1. (α) Σαρ μοιάζενας ο Ιεφθάε ντα η Άννα; (Ντικχ ο φωτογραφίες σο ισί κι αρχή.) (β) Καλέ ερωτησιέντε κα λας απαντήσεις ανταλέ μαθημάστε;

Ο ΙΕΦΘΑΕ ισινέ εκ μπίνταρανο αρχηγός ντα εκ πολεμιστής σο τθερέλας μπαρό θάρρος. Η Άννα ισινέ εκ ταπεινή τζουβέλ σο φροντίνελας πι ρομές ντα πο κχερ. Ο ντούι-ντα ντένας λατρεία ι Ιεχωβάς. Αλλά ο ντούι-ντα κερντέ ατζέκ εκ τανό πράγμας. Εμ ο Ιεφθάε εμ η Άννα ντινέ εκ υπόσχεση κο Ιεχωβά, ντα ο κάθε εκ λένταρ ατσσικιαρντάς πιστά πι υπόσχεση. Ισί μπουτ λατσσέ παραδείγματα ι μουρσένγκε ντα ι τζουβλίνγκε αμαρέ ντιβεσέντε σο τραμπίνενα τι ντεν υποσχέσεις κο Ιεχωβά. Για τι ντικχάς ακανά ο απαντήσεις ακαλέ τρινέ ερωτησιέντε: Καζόμ σημαντικός ισί τι ντας εκ υπόσχεση κο Ντεβέλ; Σο μπορίνασα τι σικλιάς κατά Ιεφθάε ντα κατά Άννα;

2, 3. Σο βακερέλα η Γραφή για το υποσχέσεις σο ντάσα κο Ντεβέλ;

² Η Αγία Γραφή σικαβέλα ότι ισί μπουτ σοβαρός τι ντελ κάποιος εκ υπόσχεση κο Ντεβέλ. Για παράδειγμας, εκ τζενό μπορεί τι ντελ πο λάφι κο Ιεχωβά ότι κα κερέλ κάτι, κα ντελ εκ δώρος, κα υπηρετίνελ-λες με εκ συγκεκριμέ τρόπος ή να κα κερέλ μερικά πράγματα. Κάποιος τραμπίνελα κορκορό τι ντελ εκ υπόσχεση ντα χρησιμοποιήνελα ι ελευθερία σο τθερέλα για τι κερέλ-λες ανταβά. Καέκ να ντέλα ζορίσαρ εκ υπόσχεση.  Όμως όταν εκ τζενό κα τραμπίνελ τι ντελ εκ υπόσχεση, οντιά υπόσχεση ισί μπουτ σημαντική ι Ιεχωβάσκε, ντα οντουβά σο ντινάς-λα πρέπει τι σεβάνελ-λα ντα τι ατσσικιαρέλ-λα. Κι Γραφή, εκ ασακί υπόσχεση ισί αζόμ σημαντική καζόμ ισί εκ σοβέλ. Εκ τζενό χάλα σοβέλ για τι ντελ πο λάφι ότι κα κερέλ ή ότι να κα κερέλ εκ πράγμας. (Γένεση 14:22, 23· Εβραίους 6:16, 17) Σο βακερέλα η Γραφή για το τρόπος σο πρέπει τι ντικχάς ο υποσχέσεις σο ντάσα κο Ντεβέλ;

³ Κο Μωσαϊκός Νόμος διαβάνασα ότι, άμα εκ τζενό ντέλα εκ υπόσχεση κο Ιεχωβά, «δεν πρέπει τι λελ παλάλ πο λάφι. Πρέπει τι κερέλ σαρέ ο πράγματα σο ντινάς πο λάφι ότι κα κερέλας». (Αριθμοί 30:2) Μπουτ μπρεσά πιο σοράν, ο Σολομών γραφιντάς: «Κάνα κα ντες εκ υπόσχεση κο Ντεβέλ, μα τι αργίνες τι κερές-λα, επειδή βοβ να μπεϊντίνελα οντουλέν σο να τθερένα γκοντί. Σο-ντα υπόσχεση ντέσα, τι ατσσικιαρές-λα». (Εκκλησιαστής 5:4) Ο Ιησούς σικλιαρντάς ότι ισί μπουτ σοβαρός πράγμας τι ντελ κάποιος υπόσχεση κο Ντεβέλ. Βοβ βακερντάς: «Βακέρντιλο κο τζενέ σο τζουβντιόνας κο πουρανέ μπρεσά: “Δεν πρέπει τι χας σοβέλ εκχέ πραγμάσκε σο να κα κερές-λες, αλλά πρέπει τι ατσσικιαρές ο υποσχέσεις σο ντέσα κο Ιεχωβά”».—Ματθαίος 5:33.

