Μπορίνενα τι γνωρίνεν λατσσές ι Ντεβλές άμα σικλιόνα λέσκε ντα άμα κερένα πράγματα για τι αβέλ λέσκο γκι. O Ντεβέλ σοράν «κα αβέλ πασέ τουμέντε». (Ιακώβου 4:8) Η Γραφή βακερέλα αμένγκε ότι «βοβ νανέ ντουρ αμένταρ».—Πράξεις 17:27.

•  Σο τι κερέν για τι γνωρίνεν ι Ντεβλές

•  Χουχαΐματα σο βακερένα ι Ντεβλέσκε

 Τι διαβάνεν ι Γραφή

•  Σο βακερέλα η Γραφή: «Ο άγιος πνεύμας ι Ντεβλέσκο βοηθιντάς τι γραφίντιβελ σαρί η Γραφή».—2 Τιμόθεο 3:16.

•  Σο μανγκέλα τι βακερέλ: Ο Ντεβέλ ισί Οντουβά σο ντινάς πο πνεύμας για τι γραφίντιβελ σαρί η Γραφή. Τσσουντάς πο σκέψεις κι γκοντί οντουλένγκι σο γραφίνενας ι Γραφή. Αντράλ ανταλέ μπουτ σημαντικέ βιβλιόσταρ, ο Ντεβέλ σικαντάς σο μανγκέλα τι κερέλ αμένγκε. Σικαντάς επίσης σαρ ισί λέσκο χαρακτήρας, ότι τθερέλα αγάπη, δικαιοσύνη ντα ότι συγχωρίνελα.—Έξοδος 34:6· Δευτερονόμιο 32:4.

•  Σο μπορίνενα τι κερέν: Τι διαβάνεν ι Γραφή κάθε ντιβές. (Ιησούς του Ναυή 1:8) Τι σκεφτίνεν οντουλά σο διαβάνενα ντα τι πουτσέν τουμαρό νεαυτός: “Σο σικλιαρέλα-μαν ανταβά για το χαρακτήρας ι Ντεβλέσκο;”—Ψαλμός 77:12.

   Για παράδειγμας, διαβάνεν ο εδάφιος Ιερεμίας 29:11 ντα πουτσέν τουμαρό νεαυτός: “Σο μανγκέλα ο Ντεβέλ μάνγκε—τι τθεράβ ειρήνη ή τι αβέλ μάνγκε ζιάνι; Ισί Ντεβέλ σο λέλα εκδίκηση ή μανγκέλα τι τθεράβ εκ λατσσό μέλλον;”

 Τι ντικχέν οντουλά σο κερντάς ο Ντεβέλ

•  Σο βακερέλα η Γραφή: Ο «ιδιότητες [ι Ντεβλέσκε] σο ναστί ντικχάσα-λεν . . . σικάντιβενα καθαρά από αζομάν σο κερντάς ι πφουβ ντα σοράν, επειδή αγαβάσα-λεν οντουλένταρ σο κερντάς».—Ρωμαίους 1:20.

•  Σο μανγκέλα τι βακερέλ: Σαρ εκ σουκάρ πίνακας σικαβέλα μπουτ πράγματα ι τζενέσκε σο κερντάς-λες ή καζόμ τσσινέλα η γκοντί εκχέ τζενέσκι σο κερντάς εκ μπουτ δύσκολος μηχάνημας, αντικάς ο πράγματα-ντα σο κερντάς ο Ντεβέλ σικαβένα σαρ ισί λέσκο χαρακτήρας. Φιρειπείν, ο τρόπος σο ισί κερντί η γκοντί ι τζενέσκι σικαβέλα ι σοφία ι Ντεβλέσκι ενώ η μπαρί ζορ ι κχαμέσκι ντα ο γιαβερά τσεργανιά σικαβένα Λέσκι ζορ.—Ψαλμός 104:24· Ησαΐας 40:26.

