Kana o Shamuel shavoro sas, kaj e sunto cerha beshlas thaj solgalias. Le manusha anda kodo geline kaj o sunto cerha, te rudyin le Jehovas. De sostar sas o Shamuel kaj o sunto cerha? Pinzhar anglunes le Shamueleske da. Voj sas e Anna.

Zurales kamlas te avel la shavoro, de butaig chi rakhadyilas la. Anda kodi butivar rudyindas karing o Jehova, te zhutil lake. Colax das le Jehovaske, te rakhadyol la shavoro, te ingrel les kaj o sunto cerha, kothe te trajil, thaj te solgalil. O Jehova shundas lako rudyimo, thaj shavoro kerdyilas la Anna. Voj sas o Shamuel. Kana o Shamuel trine vaj shtare bershengo sas, e Anna ingerdas les kaj o sunto cerha, te solgalil le Jehovas.

O Eli sas o baro rashaj kaj o sunto cerha. Vi leske duj shave kothe solgalinas, sar rashaja. Gindin palpale, ke o sunto cerha le Devlesko kher sas. Sakon kodo gindisarde, ke kathe feri lashe manusha si. Le Elieske shave but nasulipo kerde. O Shamuel dikhlas kadi. Vi o Shamuel kade kerdas, sar le Elieske shave? (. . .) Na. Voj lasho kerdas, sar leski dej thaj lesko dad sityarde leske.

So gindines, le Elieske trubundas te marel peske shaven? (. . .) Trubundo te marel len. O Eli muklas lenge te solgalin ande Devlesko kher. Kadi bari bezex sas. Anda kado o Jehova xolyajlas pe lende. O Jehova mardas len.

Varisavi ratyi, kana o Shamuel sutas, vorba shundas: „Shamuel!” Kodo gindisardas, o Eli akharel les, anda kado nashlas leste. De o Eli kadi phendas: „Me chi akhardom tut.” Kadi duvar pecisardas. Pala trito o Eli kodo phendas leske, pale te shunel e vorba, kadi te phenel: „Mangav tut Jehova, de man vorba, shunav.” O Shamuel vi kade kerdas. Pala kado o Jehova kadi phendas le Shamueleske: „Phen le Elieske, marav leske családos, ke nasul kerde.” So gindines, le Shamueleske pharo sas te phenel le Elieske?  (. . .) Sar te na. O Shamuel darajlas, de kodo kerdas, so o Jehova phendas leske. Na butara sakofelo kade pecisardas, sar o Jehova phendas. Le Elieske duj shaves mudarde, thaj vi o Eli mulas.

O Shamuel lashi pelda si amenge. O Eli thaj leske shave nasul kerde, de o Shamuel vi atunchi lasho kerdas. So si tusa? Kasavo aves sar o Shamuel, thaj lasho keres? Kade te keresa, tyiro dad thaj tyire dej boldoga avena. Vi o Jehova losshal.