4. (α) Καζόμ σημαντικός ισί τι ντας εκ υπόσχεση κο Ντεβέλ; (β) Σο μανγκάσα τι σικλιάς για τον Ιεφθάε ντα για την Άννα;

⁴ Ντικχίντιβελα ξεκάθαρα ότι πρέπει τι λας μπουτ σοβαρά σαρέ ο υποσχέσεις σο ντάσα κο Ιεχωβά. Ο τρόπος σο ντικχάσα αμαρέ υποσχέσεις επηρεάνελα ι σχέση σο τθεράσα λέσαρ. Ο Δαβίδ βακερντάς-λες ξεκάθαρα ανταβά όταν πουτσλάς: «Κον μπορίνελα τι νικλίλ κι Ιεχωβάσκο βες ντα κον μπορίνελα τι ατσσόλ λέσκε άγιε τθανέστε;» Σοράν απαντιντάς: Ο Ιεχωβά κα δεχτίνελ οντουλές σο να «χαλάς ψεύτικη σοβέλ». (Ψαλμός 24:3, 4) Καγιά υπόσχεση ντινάς ο Ιεφθάε ντα καγιά η Άννα; Ισινέ εύκολος λένγκε τι ατσσικιαρέν πουμαρέ υποσχέσεις;

5. Σο υπόσχεση ντινάς ο Ιεφθάε; Καβά ισινέ ο αποτέλεσμας;

⁵ Ο Ιεφθάε ντινάς εκ υπόσχεση κο Ιεχωβά όταν γκιλό τι πολεμίνελ τους Αμμωνίτες. Οντουβά λαός ισινέ ντουσμάνι ι Ντεβλέσκε λαόσαρ. (Κριτές 10:7-9) Ο Ιεφθάε μολιντάς ι Ιεχωβάς τι βοηθίνελ-λες τι νικίνελ, ντα ντινάς πο λάφι: «Άμα κα ντες ι Αμμωνιτέν μι βαστέστε, οντουβά σο κα νικιόλ πρώτος μι κχερέσταρ για τι αρακχέλ-μαν, όταν κα βουρτίναβ με ειρήνη κατά Αμμωνίτες, κα αβέλ ι Ιεχωβάσκο». Ο Ντεβέλ απαντιντάς κι προσευχή σο κερντάς ο Ιεφθάε ντα βοηθιντάς-λες τι νικίνελ κο τζένγκι. Όταν ο Ιεφθάε βουρτισάλο πι κχερέστε, λέσκι τσσάι σο μανγκέλας-λα μπουτ νικίστιλι τι ντικχέλ-λες. Βόι κα “αβέλας ι Ιεχωβάσκι”. (Κριτές 11:30-34) Σο σημασία τθερέλας ανταβά λάκε;

6. (α) Καζόμ εύκολος ισινέ για τον Ιεφθάε ντα λέσκε τσσαγιάκε τι ατσσικιαρέν ι υπόσχεση σο ντινάς ο Ιεφθάε κο Ντεβέλ; (β) Σο σικλιάσα για το υποσχέσεις κατά εδάφια Δευτερονόμιο 23:21, 23 ντα Ψαλμός 15:4;

