно небесно Дад фартэ ман любий». Еқэ ԥралэстэ, саво екжэно барярэл дуе бэятонэн, сас кацаво жэ по ди. Найдэлмут о старейшына анда оди похвалисардя лэс. Сар када повлияло по ԥрал? Во ԥэнэн: «Лэстирэ алава фартэ ман подритярдэ!» Чаче, кала о старейшына хвалий анда оди, када дэл зор и радость лэ ԥралэнди и ԥэянди. Ай када дэл лэнди зор тэ жан май дур па кадэва дром и тэ на цыён (Ис. 40:31).

10, 11. а) Сар и старейшыноря моӷут тэ терэн, сар о Неемия? б) Со дэла помощь лэ старейшынонэнди тэ пэрэдэн о лашимос лэ Дэвлэстар, кала авэн тэ подритярэн лэ ԥралэн и лэ ԥэян?

¹⁰ Ай со особенно важно тэ терэн и старейшыноря, если вонэ камэн лично тэ шон сама лэ ԥралэн и тэ анэн май бут радость андэ собрания? Тэ интересуюца аврэнца, кай тэ дэн помощь кодэлэнди, кас трэбуй тэ подритярэн. (Адиносар Деяния 20:28.) Кала и старейшыноря терэн кадя, вонэ андярэн и дила, сави линэ тэ терэн и старейшыноря анда пурани время. Сэрэн, со стердя о верно старейшына Неемия, кала додиқля, кай дэко анда лэстирэ ԥрала евреёря ужэ на стонас по пэрво ҭан лэ Иеговас. Андэ Библия ԥэнэнпэ, кай во сразу жэ ущеля и подритярдя лэн алавэса (Неем. 4:14). Адес и старейшыноря камэн тэ терэн кадяжэ. Вонэ, можно тэ ԥэнэс, ущен, то есть пэрви шонпэ, кай тэ поможын лэ ԥралэнди и лэ ԥэянди, кай тэ авэл лэндэ састи вера. Важ када вонэ авэн цэрэ, кай ԥрала и ԥэя, сар када возможно. Кала вонэ авэн тэ подритярэн, вонэ камэн тэ пэрэдэн лэнди дэсаво лашимос лэ Дэвлэстар (Рим. 1:11). Со дэла помощь лэ старейшынонэнди тэ терэн када?

¹¹ Англа кода сар о старейшына тэ терэл пастырско, во трэбуй тэ погиндой пала мануш савэстэ жала. Саво кай кадэва мануш исин ԥаримос? Савэ гиндоря диноп лэсти или лати зор? Савэ стихоря или случаё поджылоп андэ лэстири или латири ситуацыя? Кацави подӷотовка дэла помощь лэ старейшынасти най кати тэ уӷанэн кай о мануш, сар лэстэ и дила, ай и тэ дэл дума кода, со дэла лэсти зор. Кала о старейшына авэл пэ пастырско, во внимательно ашунэл лэ манушэс и терэл вся, кай во тэ на лажал тэ дэл дума (Иак. 1:19). Ек ԥэй ԥэндя: «Кадя приятно, кала о старейшына ашунэл одеса» (Луки 8:18).

12. Кас андэ собрания трэбуй тэ подритярэн и васо?

¹² Кас трэбуй тэ авэн тэ подритярэн? О Павло ԥэнэнас лэ старейшынонэнди: «Диқэн... пала вся стадо». Канешно, всаворэнди андэ собрания трэбуй, кай лэн тэ подритярэн и тэ дэн зор, кадяжэ тэ на обжан лэ вазвещятелёнэн и лэ пианеронэн, савэ бут бэрша на парашэн тэ служын лэ Дэвлэсти. Васо лэн трэбуй тэ подритярэн и старейшыноря? Важ кода кай кадэла зоралэ ԥрала и ԥэя тожэ дэкала вимардён анда зор и пэр лэндэ тасавэл кадэя най лащи система. Кай тэ полас васо дэкала трэбуй тэ дас зор лэ ԥралэнди и ԥэянди, савэ састэ андэ вера, роздиқаса ек случаё анда жызня кай о царё Давидо.

13. а) Сави состояния сас кай о Давидо, кала Иесвиё камля лэс тэ умарэл? б) Васо о Авесса смоӷ тэ авэл тэ поможый лэ Давидости?

¹³ Прожыля найбут время, сар о тэрно Давидо сас помазано и акэ, во оказался англа Голиафо, во сас рефаимо и великано. О найдарано Давидо умардя лэс (1 Сам. 17:4, 48—51; 1 Лет. 20:5, 8). Па дэсавэ бэрша, кала о Давидо сас пэ война лэ филистимлянонэнца, о Давидо упалэ оказался англа великано. Лэс ақарэнас Иесвий, во кадяжэ сас анда рефаиморя (2 Сам. 21:16, сноска). Но кадэва разо о великано чуть на умардя лэ Давидос. Васо? Най важ кода кай о Давидо ля тэ дарал, ай важ кода, кай во вимарделя анда зор. Андэ Библия ԥэнэнпэ, кай о Давидо цыеля. Сар кати о Иесвий додиқля, кай о Давидо вимарделя анда зор, во закамля тэ умарэл лэ Давидос. Но андэ кадэва маменто, кала о великано вазгля о вас, кай тэ умарэл лэ Давидос, пашэля о Авесса лэ Саруияско шаво и умардя лэ филистимлянинос (2 Сам. 21:15—17). Лэ Давидостири жызня моӷла катэ тэ закончица! Сар наверно дэ радо сас о Давидо, кай о Авесса на змэкэлас пар лэстэ и яқа и ӥто авеля тэ дэл помощь, кала лэстири жызня моӷли тэ одлэн! Сости амэ можэм тэ сытювас анда кадэва случаё?

14. а) Сар амэ можэм тэ виритярас о ԥаримос, саво сар о Голиафо? б) Сар и старейшыноря дэн помощь аврэнди, кай лэндэ упалэ тэ авэл зор и радость? Росԥэн примеро.

¹⁴ Па вся и ԥув, сар лэ Иеговаско народо, амэ служысарас лэсти, хоть о Сатана и кодэла, ко пэ лэстири риг, терэн вся, кай амэ тэ парашас када тэ терас. Дэсавэндэ андар амэндэ сас ԥаримос, саво можно тэ сыстос лэ великаноса, но важ кода, кай амэ андэ вся патяс лэ Иеговасти, амэ виритярасас о ԥаримос, саво сар «о Голиафо». Но дэкала и постоянно борьба и, кай тасавэл кадэя система, када вимарэл анда зор. Кала амэ вимардювас анда зор, амэ можэм тэ на виритярас варисаво ԥаримос, саво андэ авэр время драго виритярдоп. Андэ кацавэ маменторя, дицол, кай кала и старейшыноря вовремя подритярэн, када можэт тэ дэл помощь упалэ тэ авэл зор и радость. Ек ԥэй пианерка, савяти варикай 65 бэрш, росԥэнэн: «Дэсави время палпалэ мандэ сас найдраго по ди. Мэ цыювавас кодэлэстар, кай росԥэнав важ о Дэл. Ек старейшына шутя сама, кай манди на хутилэл зор, и поджыля мандэ. Амэ драго розлям ек отрывко анда Библия. Мэ прилэм и советоря, савэ во манди дя и када поможысардя манди». Инке вой ԥэнэн: «Мэ фартэ блаӷодарно, кай кадэва ԥрал додиқля мэрни состояния и подритярдя ман!» Сар дэ приятно тэ ӷанэс, кай исин старейшыноря, савэ диқэн пала амэндэ и, сар о Авесса ӷотови тэ авэн тэ дэн помощь.

15, 16. а) Васо лэ Павлос фартэ любинас и ԥрала и ԥэя? б) Васо амэ любисарас амарэ старейшынонэн андэ собрания?

¹⁵ И старейшыноря стон бут зор. Дэкала вонэ на совэн рятянца, пэрэжывают и мангэнпэ пала лэ Дэвлэско народо или кала дэн помощь, сар старейшыноря лэ ԥралэнди и лэ ԥэянди (2 Кор. 11:27, 28). Дажэ, кала кай и старейшыноря кацаво ԥаримос, вонэ всаек терэн вся и дила, сави кай и старейшыноря и лошаса, сар о Павло. Во пистросардя лэ коринфянонэнди: «Мэ жэ с радость отдава вся, и дажэ корко пэс важ тумэндэ» (2 Кор. 12:15). Через и любовь каринг и ԥрала о Павло столас вся пэско зор, кай тэ подритярэл лэн. (Адиносар 2 Коринфянам 2:4; Флп. 2:17; 1 Фес. 2:8.) Нэудивительно, кай и ԥрала фартэ любинас лэ Павлос! (Деян. 20:31—38).

¹⁶ Амэ, сар лэ Дэвлэстирэ служытеля, тожэ любисарас амарэ старейшынонэн, савэ диқэн пала амэндэ, и блаӷодарисарас пала лэндэ лэ Иеговас андэ молитвы. Амэ ашас инке май радосни, кала вонэ шон сама амэн лично. Амэнди дэл зор, кала вонэ авэн амэн тэ подритярэн. И амэ блаӷодарни важ кода, кай вонэ ӷотови тэ дэн помощь, кала амэнди ԥарэс тэ виритярас, кай пар мэндэ тасавэл кадэя система. Чаче кацавэ внимательни христиански старейшыноря анэн амэнди радость.