1. O Dewel hi m’o bakrengro;

glan hoi te darap kanna?

Ap leskre bakre dikell lo bud,

job ma bistrell jek mendar.

Me lestar lau latcho pani,

m’o djipen lell newi soor.

Peskro tchatcho drom job tsikrell mange,

o lab lestar hi gar dur.

O tchatcho drom job tsikrell mange,

o lab lestar hi gar dur.

2. Man hi kek traash, te hi ninna

trul mande o tamlepen.

Pash mande miro bakrengro hi,

hum tel leskro barepen.

O djet makkell lo ap mande,

mukell man gar te trushell.

Un pash leste me an o kher djiwau,

o gamlepen lestar well.

Pash leste me an o kher djiwau,

o gamlepen lestar well.

 3. Sharau tut, miro bakrengro;

tsikreh man t’o gamlepen.

O latcho lab, tu hal menge koi,

penau ninna i wawren.

Hoi tu peneh, kowa krau me,

ap tiro drom me atchau.

Kai an mande hi sawi bari bacht:

An tiro dji me nai wau.

An mande hi sawi bari bacht:

An tiro dji me nai wau.