SIKAIMOS 15
Kon si o Jesus?
O Jesus si iek andal manush mai prinzharde anda e lumia. Makar ashunde pa lesko anau, tsirha manush prinzharen les mishto ai aver zhene gindin but dieli pa leste. Numa, so sikavel e Biblia? Kon si o Jesus chachimasa?
1. Kon si o Jesus?
O Jesus si iek dujo zuralo kai beshel ando cheri. O Jehova kerdias les les mai anglal te kerel sa le kolaver dieli. Pala godia phenelpe pa leste ke si “o pervo” katar sa le dieli kai sas kerde (Kolosiana 1:15). E Biblia phenel ke o Jehova korkorho kerdias “peske ieke shaves” peske vastentsa (Iovano 3:16). O Jesus kerdias buki pasha pesko Dat, o Jehova, te azhutil les te kerel sa le kolaver prame (chito Proverbios 8:30). Zhi agies le dui pashe le iek avrestar. O Jesus ningerel chachimasa le suaturia kai aven katar o Del, pala godo e Biblia akharel les “E Vorba” (Iovano 1:14).
2. Sostar avilo o Jesus pe Phuv?
De uni 2.000 borsh palpale, mashkar o sunto dujo o Jehova kerdias iek milagro: thodias ka o Jesus, iek angel zuralo kai sas ando cheri, sar iek glata ando gi katar iek shei bari kai busholaspe Maria. Pala godia, o Jesus arakhadilo sar iek manush (chito Lucas 1:34, 35, NWT). Vo avilo pe Phuv te avel o Kristo, o Mesias shinado, ai te skepil le manushen. a Sa le profesii la Bibliake kai den duma pa o Mesias kerdile chache ande leste. Pala sa gado le manush shai denas po gor ke vo sas “O Kristo, O Shau le Devlesko [katar] O Del o zhuvindo” (Mate 16:16).
3. Kai si o Jesus agies?
Polme te merel o Jesus sar iek manush, o Del zhuvindisardias les sar iek dujo ai pale gelo ando cheri. Kotse o Del vazdias les ande iek rig mai opre (Filipiana 2:9). Akana o Jesus si iek angel defial zuralo; numa o Jehova si mai zuralo lestar.
TE MAI SIKIOS
Aida dikhas uni prame kai sikaven kon si o Jesus chachimasa ai sostar si iek bari prama te prinzharas les.
4. O Jesus nai o Del kai si les sa e zor
Makar akana o Jesus si iek angel zuralo ando cheri, e Biblia phenel ke vo pakial o mui katar o Jehova, ke vo si lesko Del ai Dat. Sostar phenas kako? Dikhen o VIDEO ai len sama so sikavel e Biblia pa o Jesus ai pa o Del kai si les sa e zor.
Le texturia kai si mai tele azhutin amen te aliaras sostar o Jehova ai o Jesus nai iek fialo. Chiton suako texto ai den duma pa:
Chiton Lucas 1:30-32 [NWT].
-
Pa so phendias o angel, sar zhanas ke o Jesus nai iek fialo katar o Jehova, o mai Baro?
Chiton Mateo 3:16, 17 [NWT].
-
So phendias o glaso de anda o cheri kana boldilo o Jesus?
-
Lian sama kasko glaso sas godo?
Chiton Juan 14:28 [NWT].
-
Kon si mai baro: iek dat vai iek shau?
-
So kamlias te phenel o Jesus kana akhardias ka o Jehova “Dat”?
Chiton Juan 12:49 [NWT].
-
Gindilas o Jesus ke vo ai lesko Dat sas iek fialo? So gindis tu?
5. O Jesus sas o Mesias
Ande Biblia si but profesii kai sas te azhutin le manushen te zhanen kon si o Mesias, godo kai o Jehova alosardias te skepil sa le manushen. Dikhen o VIDEO, te zhanen uni andal profesii kai kerdile chache ando Jesus kana sas pe Phuv.
Chiton kakala profesii la Bibliake ai den duma pa:
Chiton Miqueas 5:2 te zhanes kai sas te arakhadiol o Mesias. b
-
Kerdili chachi kacha profesia kana arakhadilo o Jesus? (Mate 2:1).
Chiton Salmo 34:20 ai Zacarías 12:10 te dikhen uni prame kai sas te kerdion chache kana o Mesias merela.
-
Kerdile chache kakala profesii? (Iovano 19:33-37).
-
Kerdias o Jesus de anume le prame te kerdion chache uni anda kakala profesii?
-
So sikavel tu sa kako pa o Jesus?
6. Las mishtimos kana prinzharas le Jesusos
E Biblia sikavel sode de baro si, te sikios pa o Jesus ai pa e buki kai o Del dias les. Chiton Juan 14:6 ai 17:3 [NWT], ai den duma pa:
-
Sostar trobul amen chachimasa te mai zhanas pa o Jesus?
O Jesus puterdias o drom te shai avas amiguria le Devleske ai sikadias o chachimos. Ai vi pala leste shai las o traio kai chi mai getolpe.
UNI MANUSH PHENEN: “Le marturia le Jehovaske chi pakian ando Jesukristo”.
-
So shai phenes lenge pa kako?
SO DIKHLIAM
O Jesus si iek dujo zuralo, o Shau le Devlesko ai o Mesias.
So sas te mothos?
-
Sostar phenelpe pa o Jesus ke si “o pervo” katar sa le kolaver dieli kai kerdias o Del?
-
So kerelas o Jesus mai anglal te avel pe Phuv?
-
Sar zhanas ke o Jesus si o Mesias?
SHAI DIKHES VARESO MAI
Shai prinzhares mai prame kai sikaven ke o Jesus si o Mesias.
“Sikaven le profesii la Bibliake ke o Jesus sas o Mesias?” (Artikulo anda jw.org)
Dikhta sostar e Biblia phenel ke o Jesus si o Shau le Devlesko.
“Sostar phenelpe ke o Jesus si o Shau le Devlesko?” (Artikulo anda jw.org)
Dikhta sostar e Biblia sikavel ke o Del, o Shau ai o sunto dujo nai iek.
Chito sar parhudilo o traio katar iek zhuvli polme te sikiol so phenel e Biblia pa o Jesus.
a Ando sikaimos 26 ai o 27 motholpe sostar le manush trobun len o skepimos ai sar skepil amen o Jesus.
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