•  Σο μπορίνενα τι κερέν: Μπεσέν τι ντικχέν ντα τι σικλιόν ο μπουτ σουκάρ πράγματα σο ισί οπράλ κι πφουβ. Καζόμ κα κερέν-λες ανταβά πουτσέν-τουμέν: “Σο αγαβάβα ι Ντεβλέσκε αντράλ κατά μπουτ σουκάρ πράγματα σο υπαρχίντιβενα κι φύση;” a Όμως, η φύση να μπορίνελα τι βακερέλ αμένγκε τα πάντα Οντουλέσκε σο κερντάς-λεν σαρέ. Άκ’ σόσκε ο Ντεβέλ ντινάς-αμέν ι Γραφή.

 Τι χρησιμοποιήνεν ο ναβ ι Ντεβλέσκο

•  Σο βακερέλα η Γραφή: «Κα αρακχαβάβ-λες επειδή τζανέλα μο ναβ. Κα ντελ-μαν βίκος, ντα με κα απαντίναβ λέσκε».—Ψαλμός 91:14, 15.

•  Σο μανγκέλα τι βακερέλ: Ο Ντεβέλ, σο βακερένα λέσκε Ιεχωβά, ντέλα μπαρί σημασία οντουλέντε σο τζανένα λέσκο ναβ ντα χρησιμοποιήνενα-λες με σεβασμός. b (Ψαλμός 83:18· Μαλαχίας 3:16) Ο Ντεβέλ βακερέλα αμένγκε καβά ισί λέσκο ναβ: «Με ισινόμ ο Ιεχωβά. Ανταβά ισί μο ναβ».—Ησαΐας 42:8.

•  Σο μπορίνενα τι κερέν: Τι χρησιμοποιήνεν ο ναβ ι Ιεχωβάσκο κάνα κερένα λέσαρ λάφι.

 Τι κερέν λάφι ι Ιεχωβάσαρ αντράλ κατά προσευχή

•  Σο βακερέλα η Γραφή: «Ο Ιεχωβά ισί πασέ σαρέ οντουλέντε σο ρόντενα λέσκε».—Ψαλμός 145:18.

•  Σο μανγκέλα τι βακερέλ: Ο Ιεχωβά αβέλα πασέ οντουλέντε σο προσευχίντιβενα λέστε με πίστη. Η προσευχή ισί εκ τρόπος για τι ντας λατρεία ντα σικαβέλα ο μπαρό σεβασμός σο τθεράσα ι Ντεβλέσκε.

•  Σο μπορίνενα τι κερέν: Τι κερέν μπουτ φαρ προσευχή κο Ντεβέλ. (1 Θεσσαλονικείς 5:17) Τι βακερέν οντουλά σο τθερένα τουμαρέ γκίστε ντα σαρ αισθάντιβενα.—Ψαλμός 62:8. c

 Τι μπαριαρέν τουμαρί πίστη κο Ντεβέλ

•  Σο βακερέλα η Γραφή: «Χωρίς πίστη να αβέλα-πες εκ τζενό τι κερέλ ι Ντεβλέσκο γκι».—Εβραίους 11:6.

•  Σο μανγκέλα τι βακερέλ: Για τι τζας πασέ κο Ντεβέλ, πρέπει τι τθεράς πίστη λέστε. Σαρ βακερέλα η Αγία Γραφή, να ερεσέλα σάντε τι πακιάλ κάποιος ότι ο Ντεβέλ υπαρχίντιβελα. Μανγκέλα τι βακερέλ επίσης τι ντελ-λες σαρί πι μπέσα, ντα σίγουρα τι πακιάλ λέσκε υποσχέσεις ντα λέσκε κανόνες. Η εμπιστοσύνη ισί μπουτ σημαντική αντρέ κι φιλία.