⁶ Η τσσάι του Ιεφθάε, για τι ατσσικιαρέλ  ι υπόσχεση πι νταντέσκι, έπρεπε τι τζαλ τι υπηρετίνελ για πάντα ι Ιεχωβάς κι σκηνή της μαρτυρίας. Μήπως ο Ιεφθάε ντινάς ανταγιά υπόσχεση χωρίς τι σκεφτίνελ-λα λατσσές; Όχι, ο Ιεφθάε μάλλον τζανέλας ότι λέσκι τσσάι κα μπορίνελας τι αβέλ ο πρώτος τζενό σο κα νικιόλας τι ντικχέλ-λες. Αλλά είτε τζανέλας-λες ανταβά είτε να τζανέλας-λες, να ισινέ εύκολος ούτε για τον Ιεφθάε ούτε λέσκε τσσαγιάκε τι ατσσικιαρέλ ι υπόσχεση σο ντινάς κο Ιεχωβά. Όταν ο Ιεφθάε ντικχλάς-λα, βακερντάς ότι λέσκο γκι πφανγκιλό. Λέσκι τσσάι γκιλί τι “ροβέλ για την παρθενία της”. Σόσκε; Ο Ιεφθάε να τθερέλας τσσαβές, ντα λέσκι μοναδική τσσάι ποτές να κα μπορίνελας τι παντρίνελ ντα τι κερέλ τσσαβέν. Ο ναβ λέσκε φαμιλιάκο κα χασάρντιβελας. Αλλά εμ ο Ιεφθάε εμ λέσκι τσσάι αγαντέ ότι υπαρχίντιβελας κάτι σο ισινέ πιο σημαντικός οντουλένταρ σο νιωθίνενας. Ο Ιεφθάε βακερντάς: «Πουταρντόμ μο μούι κο Ιεχωβά ντα ναστί λάβα μο λάφι παλάλ». Ντα λέσκι τσσάι βακερντάς: «Κερ μάντε αντικάς σαρ βακερντάν». (Κριτές 11:35-39) Ο Ιεφθάε ντα λέσκι τσσάι ισινέ αζόμ πιστοί σο να κα σκεφτίνενας μα τι ατσσικιαρέν εκ υπόσχεση σο ντιντιλίας κο Ντεβέλ, ατζέ-ντα άμα ισινέ μπουτ δύσκολος λένγκε τι ατσσικιαρέν-λα.—Διαβάνεν Δευτερονόμιο 23:21, 23· Ψαλμός 15:4.

7. (α) Σο υπόσχεση ντινάς η Άννα, ντα σόσκε; Καβά ισινέ ο αποτέλεσμας; (β) Σο σημασία τθερέλας ι Αννάκι υπόσχεση για τον Σαμουήλ; (Ντικχ ι υποσημείωση.)

⁷ Η Άννα επίσης ντινάας εκ υπόσχεση κο Ιεχωβά όταν νακχέλας εκ δυσκολία. Ισινέ μπουτ στεναχωριμέ επειδή να μπορίνελας τι κερέλ τσσαβέν, οτθάρ πφαριαρένας-λα ντα πρασάνας-λα. (1 Σαμουήλ 1:4-7, 10, 16) Βόι βακερντάς κο Ιεχωβά σαρ νιωθίνελας, ντα ντινάς ακαγιά υπόσχεση: «Ιεχωβά των στρατευμάτων, άμα ντικχέσα μπαγιά ι ταλαιπωρία σο τσσίνταβα με, τι δούλη, ντα τθερέσα-μαν τι γκοντιάτε, ντα άμα να κα μπιστρές-μαν ντα κα ντες-μαν εκχέ τσσαβές, με κα νταβ-λες κο Ιεχωβά σαρέ ο ντιβεσά λέσκε ζωγιάκε ντα ξυράφι να κα νακχέλ λέσκε σορέσταρ». * (Ντικχ ι υποσημείωση.) (1 Σαμουήλ 1:11) Ο Ιεχωβά ασουντάς ι προσευχή σο κερντάς η Άννα, ντα ο γιαβέρ μπρες βόι κερντάς εκχέ τσσαβές, τον Σαμουήλ. Η Άννα ισινέ μπουτ χαρούμενη! Αλλά να μπισταρντάς ι υπόσχεση σο ντινάς κο Ντεβέλ. Όταν μπιαντάς πι τσσαβές, βακερντάς: «Κατά Ιεχωβά μανγκλόμ-λες».—1 Σαμουήλ 1:20.

