“I muhle djinenna tchi” (Ketenepaskro 9:5, NWT)

Hoi well pal o merepen?

• Gilja 146:3, 4; Ketenepaskro 9:6, 10

  Kola, gai muhlo hin, dikenn, shunenn un haiwenn buda tchi.

• Johanni 11:11-14

  O Jesus penas, te hi jek muhlo, hi kowa jaake, ha te sowell lo.

“Ko rukh, gai della gosewepen, hoi hi latcho un hoi hi tchilatcho, kolestar te chas tu gar. Te chah kolestar, mereh” (1. Mose 2:17)

Hoske merah?

• 1. Mose 3:1-6

  Hoi o beng ap i Ewate penas, his chochepen. Ha o Adam un i Ewa gar shunan, lan jon i doosh pral pende. Jon hunte meran.

• 1. Mose 3:19

  Ha o Adam meras, djiwas tchi lestar dureda.

• Remarja 5:12

  I doosh hi jaake, ha i nasslepen, hoi an jekeskre gene dren hi. Ap hakeneste hi i doosh. Doleske merah.

• 1. Korintarja 15:26

  I bibla penella, o merepen hi jaake ha i tchilatcho.

“‘Me djinau,’ penas li, ‘gai job i muhlendar pre stella ap ko palstuno diwes, gai hake mule pre stenna’” (Johanni 11:24)

Ha lell o tchatchepen pral o merepen mari traash glan kowa, hoi wawarendar pral o merepen pendes wella?

• 1. Johanni 4:8

  Ko patsepen, gai dell i bengeskri jaag, dukell i Jehowes an peskri dji. Job ma tchiwals sawi bibacht ap i manushende.

• Debleskro tsiro 4:11

  Bud traashenn glan i muhle, doleske sharenn le len. O Jehowah kokeres hi o tchatcho Dewel un mer hunte sharess les kokeres, kek wawares.