SIKAIMOS 04
Kon si o Del?
E historia sikavel ke de dumut le manush luvudin ka but dela, numa e Biblia del duma pa iek Del kai si mai baro katar fersavo del (2 Crónicas 2:5). Numa, kon si? Ai sostar si mai baro katar sa le kolaver dela? Sikio ande kako sikaimos so kamel o Del te zhanes lestar.
1. Savo si o anau le Devlesko, ai sar zhanas ke vo kamel te prinzharas lesko anau?
Ande Biblia, o Del phenel amenge kon si. Vo phenel: “Me sim o Jehova. Godo si murho anau” (chito Isaías 42:5, 8). Jehova avel katar iek anau hebreo. But manush kai zhanen pa kako, mothon ke godo anau kamel te phenel “vo kerel te kerdiol”. O Jehova kamel te prinzharas lesko anau (Éxodo 3:15). Sar zhanas godo? Ke vo kamlias te avel pesko anau mai but de 7.000 dati ande Biblia a. Jehova si o anau katar “o Del o chacho opre ando cheri ai tele pe phuv” (Deuteronomio 4:39).
2. So phenel amenge e Biblia pa o Jehova?
Ande Biblia phenelpe ke makar le manush luvudin ka but dela, numa o Jehova si o Del o chacho. Sostar? Ke numa leste si sa e voia, vo si “o mai Baro pe sa e phuv” (chito Salmo 83:18). Vo si o mai zuralo, godo kamel te phenel ke leste si sa e zor te kerel so vo kamel. Vo si kai kerdias “swako fielo”: sa so si ando cheri ai sa so si pe phuv (Sicharimos [Apokalipsis] 4:8, 11). Ai numa o Jehova siempre sas ai siempre si te avel (Salmo 90:2).
TE MAI SIKIOS
Sar ka o Del si les iek anau kai numa si lesko, aida dikhas sostar nai iek fialo sar akharen le manush le Devles de sar godo anau. Ai si te sikiuas sar sikavel amenge pesko anau ai sostar kamel te prinzharas les.
3. Ka o Del si les numa iek anau
Te dikhes sostar nai iek fialo sar akharen iekhe manushes ai lesko anau, dikhen o VIDEO ai den duma pa:
-
Sostar nai iek fialo te akharas le Devles gazda vai Devla de sar te akharas les pe lesko anau?
E Biblia phenel ke le zhene luvudin ka but manush ai ka but dela. Chiton Salmo 136:1-3 ai den duma pa:
-
Kon si “o Del le devlengo” ai “o Gazda le gazdengo”?
4. O Jehova kamel te prinzhares lesko anau ai te mothos les
Sar zhanas ke o Jehova kamel te prinzhares lesko anau? Dikhen o VIDEO ai den duma pa:
-
Sostar pakias tu ke o Jehova kamel te prinzharen savorhe lesko anau?
O Jehova kamel te akharen les le manush pe lesko anau. Chiton Romanos 10:13 [NWT] ai den duma pa:
-
Sostar si bari prama te akharas ka o Jehova pe lesko anau?
-
Sar aliares tu kana varekon akharel tu pe kiro anau?
-
So gindis tu, sar aliarelpe o Jehova kana akhares les pe lesko anau?
5. O Jehova kamel te aves lesko amigo
Iek zhuvli kai bushelpe Soten, anda o Camboya, phendias ke kana prinzharas o anau le Devlesko godia si e prama mai bari kai shai avel amen ande amaro traio. Dikhen o VIDEO ai den duma pa:
-
Pa so dikhlian ando video, sar azhutisardias kai Soten te prinzharel o anau le Devlesko?
Kana kamas te avas amiguria varekastar, e pervo diela kai kamas te zhanas si sar bushelpe. Chiton Santiago 4:8a [NWT] ai den duma pa:
-
So sas te plachal ka o Jehova te keres?
-
Te prinzharesa ai te mothosa o anau le Devlesko shai azhutil tu te pashos leste? Sostar?
UNI MANUSH PHENEN: “Numa si iek Del, shai akharas les sar kamasa”.
-
Pakias tu ke Jehova si o anau le Devlesko?
-
Sar sas te sikaves avrenge ke o Del kamel te mothas lesko anau?
SO DIKHLIAM
Jehova si o anau katar o Del o chacho. Vo kamel te prinzharas ai te mothas lesko anau te shai avas leske amiguria.
So sas te mothos?
-
Sostar nai iek fialo o Jehova katar sa le kolaver dela?
-
Sostar trobus te mothas o anau le Devlesko?
-
Kamel o Jehova te aves lesko amigo? Sar zhanes godo?
SHAI DIKHES VARESO MAI
Dikh 5 prame kai sikaven ke si iek Del.
Dikhta pala soste shai pakias ke siempre sas iek Del.
“Kon kerdias le Devles?” (La Atalaya, 1 anda o agosto, 2014)
Dikhta sostar trobus te mothas o anau le Devlesko makar chi zhanasa sar motholaspe ande shib hebrea.
Si bari diela sar akharas le Devles? Dikhta sostar phenas ke ka o Del si numa iek anau.
a Ando apéndice A4 katar La Biblia. Traducción del Nuevo Mundo mai si te zhanes so kamel te phenel o anau le Devlesko ai pala soste ande uni Bibli ankalade godo anau.
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