8. (α) Ισινέ εύκολος ι Αννάκε τι ατσσικιαρέλ ι υπόσχεση σο ντινάς; (β) Σαρ ο Ψαλμός 61 ανέλα τουμαρέ γκοντιάτε ο λατσσό παράδειγμας ι Αννάκο;

⁸ Όταν ο Σαμουήλ ισινέ περίπου τρινέ μπρεσένγκο, η Άννα κερντάς ακριβώς οντουβά σο βακερντάς κο Ιεχωβά. Λιντάς τον Σαμουήλ ντα γκερντάς-λες κο αρχιερέας Ηλεί κι σκηνή της μαρτυρίας κι Σηλώ, ντα βακερντάς: «Ακαλέ τσσαβέσκε προσευχίντιβαβας, ντα ο Ιεχωβά ντινάς-μαν οντουβά σο μανγκλόμ λέσταρ. Οτθάρ δανειντόμ-λες κο Ιεχωβά. Σαρέ ο ντιβεσά σο κα τζουβντιόλ,  κα αβέλ δανειμέ κο Ιεχωβά». (1 Σαμουήλ 1:24-28) Από αζομάν, ο Σαμουήλ τζουβντιόλας κι σκηνή. Η Γραφή βακερέλα ότι «ο τσσαβό, ο Σαμουήλ, συνεχίνελας τι μπαριόλ πασέ κο Ιεχωβά». (1 Σαμουήλ 2:21) Να ισινέ εύκολος ι Αννάκε τι ατσσικιαρέλ ι υπόσχεση σο ντινάς. Να κα μπορίνελας τι αβέλ κάθε ντιβές πι τσσαβέσαρ σο μανγκέλας αζόμ μπουτ. Να κα μπορίνελας τι ντικχέλ-λες τι μπαριόλ. Όμως η Άννα λιντάς κο σοβαρά ι υπόσχεση σο ντινάς κο Ιεχωβά. Ισινέ έτοιμη τι θυσιάνελ πράγματα σο ισινέ σημαντικά λάκε για τι ατσσικιαρέλ ι υπόσχεση σο ντινάς κο Ντεβέλ.—1 Σαμουήλ 2:1, 2· διαβάνεν Ψαλμός 61:1, 5, 8.

9. Καλά ερωτήσεις κα ντικχάς ακανά;

⁹ Ακανά σο αγαβάσα καζόμ σοβαρός ισί τι ντας εκ υπόσχεση κο Ιεχωβά, για τι ντικχάς ακαλά ερωτήσεις: Σο υποσχέσεις κα μπορίναας τι ντας αμαρέ ντιβεσέντε; Καζόμ αποφασισμέ πρέπει τι αβάς για τι ατσσικιαράς ανταλά υποσχέσεις;

10. Καγιά ισί η πιο σημαντική υπόσχεση σο μπορίνελα τι ντελ εκ Χριστιανός; Σο μανγκέλα τι βακερέλ ανταγιά υπόσχεση;

¹⁰ Η πιο σημαντική υπόσχεση σο μπορίνελα τι ντελ εκ Χριστιανός ισί οντιά σο  ντέλα για τι αφιερώνελ πι ζωή κο Ιεχωβά. Με εκ προσευχή σο κερέλα κορκορό, εκ τζενό ντέλα υπόσχεση τι χρησιμοποιήνελ πι ζωή για τι υπηρετίνελ ι Ντεβλές για πάντα, σο-ντα τι αβέλ-πες. Ο Ιησούς βακερντάς ότι “μπιστράσα αμαρό νεαυτός”, δηλαδή ότι ντάσα αμαρό λάφι τι τσσουβάς κι πρώτη θέση ι Ιεχωβάς ντα όχι αμαρό νεαυτός. (Ματθαίος 16:24) Από αζομάν, «ισινάμ ι Ιεχωβάσκε». (Ρωμαίους 14:8) Λάσα κο σοβαρά αμαρί αφιέρωση. Νιωθίνασα σαρ ο ψαλμωδός σο βακερντάς: «Σο κα νταβ κο Ιεχωβά σαρέ ι λατσσέ πραγματένγκε σο κερντάς μάνγκε; Κα ατσσικιαράβ ανγκλάλ σαρέ λέσκε λαόστε ο υποσχέσεις σο ντινόμ κο Ιεχωβά».—Ψαλμός 116:12, 14.

11. Σο αβιλό-πες ο ντιβές σο μπολντιλέν;

¹¹ Αφιερωντέν τουμαρί ζωή κο Ιεχωβά ντα μπολντιλέν για τι σικαβέν ότι κερντέν αφιέρωση; Άμα κερντέν-λες, ανταβά ισί μπουτ σουκάρ! Ντένα-τουμέν γκοντί ότι, ο ντιβές σο μπολντιλέν, ο πφραλ σο κερντάς ι ομιλία πουτσλάς-τουμέν άμα αφιερωντένας τουμαρό νεαυτός κο Ιεχωβά ντα άμα αγαντένας ότι «η απόφαση σο λιντέν τι τζουβντιόν ι Ιεχωβάσκε ντα τι μπολντιόν σικαβέλα ότι ισινέν Μάρτυρες του Ιεχωβά»; Όταν βακερντέν βα, σαρέ ο τζενέ σο ισινέ οτθέ τζανένας ότι αφιερωντέν τουμαρί ζωή ντα ότι μπορίνενας τι μπολντιόν ντα τι αβέν διορισμέ διάκονοι ι Ιεχωβάσκε. Πρέπει τι κερντένας μπουτ χαρούμενος ι Ιεχωβάς!

12. (α) Καλά ερωτήσεις κα αβέλας λατσσό τι κεράς αμαρέ νεαυτόσκε; (β) Καλά ιδιότητες βακερντάς αμένγκε ο Πέτρος τι μπαριαράς;

¹² Όταν μπολντιόνα, ντένα υπόσχεση κο Ιεχωβά ότι κα χρησιμοποιήνεν τουμαρί ζωή για τι υπηρετίνεν-λες ντα τι κερέν ο πιο λατσσό σο μπορίνενα για τι ακολουθίνεν λέσκε κανόνες. Όμως ο μπολιπέ ισί μόνο η αρχή. Καζόμ νακχέλα ο καιρός, σαρέ πρέπει τι συνεχίνας τι πουτσάς αμαρό νεαυτός: “Αβιλί πιο ζουρανί η φιλία σο τθεράβα ι Ιεχωβάσαρ από αζομάν σο μπολντιλόμ; Συνεχίναβα τι υπηρετίναβ-λες σαρέ μι γκίσαρ; (Κολοσσαείς 3:23) Προσευχίντιβαβα συνέχεια; Διαβάναβα ο Λάφι ι Ντεβλέσκο κάθε ντιβές; Τζάβα σαρέ κο συναθροίσεις; Κεράβα ο έργος ι Ντεβλέσκο καζόμ αβέλα-πες πιο μπουτ; Ή μήπως χασαρντόμ ο ενθουσιασμός σο τθεράβα ανταλέ πραγματένγκε;” Ο απόστολος Πέτρος προειδοποιηντάς-αμέν ότι υπαρχίντιβελα ο κίνδυνος τι αβάς αδρανείς, δηλαδή τι σταματίνας τι υπηρετίνας ι Ιεχωβάς. Ανταβά να κα αβέλ-πες άμα κεράσα μπαρέ προσπάθειες τι μπαριαράς αμαρί πίστη, αμαρί γνώση, αμαρί υπομονή ντα αμαρί αφοσίωση κο Ντεβέλ.—Διαβάνεν 2 Πέτρου 1:5-8.

13. Σο πρέπει τι αγαβέλ εκ αφιερωμέ ντα μπολντό Χριστιανός;

¹³ Αφού ντινάμ εκ υπόσχεση κο Ιεχωβά, ναστί λάσα-λα παλάλ. Εκ τζενό σο να μανγκέλα τι υπηρετίνελ γιαβέρ ι Ιεχωβάς ή τι τζουβντιόλ σαρ Χριστιανός, ναστί βακερέλα σοράν ότι ποτές να αφιερωντάας-πες μπαγιά κο Ντεβέλ ντα ότι λέσκο μπολιπέ ισινέ άκυρος. * (Ντικχ ι υποσημείωση.) Άμα κάποιος σο ισί αφιερωμέ κο Ιεχωβά κερντάς εκ σοβαρή αμαρτία, κα ντελ λογαριασμός κο Ιεχωβά ντα κι εκκλησία. (Ρωμαίους 14:12) Να μανγκάσα ποτές τι αβάς σαρ κο τζενέ σο βακερντάς λένγκε ο Ιησούς: “Μουκχλέν ι αγάπη σο τθερένας κι αρχή”. Όμως, μανγκάσα τι βακερέλ αμένγκε: «Τζανάβα ο πράγματα σο κερέσα, ντα τι αγάπη ντα τι πίστη ντα το έργος ντα τι υπομονή, ντα ότι οντουλά σο κερέσα ακανά τελευταία ισί πιο μπουτ οντουλένταρ σο  κερέας πριν». (Αποκάλυψη 2:4, 19) Μανγκάσα τι συνεχίνας τι τζουβντιάς αντικάς σαρ βακερντάμ κι αφιέρωση σο κερντάμ για τι κεράς χαρούμενος ι Ιεχωβάς.

14. Καγιά ισί η δεύτερη πιο σημαντική υπόσχεση σο μπορίνελα τι ντελ κάποιος; Σόσκε;

¹⁴ Η δεύτερη πιο σημαντική υπόσχεση σο μπορίνελα τι ντελ κάποιος ισί όταν παντρίνελα. Η παντριά ισί ιερή. Ο Ιεχωβά ντικχέλα μπουτ σοβαρά ανταγιά υπόσχεση. Όταν η μπορί ντα ο τζαμουτρό ντένα πουμαρέ υποσχέσεις, ντένα πουμαρό λάφι ανγκλάλ κο Ιεχωβά ντα οντουλέντε σο ισί οτθέ. Συνήθως ντένα υπόσχεση ότι κα μανγκέν, κα αρακχαβέν ντα κα σεβάνεν ο εκ ι γιαβερές καζόμ καιρός ο ντούι-ντα κα τζουβντιόν μαζί οπράλ κι πφουβ σαρ κανονιντάς-λες ο Ντεβέλ σο κερντάς ι παντριά. Γιαβερά μπορεί μα τι βακερένα ακριβώς ανταλά λάφια, αλλά βον-ντα ντινέ εκ υπόσχεση ανγκλάλ κο Ντεβέλ. Όταν ντένα ανταγιά υπόσχεση, αβένα αντρόγυνος. Λένγκι παντριά πρέπει τι ατσσικιαρέλ για πάντα. (Γένεση 2:24· 1 Κορινθίους 7:39) Ο Ιησούς βακερντάς: «Ανταβά σο ο Ντεβέλ κερντάς εκ, τζενό μα τι χωρίνελ-λες». Εκ ζευγάρι σο παντρίνελα δεν πρέπει τι αμντίνελ ότι, άμα λέσκι παντριά να τζάλα λατσσές, μπορίνελα τι λελ διαζύγιος.—Μάρκος 10:9.

15. Σόσκε δεν πρέπει ο Χριστιανοί τι ντικχέν ι παντριά σαρ ντικχέλα-λα ο ντουνιάς;

¹⁵ Φυσικά, σαρ νανέ τέλεια τζενέ, νανέ τέλειες παντριές-ντα. Οτθάρ, η Γραφή βακερέλα ότι κάθε τζενό σο παντρίνελα “κα τθερέλ στεναχώρια” κάποιες φορές. (1 Κορινθίους 7:28) Κο ντουνιάς αντιβές, μπουτ τζενέ να λένα κο σοβαρά ι παντριά. Πακιάνα ότι, άμα ο πράγματα να κα τζαν λατσσές, μπορίνενα τι τσσιντιόν. Αλλά ο Χριστιανοί να ντικχένα αντικάς ι παντριά. Αγαβένα ότι ντινέ πουμαρί παντριάκι υπόσχεση ανγκλάλ κο Ντεβέλ. Άμα να κα ατσσικιαρέν ανταγιά υπόσχεση, κα αβέλας σαρ τι βακερένας λέσκε ψέματα, ντα ο Ντεβέλ μισίνελα οντουλέν σο βακερένα ψέματα. (Λευιτικό 19:12· Παροιμίες 6:16-19) Ο παντριμέ Χριστιανοί πρέπει τι ντεν-πες γκοντί οντουβά σο βακερντάς ο απόστολος Παύλος: «Ισινάν πφαντό εκχέ τζουβλιάσαρ; Συνέχινε τι αβές λάσαρ». (1 Κορινθίους 7:27) Ο Παύλος μπορίνελας τι βακερέλ-λες ανταβά επειδή τζανέλας ότι ο Ιεχωβά μισίνελα επίσης ο διαζύγιος σο λιντιόλα πφιρνιμάσαρ.—Μαλαχίας 2:13-16.

16. Σο βακερέλα η Γραφή για το διαζύγιος ντα ι χωριμάσκε;

¹⁶ Ο Ιησούς σικλιαρντάς ότι ο μόνος λόγος σο βακερέλα η Γραφή ότι μπορίνελα τι λελ διαζύγιος εκ τζενό ισί άμα ο εκ κατά ντούι κα τζαλ γιαβερέσαρ ντα ο γιαβέρ κα τραμπίνελ μα τι συγχωρίνελ-λες. (Ματθαίος 19:9· Εβραίους 13:4) Σο αβέλα-πες όμως άμα εκ τζενό μανγκέλα τι χωρίνελ; Η Γραφή κερέλα λάφι ξεκάθαρα ανταλέ πραγμάσκε-ντα. (Διαβάνεν 1 Κορινθίους 7:10, 11) Να υπαρχίντιβελα καέκ λόγος αντρέ κι Γραφή για τι χωρίνελ εκ αντρόγυνος. Όμως, μπάζιμ μπορεί τι αβέλ-πες κάτι ντα εκ Χριστιανός ή εκ Χριστιανή τι βακερέλ ότι πρέπει τι μουκχέλ οπωσδήποτε πι ρομνιά ή πι ρομές. Για παράδειγμας, μερικοί μπορεί τι αβέν σίγουροι ότι λένγκι ζωή ή λένγκι φιλία ι Ιεχωβάσαρ κα αβέλ σε μπουτ μπαρό κίνδυνος άμα κα συνεχίνεν τι τζουβντιόν εκχέ τζενέσαρ σο νταπέλα μπουτ ή ισί αποστάτης. * (Ντικχ ι υποσημείωση.)

17. Σαρ μπορίνελα εκ αντρόγυνος σο ισί Χριστιανοί τι κερέν πουμαρί παντριά τι ατσσικιαρέλ για πάντα;

 ¹⁷ Όταν εκ αντρόγυνος τζάλα κο πρεσβύτεροι σο ισί κι εκκλησία τι μανγκέν συμβουλή για τι κερέν πιο λατσσί πουμαρί παντριά, ο πρεσβύτεροι ισί λατσσό τι πουτσέν-λεν άμα ντικχλέ ο βίντεος Τι Είναι Αληθινή Αγάπη; ντα άμα διαβαντέ μαζί ο βιβλιάριος Μπορίνενα τι Τθερέν Ευτυχισμέ Φαμιλί. Οτθέ κα αρακχέν ο συμβουλές ι Γραφιάκε σο μπορίνενα τι κερέν εκ παντριά πιο ζουρανί. Εκ αντρόγυνος βακερντάς: «Από αζομάν σο αρχισάλαμ τι διαβάνας ανταβά βιβλιάριος, ισινάμ μπουτ ευτυχισμέ αμαρέ παντριάτε». Εκ πφεν σο ισινέ παντριμέ 22 μπρεσά αμντισάλιας ότι λάκι παντριά κα καταστραφίντιβελας. Σοράν ντικχλάς ο βίντεος. Βόι βακερντάς: «Ισινάμ ο ντούι-ντα μπολντέ, αλλά συναισθηματικά ισινάμας μπουτ διαφορετικοί ο εκ κατά γιαβέρ. Ανταβά βίντεος αβιλό οπράλ κο σαάτι! Ακανά ισινάμ μπουτ πιο λατσσές σαρ αντρόγυνος». Ντικχίντιβελα ξεκάθαρα ότι, άμα ο ρομ ντα η ρομνί ακολουθίνενα ι Ιεχωβάσκε συμβουλές πουμαρέ παντριάτε, λένγκι σχέση κα αβέλ πιο ζουρανί ντα βον κα αβέν πιο χαρούμενοι.

