Ο ΜΩΣΑΪΚΟΣ ΝΟΜΟΣ μουκχέλας ι Ιουδαιόν τι χαν συγκεκριμέ σοβελιά, σαρ για παράδειγμας, «Χάβα τούκε σοβέλ κο Ντεβέλ» ή «Χάβα τούκε σοβέλ κο ναβ κι Ιεχωβάσκο». Όμως, αζομάν σο ισινέ ο Ιησούς κι πφουβ, ο Ιουδαίοι χάνας σοβέλ σχεδόν σαρέ ι πραγματένγκε σο βακερένας. Κερένας-λες ανταβά για τι πακιάν-λεν πιο εύκολα ο γιαβερά, αλλά ο Ιησούς βακερντάς ντούι φαρ ότι δεν έπρεπε τι τθερέν ανταγιά συνήθεια επειδή να βοηθίνελας πουθενά. Βοβ βακερντάς: «Ο “Βα” σο βακερένα τι αβέλ βα, τουμαρό “Όχι”, όχι».​—Ματθαίος 5:33-37· 23:16-22.

Σαρ βακερέλα ο Θεολογικός Λεξικός της Καινής Διαθήκης (Theological Dictionary of the New Testament), ο Ταλμούδ βοηθίνελα-αμέν τι αγαβάς ότι ο Ιουδαίοι συνηθίνενας τι χαν σοβέλ για τι σικαβέν ότι οντουλά σο βακερένας ισινέ μπαγιά. Ανταβά αβέλα-πες επειδή ο Ταλμούδ εξηγίνελα με μπουτ λεπτομέρειες καλά σοβελιά έπρεπε τι ατσσικιαρέν ντα καλά όχι.

Να βακερντάς σάντε ο Ιησούς ότι ισινέ λάθος τι τθερέν ανταγιά συνήθεια. Για παράδειγμας, ο Ιουδαίος ιστορικός Φλάβιος Ιώσηπος γραφιντάς ότι ο τζενέ σε εκ θρησκεία σο τθερένας ο Ιουδαίοι να μανγκένας τι χαν σοβέλ. Ανταλά τζενέ πακιάνας ότι ισί χειρότερος τι χαν σοβέλ από ό,τι τι βακερέν ψέματα. Πακιάνας ότι άμα κάποιος έπρεπε τι χαλ σοβέλ για τι πακιάν-λες ο γιαβερά, αζομάν μάλλον ισί ψεύτης. Επίσης, ο απόκρυφος Ιουδαϊκός βιβλίος Σοφία Σειράχ βακερέλα: «Ο τζενό σο χάλα μπουτ φαρ σοβέλ, ισί πφερντό παρανομία». (23:11, Η Αγία Γραφή, Μετάφραση από τα Πρωτότυπα Κείμενα) Ο Ιησούς βακερντάς ότι δεν πρέπει τι χαλ κάποιος σοβέλ πραγματένγκε σο νανέ σημαντικά. Άμα βακεράσα πάντα ι αλήθεια, να κα χρειαζίντιβελ τι χας σοβέλ για τι πακιάν ο γιαβερά οντουλά σο βακεράσα.