•  Σο μπορίνενα τι κερέν: Η αληθινή πίστη βασίντιβελα κο πράγματα σο σικλιάσα. (Ρωμαίους 10:17) Οτθάρ, διαβάνεν ι Γραφή ντα σικαβέν τουμαρέ νεαυτόσκε ότι μπορίνενα τι ντεν μπέσα κο Ντεβέλ ντα λέσκε λαφίντε. Ο Μάρτυρες ι Ιεχωβάσκε κα χαιρίνεν μπουτ τι διαβάνεν ι Γραφή τουμέντζαρ. d

 Τι κερέν οντουβά σο ντέλα χαρά ι Ντεβλές

•  Σο βακερέλα η Γραφή: «Αντικάς σικαβάσα αμαρί αγάπη κο Ντεβέλ: τι κεράς λέσκε εντολές».—1 Ιωάννη 5:3.

•  Σο μανγκέλα τι βακερέλ: Ο Ιεχωβά ισί πασέ οντουλέντε σο σικαβένα πουμαρί αγάπη λέσκε ντα ντένα καν λέσκε εντολέντε.

•  Σο μπορίνενα τι κερέν: Καζόμ διαβάνενα ι Γραφή, τι ντικχέν σο μπεϊντίνελα ο Ντεβέλ ντα σο να μπεϊντίνελα. Πουτσέν-τουμέν: “Σο αλλαγές μπορίναβα τι κεράβ για τι ανάβ χαρά κι Ντεβλέσκο γκι;”—1 Θεσσαλονικείς 4:1.

 Κερέν τουμαρέ ζωγιάτε ι Ντεβλέσκε συμβουλές ντα αντικάς κα νιωθίνεν λέσκι αγάπη

•  Σο βακερέλα η Γραφή: «Δοκιμάνεν ντα ντικχέν ότι ο Ιεχωβά ισί λατσσό».—Ψαλμός 34:8.

•  Σο μανγκέλα τι βακερέλ: Ο Ντεβέλ βακερέλα τουμένγκε τι ντικχέν κορκορέ τουμαρέ γιακχίντζαρ καζόμ λατσσό ισί. Κάνα κα νιωθίνεν λέσκι αγάπη ντα λέσκι βοήθεια, κα μανγκέν τι τζαν πασέ λέστε.

•  Σο μπορίνενα τι κερέν: Καζόμ διαβάνενα ι Γραφή, τι κερέν ο συμβουλές ι Ντεβλέσκε ντα αντικάς κα αγαβέν καζόμ λατσσέ ισί. (Ησαΐας 48:17, 18) Επίσης τι ντικχέν παραδείγματα τζενένγκε αμαρέ ντιβεσένταρ σο, ι Ντεβλέσκε βοηθειάσαρ, νακχαντέ δυσκολίες, κερντέ πιο λατσσί πουμαρί ζωή ντα ι ζωή πουμαρέ φαμιλιάκι ντα αβιλέ μπαγιά ευτυχισμέ. e

 Χουχαϊπέ: Ο Ντεβέλ ισί παράξενος—ναστί γνωρίνασα-λες.

 Αλήθεια: Ισί δύσκολος τι αγαβάς μερικά πράγματα ι Ντεβλέσκε, σαρ για παράδειγμας ότι ισί Πνεύμας σο ναστί ντικχάσα. Όμως, μπορίνασα τι γνωρίνας-λες. Μάλιστα, η Γραφή βακερέλα ότι, άμα μανγκάσα τι τζουβντιάς για πάντα, πρέπει τι γνωρίνας-λες. (Ιωάννης 17:3) Η Γραφή τθερέλα λάφια σο βοηθίνενα-αμέν τι γνωρίνας αμαρέ Ντεβλές σο κερντάς-λεν σαρέ, για παράδειγμας σικαβέλα αμένγκε σο χαρακτήρας τθερέλα, λέσκο σκοπός ι τζενένγκε ντα ι πφουβιάκε ντα επίσης σικαβέλα αμένγκε λέσκε κανόνες-ντα. (Ησαΐας 45:18, 19· 1 Τιμόθεο 2:4) Ντα σαρ ντικχλάμ, η Γραφή βακερέλα καβά ισί ο ναβ ι Ντεβλέσκο. (Ψαλμός 83:18) Αντικάς, όχι σάντε μπορίνασα τι γνωρίνας ι Ντεβλές αλλά τι τζας πασέ λέστε-ντα.—Ιακώβου 4:8.