18, 19. (α) Σο κερντέ μπουτ νταντά ντα νταγιά σο ισί Χριστιανοί; (β) Σο μπορίνασα τι βακεράς οντουλένγκε σο ισί κι ειδική ολοχρόνια υπηρεσία;

¹⁸ Πιο τζανγκλέ ντικχλάμ ο υποσχέσεις σο ντινέ ο Ιεφθάε ντα η Άννα. Επειδή ντινέ οντουλά υποσχέσεις, εμ η τσσάι του Ιεφθάε εμ ο τσσαβό ι Αννάκο χρησιμοποιηντέ πουμαρί ζωή για τι υπηρετίνεν ι Ιεχωβάς με ειδικός τρόπος. Αμαρέ ντιβεσέντε, μπουτ Χριστιανοί βακερένα πουμαρέ τσσαβένγκε τι λεν ι ολοχρόνια διακονία ντα τι τσσουβέν πρώτα πουμαρέ ζωγιάτε ι υπηρεσία κο Ντεβέλ. Σαρέ μπορίνασα τι ενθαρρύνας οντουλέ τερνέν για τι συνεχίνεν πουμαρί υπηρεσία.—Κριτές 11:40· Ψαλμός 110:3.

¹⁹ Αμαρέ ντιβεσέντε, σαρό κο ντουνιάς 67.000 πφραλά ισί κι Ειδική Ολοχρόνια Υπηρεσία. Κάποιοι υπηρετίνενα κο Μπέθελ, κι οικοδόμηση ή σαρ επίσκοποι περιοχής. Γιαβερά υπηρετίνενα σαρ εκπαιδευτές κο Βιβλικές Σχολές, ειδικοί σκαπανείς, ιεραπόστολοι, υπηρέτες κο Αίθουσες Συνελεύσεων ή κο εγκαταστάσεις σο αβένα-πες ο Βιβλικές Σχολές. Σαρέ ανταλά πφραλά ντινέ ι «Υπόσχεση Υπακοής και Φτώχειας». Όταν ντένα ανταγιά υπόσχεση, βακερένα ότι κα κερέν ο πιο λατσσό σο μπορίνενα κο διορισμούς σο τθερένα κι Ιεχωβάσκι υπηρεσία, κα τθερέν εκ απλή ζωή ντα να κα κερέν μπουτί αβρί κο ντουνιάς, εκτός άμα κα μανγκέν άδεια. Νανέ ο τζενέ ειδικοί, δηλαδή ξεχωριστοί, αλλά ο διορισμοί σο τθερένα. Βον ισί ταπεινοί ντα αποφασισμέ τι ατσσικιαρέν πουμαρί υπόσχεση καζόμ καιρός κα αβέν κι ειδική ολοχρόνια υπηρεσία.

20. Σαρ πρέπει τι ντικχάς ο υποσχέσεις σο ντινάμ κο Ιεχωβά; Σόσκε;

²⁰ Ανταλέ μαθημάστε, ντικχλάμ τριν υποσχέσεις σο μπορεί τι ντας κο Ντεβέλ. Μπορεί τι ντινέν τουμέν-ντα κάποιες υποσχέσεις ανταλένταρ. Τζανάσα ότι πρέπει τι λας κο σοβαρά αμαρέ υποσχέσεις ντα ότι πρέπει τι κεράς ο πιο λατσσό σο μπορίνασα για τι ατσσικιαράς-λεν. (Παροιμίες 20:25) Άμα να κεράσα ο υποσχέσεις σο ντάσα κο Ιεχωβά, μπορεί τι τθεράς μπέτι αποτελέσματα. (Εκκλησιαστής 5:6) Οτθάρ, τι αβάς σαρ ο ψαλμωδός σο βακερντάς κο Ιεχωβά: «Κα γκιλιαβάβ τι ναβέστε για πάντα, καζόμ κα ατσσικιαράβ μο υποσχέσεις κάθε ντιβές».—Ψαλμός 61:8.