SIKAIMOS 02

E Biblia del amen vareso te azhukeras

THO

Pe sa e lumia si but bedi ai pala godo le manush nekezhin, jan kino ai dukh. Aliardian tu gadia ka iek data? Shai avela ke dukhado lo ko ilo pala iek nasualimos vai jaisailo varekon kai kames zurales ai pushes tu: si te lashavol sa kako? So mothol e Biblia pa godo del amen pacha.

1. So del amen e Biblia te azhukeras pe mai angle?

E Biblia sikavel amenge sostar si but kino pe sa e lumia ai del amen lashe viesti. Phenel amenge ke le bedi si pe tsirha vriama ai ke chi mai si te aven. So mothol e Biblia shai del tu lashe giesa te azhukeres pe mai angle (chito Jeremías 29:11, 12). Godo kai shinavel azhutil amen te avas zurale angla le bedi ai te dikhas o traio lashe iakhentsa, ai sikavel amenge chachimasa ke si te avas barikane siempre.

2. Sar phenel e Biblia ke si te avel o traio mai angle?

E Biblia phenel ke mai angle “e martia chi mai avela, ai chi mai avela nekazo chi roimos ai chi dukh” (chito Apocalipsis 21:4, NWT). Le prame chorhe sar o nasualimos, kana nai amen so trobul amen te trais, so nai vorta ai e martia chi mai si te aven. E Biblia shinavel ke sa le manush si te train siempre veselime ande iek Paraiso pe Phuv.

3. So si te azhutil tu te pakias ande so shinavel e Biblia?

But manush azhukeren te lashavon sa le dieli numa chi zhanen te avela si te kerdiol. Numa shai pakias amen chachimasa andel prame kai shinavel e Biblia te avela las sama mishto so phenel (Le Apostolengo 17:11). Te mai sikiosa shai alosares te avela pakias ande so mothol e Biblia pe mai angle.

TE MAI SIKIOS

Aida dikhas uni dieli kai shinavel amenge e Biblia pe mai angle ai sar gata azhutin avren zhenen.

4. E Biblia shinavel amenge ke si te trais siempre ande iek lashi lumia

Dikhta gadala prame kai shinavel e Biblia. Savi plachal tu mai? Sostar?

Chiton le texturia la Bibliake kai si tele ai den duma pa:

Pakias tu ke gadala texturia den amen vareso lasho te azhukeras? Gindi tu, shai azhutin ka kire niamuria ai amiguria?

Dikhes tu ande iek lumia gadia?

KHONIK...	SA LE MANUSH...
... chi si te avel po kino, chi si te phuriol ai chi si te merel (Isaías 25:8).	... si te dikhen kana zhuvindina pe Phuv le manush kai kamen (Juan 5:28, 29, NWT).
... chi mai si te nasuavol (Isaías 33:24; 35:5, 6).	... si te aven zurale ai saste sar le terne (Job 33:25).
... chi si te nekezhil pala vareso kai nai vorta (Isaías 32:16, 17).	... si te aven len but jabe, iek shukar kher ai iek lashi buki te keren (Salmo 72:16; Isaías 65:21, 22).
... chi si te avel po kino pala o mundarimos (Salmo 46:9).	... si te train ande pacha (Salmo 37:11).
... chi si te avel dukhado pala peske ginduria vai pala prame kai traisardias (Isaías 65:17).	... si te train siempre ande iek lashi lumia (Salmo 37:29).

5. So del amen e Biblia te azhukeras del amen iek traio mai lasho

But manush joliariko le vai peraven penge vast pala le bedi kai si ande lumia. Aver zhene keren so avela te lasharen le dieli kai nai vorta. Dikh sar azhutil le manushen so shinavel e Biblia pa le lashe prame kai si te aven. Dikhen o VIDEO ai den duma pa:

VIDEO: Kamavas te lasharau so nai vorta (4:07)

Pa so mothol e Rafika ando video, savi briga sas la?
Sar azhutisardias e Biblia ka e Rafika makar le dieli kai nai vorta chi lashaile?

So del amen e Biblia te azhukeras azhutil amen te na peravas le vast ai te dikhas o traio lashe iakhentsa makar si amen bedi. Chiton Proverbios 17:22 ai Romanos 12:12 [NWT] ai den duma pa: